Evangelium secundum Matthaeum, Caput 21, versae 38-46: Библия онлайн, Nova Vulgata == БИБЛИЯ-ЦЕНТР

Evangelium secundum Matthaeum, Caput 21, versae 38-46

³⁸Agricolae autem videntes filium dixerunt intra se: “Hic est heres. Venite, occidamus eum et habebimus hereditatem eius”.

³⁹Et apprehensum eum eiecerunt extra vineam et occiderunt.

⁴⁰Cum ergo venerit dominus vineae, quid faciet agricolis illis? ”.

⁴¹Aiunt illi: “ Malos male perdet et vineam locabit aliis agricolis, qui reddant ei fructum temporibus suis ”.

⁴²Dicit illis Iesus: “ Numquam legistis in Scripturis:
"Lapidem quem reprobaverunt aedificantes,
hic factus est in caput anguli;
a Domino factum est istud
et est mirabile in oculis nostris" ?

⁴³Ideo dico vobis quia auferetur a vobis regnum Dei et dabitur genti facienti fructus eius.

⁴⁴Et, qui ceciderit super lapidem istum confringetur; super quem vero ceciderit, conteret eum ”.

⁴⁵Et cum audissent principes sacerdotum et pharisaei parabolas eius, cognoverunt quod de ipsis diceret;

⁴⁶et quaerentes eum tenere, timuerunt turbas, quoniam sicut prophetam eum habebant.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).