Liber Isaiae, Caput 12

¹Et dices in die illa:
“ Confitebor tibi, Domine,
quoniam cum iratus eras mihi,
conversus est furor tuus, et consolatus es me.

²Ecce Deus salutis meae;
fiducialiter agam et non timebo,
quia fortitudo mea et laus mea Dominus,
et factus est mihi in salutem ”.

³Et haurietis aquas in gaudio de fontibus salutis.

⁴Et dicetis in die illa:
“ Confitemini Domino et invocate nomen eius,
notas facite in populis adinventiones eius;
mementote quoniam excelsum est nomen eius.

⁵Cantate Domino, quoniam magnifice fecit;
notum sit hoc in universa terra.

⁶Exsulta et lauda, quae habitas in Sion,
quia magnus in medio tui Sanctus Israel ”.

Читать далее:Liber Isaiae, Caput 13


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).