Liber Proverbiorum, Caput 8, versae 22-31

²²Dominus possedit me in initio viarum suarum,
antequam quidquam faceret a principio;

²³ab aeterno ordinata sum
et ex antiquis, antequam terra fieret.

²⁴Nondum erant abyssi, et ego iam concepta eram,
necdum fontes graves aquis,

²⁵priusquam montes demergerentur,
ante colles ego parturiebar.

²⁶Adhuc terram non fecerat et campos
et initium glebae orbis terrae.

²⁷Quando praeparabat caelos, aderam,
quando certa lege et gyro vallabat abyssos,

²⁸quando nubes firmabat sursum,
et praevaluerunt fontes abyssi,

²⁹quando circumdabat mari terminum suum
et aquis, ne transirent fines suos,
quando iecit fundamenta terrae,

³⁰cum eo eram ut artifex:
delectatio eius per singulos dies,
ludens coram eo omni tempore,

³¹ludens in orbe terrarum,
et deliciae meae esse cum filiis hominum.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).