ΕΣΘΗΡ, κεφαλίς 4: Библия онлайн, Greek/Septuagint == БИБЛИЯ-ЦЕНТР

ΕΣΘΗΡ, κεφαλίς 4

¹ὁ δὲ Μαρδοχαι̃ος ἐπιγνοὺς τὸ συντελούμενον διέρρηξεν τὰ ἱμάτια αὐτου̃ καὶ ἐνεδύσατο σάκκον καὶ κατεπάσατο σποδὸν καὶ ἐκπηδήσας διὰ τη̃ς πλατείας τη̃ς πόλεως ἐβόα φωνη̨̃ μεγάλη̨ αἴρεται ἔθνος μηδὲν ἠδικηκός

²καὶ ἠ̃λθεν ἕως τη̃ς πύλης του̃ βασιλέως καὶ ἔστη οὐ γὰρ ἠ̃ν ἐξὸν αὐτω̨̃ εἰσελθει̃ν εἰς τὴν αὐλὴν σάκκον ἔχοντι καὶ σποδόν

³καὶ ἐν πάση̨ χώρα̨ οὑ̃ ἐξετίθετο τὰ γράμματα κραυγὴ καὶ κοπετὸς καὶ πένθος μέγα τοι̃ς Ιουδαίοις σάκκον καὶ σποδὸν ἔστρωσαν ἑαυτοι̃ς

⁴καὶ εἰση̃λθον αἱ ἅβραι καὶ οἱ εὐνου̃χοι τη̃ς βασιλίσσης καὶ ἀνήγγειλαν αὐτη̨̃ καὶ ἐταράχθη ἀκούσασα τὸ γεγονὸς καὶ ἀπέστειλεν στολίσαι τὸν Μαρδοχαι̃ον καὶ ἀφελέσθαι αὐτου̃ τὸν σάκκον ὁ δὲ οὐκ ἐπείσθη

⁵ἡ δὲ Εσθηρ προσεκαλέσατο Αχραθαι̃ον τὸν εὐνου̃χον αὐτη̃ς ὃς παρειστήκει αὐτη̨̃ καὶ ἀπέστειλεν μαθει̃ν αὐτη̨̃ παρὰ του̃ Μαρδοχαίου τὸ ἀκριβές

⁶...

⁷ὁ δὲ Μαρδοχαι̃ος ὑπέδειξεν αὐτω̨̃ τὸ γεγονὸς καὶ τὴν ἐπαγγελίαν ἣν ἐπηγγείλατο Αμαν τω̨̃ βασιλει̃ εἰς τὴν γάζαν ταλάντων μυρίων ἵνα ἀπολέση̨ τοὺς Ιουδαίους

⁸καὶ τὸ ἀντίγραφον τὸ ἐν Σούσοις ἐκτεθὲν ὑπὲρ του̃ ἀπολέσθαι αὐτοὺς ἔδωκεν αὐτω̨̃ δει̃ξαι τη̨̃ Εσθηρ καὶ εἰ̃πεν αὐτω̨̃ ἐντείλασθαι αὐτη̨̃ εἰσελθούση̨ παραιτήσασθαι τὸν βασιλέα καὶ ἀξιω̃σαι αὐτὸν περὶ του̃ λαου̃ μνησθει̃σα ἡμερω̃ν ταπεινώσεώς σου ὡς ἐτράφης ἐν χειρί μου διότι Αμαν ὁ δευτερεύων τω̨̃ βασιλει̃ ἐλάλησεν καθ' ἡμω̃ν εἰς θάνατον ἐπικάλεσαι τὸν κύριον καὶ λάλησον τω̨̃ βασιλει̃ περὶ ἡμω̃ν καὶ ῥυ̃σαι ἡμα̃ς ἐκ θανάτου

⁹εἰσελθὼν δὲ ὁ Αχραθαι̃ος ἐλάλησεν αὐτη̨̃ πάντας τοὺς λόγους τούτους

¹⁰εἰ̃πεν δὲ Εσθηρ πρὸς Αχραθαι̃ον πορεύθητι πρὸς Μαρδοχαι̃ον καὶ εἰπὸν ὅτι

¹¹τὰ ἔθνη πάντα τη̃ς βασιλείας γινώσκει ὅτι πα̃ς ἄνθρωπος ἢ γυνή ὃς εἰσελεύσεται πρὸς τὸν βασιλέα εἰς τὴν αὐλὴν τὴν ἐσωτέραν ἄκλητος οὐκ ἔστιν αὐτω̨̃ σωτηρία πλὴν ὡ̨̃ ἐκτείνει ὁ βασιλεὺς τὴν χρυση̃ν ῥάβδον οὑ̃τος σωθήσεται κἀγὼ οὐ κέκλημαι εἰσελθει̃ν πρὸς τὸν βασιλέα εἰσὶν αὑ̃ται ἡμέραι τριάκοντα

¹²καὶ ἀπήγγειλεν Αχραθαι̃ος Μαρδοχαίω̨ πάντας τοὺς λόγους Εσθηρ

¹³καὶ εἰ̃πεν Μαρδοχαι̃ος πρὸς Αχραθαι̃ον πορεύθητι καὶ εἰπὸν αὐτη̨̃ Εσθηρ μὴ εἴπη̨ς σεαυτη̨̃ ὅτι σωθήση̨ μόνη ἐν τη̨̃ βασιλεία̨ παρὰ πάντας τοὺς Ιουδαίους

¹⁴ὡς ὅτι ἐὰν παρακούση̨ς ἐν τούτω̨ τω̨̃ καιρω̨̃ ἄλλοθεν βοήθεια καὶ σκέπη ἔσται τοι̃ς Ιουδαίοις σὺ δὲ καὶ ὁ οἰ̃κος του̃ πατρός σου ἀπολει̃σθε καὶ τίς οἰ̃δεν εἰ εἰς τὸν καιρὸν του̃τον ἐβασίλευσας

¹⁵καὶ ἐξαπέστειλεν Εσθηρ τὸν ἥκοντα πρὸς αὐτὴν πρὸς Μαρδοχαι̃ον λέγουσα

¹⁶βαδίσας ἐκκλησίασον τοὺς Ιουδαίους τοὺς ἐν Σούσοις καὶ νηστεύσατε ἐπ' ἐμοὶ καὶ μὴ φάγητε μηδὲ πίητε ἐπὶ ἡμέρας τρει̃ς νύκτα καὶ ἡμέραν κἀγὼ δὲ καὶ αἱ ἅβραι μου ἀσιτήσομεν καὶ τότε εἰσελεύσομαι πρὸς τὸν βασιλέα παρὰ τὸν νόμον ἐὰν καὶ ἀπολέσθαι με ἠ̨̃

¹⁷καὶ βαδίσας Μαρδοχαι̃ος ἐποίησεν ὅσα ἐνετείλατο αὐτω̨̃ Εσθηρ

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).