Liber Psalmorum, Psalmus 14

¹Magistro chori. David.
Dixit insipiens in corde suo: “ Non est Deus ”.
Corrupti sunt et abominationes operati sunt;
non est qui faciat bonum.

²Dominus de caelo prospexit super filios hominum,
ut videret si est intellegens aut requirens Deum.

³Omnes declinaverunt, simul corrupti sunt;
non est qui faciat bonum, non est usque ad unum.

⁴Nonne scient omnes, qui operantur iniquitatem,
qui devorant plebem meam sicut escam panis?
Dominum non invocaverunt;

⁵illic trepidaverunt timore,
quoniam Deus cum generatione iusta est.

⁶Vos consilium inopis confundetis,
Dominus autem spes eius est.

⁷Quis dabit ex Sion salutare Israel?
Cum converterit Dominus captivitatem plebis suae,
exsultabit Iacob, et laetabitur Israel.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).