Evangelium secundum Matthaeum, Caput 9, versae 18-26

¹⁸Haec illo loquente ad eos, ecce princeps unus accessit et adorabat eum dicens: “ Filia mea modo defuncta est; sed veni, impone manum tuam super eam, et vivet ”.

¹⁹Et surgens Iesus sequebatur eum et discipuli eius.

²⁰Et ecce mulier, quae sanguinis fluxum patiebatur duodecim annis, accessit retro et tetigit fimbriam vestimenti eius.

²¹Dicebat enim intra se: “ Si tetigero tantum vestimentum eius, salva ero ”.

²²At Iesus conversus et videns eam dixit: “ Confide, filia; fides tua te salvam fecit ”. Et salva facta est mulier ex illa hora.

²³Et cum venisset Iesus in domum principis et vidisset tibicines et turbam tumultuantem,

²⁴dicebat: “ Recedite; non est enim mortua puella, sed dormit ”. Et deridebant eum.

²⁵At cum eiecta esset turba, intravit et tenuit manum eius, et surrexit puella.

²⁶Et exiit fama haec in universam terram illam.

Читать далее:Evangelium secundum Matthaeum, Caput 9


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).