Epistula I ad Thessalonicenses, Caput 5, versae 1-11: Библия онлайн, Nova Vulgata == БИБЛИЯ-ЦЕНТР

Epistula I ad Thessalonicenses, Caput 5, versae 1-11

¹De temporibus autem et mo mentis, fratres, non indigetis, ut scribatur vobis;

²ipsi enim diligenter scitis quia dies Domini, sicut fur in nocte, ita veniet.

³Cum enim dixerint: “ Pax et securitas ”, tunc repentinus eis superveniet interitus, sicut dolor in utero habenti, et non effugient.

⁴Vos autem, fratres, non estis in tenebris, ut vos dies ille tamquam fur comprehendat;

⁵omnes enim vos filii lucis estis et filii diei. Non sumus noctis neque tenebrarum;

⁶igitur non dormiamus sicut ceteri, sed vigilemus et sobrii simus.

⁷Qui enim dormiunt, nocte dormiunt; et, qui ebrii sunt, nocte inebriantur.

⁸Nos autem, qui diei sumus, sobrii simus, induti loricam fidei et caritatis et galeam spem salutis;

⁹quoniam non posuit nos Deus in iram sed in acquisitionem salutis per Dominum nostrum Iesum Christum,

¹⁰qui mortuus est pro nobis, ut sive vigilemus sive dormiamus, simul cum illo vivamus.

¹¹Propter quod consolamini invicem et aedificate alterutrum, sicut et facitis.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).