ΕΣΔΡΑΣ, κεφαλίς 19: Библия онлайн, Greek/Septuagint == БИБЛИЯ-ЦЕНТР

ΕΣΔΡΑΣ, κεφαλίς 19

¹καὶ ἐν ἡμέρα̨ εἰκοστη̨̃ καὶ τετάρτη̨ του̃ μηνὸς τούτου συνήχθησαν οἱ υἱοὶ Ισραηλ ἐν νηστεία̨ καὶ ἐν σάκκοις

²καὶ ἐχωρίσθησαν οἱ υἱοὶ Ισραηλ ἀπὸ παντὸς υἱου̃ ἀλλοτρίου καὶ ἔστησαν καὶ ἐξηγόρευσαν τὰς ἁμαρτίας αὐτω̃ν καὶ τὰς ἀνομίας τω̃ν πατέρων αὐτω̃ν

³καὶ ἔστησαν ἐπὶ στάσει αὐτω̃ν καὶ ἀνέγνωσαν ἐν βιβλίω̨ νόμου κυρίου θεου̃ αὐτω̃ν καὶ ἠ̃σαν ἐξαγορεύοντες τω̨̃ κυρίω̨ καὶ προσκυνου̃ντες τω̨̃ κυρίω̨ θεω̨̃ αὐτω̃ν

⁴καὶ ἔστη ἐπὶ ἀναβάσει τω̃ν Λευιτω̃ν 'Ιησου̃ς καὶ υἱοὶ Καδμιηλ Σαχανια υἱὸς Σαραβια υἱοὶ Χανανι καὶ ἐβόησαν φωνη̨̃ μεγάλη̨ πρὸς κύριον τὸν θεὸν αὐτω̃ν

⁵καὶ εἴποσαν οἱ Λευι̃ται 'Ιησου̃ς καὶ Καδμιηλ ἀνάστητε εὐλογει̃τε τὸν κύριον θεὸν ὑμω̃ν ἀπὸ του̃ αἰω̃νος καὶ ἕως του̃ αἰω̃νος καὶ εὐλογήσουσιν ὄνομα δόξης σου καὶ ὑψώσουσιν ἐπὶ πάση̨ εὐλογία̨ καὶ αἰνέσει

⁶καὶ εἰ̃πεν Εσδρας σὺ εἰ̃ αὐτὸς κύριος μόνος σὺ ἐποίησας τὸν οὐρανὸν καὶ τὸν οὐρανὸν του̃ οὐρανου̃ καὶ πα̃σαν τὴν στάσιν αὐτω̃ν τὴν γη̃ν καὶ πάντα ὅσα ἐστὶν ἐν αὐτη̨̃ τὰς θαλάσσας καὶ πάντα τὰ ἐν αὐται̃ς καὶ σὺ ζωοποιει̃ς τὰ πάντα καὶ σοὶ προσκυνου̃σιν αἱ στρατιαὶ τω̃ν οὐρανω̃ν

⁷σὺ εἰ̃ κύριος ὁ θεός σὺ ἐξελέξω ἐν Αβραμ καὶ ἐξήγαγες αὐτὸν ἐκ τη̃ς χώρας τω̃ν Χαλδαίων καὶ ἐπέθηκας αὐτω̨̃ ὄνομα Αβρααμ

⁸καὶ εὑ̃ρες τὴν καρδίαν αὐτου̃ πιστὴν ἐνώπιόν σου καὶ διέθου πρὸς αὐτὸν διαθήκην δου̃ναι αὐτω̨̃ τὴν γη̃ν τω̃ν Χαναναίων καὶ Χετταίων καὶ Αμορραίων καὶ Φερεζαίων καὶ Ιεβουσαίων καὶ Γεργεσαίων καὶ τω̨̃ σπέρματι αὐτου̃ καὶ ἔστησας τοὺς λόγους σου ὅτι δίκαιος σύ

⁹καὶ εἰ̃δες τὴν ταπείνωσιν τω̃ν πατέρων ἡμω̃ν ἐν Αἰγύπτω̨ καὶ τὴν κραυγὴν αὐτω̃ν ἤκουσας ἐπὶ θάλασσαν ἐρυθράν

¹⁰καὶ ἔδωκας σημει̃α ἐν Αἰγύπτω̨ ἐν Φαραω καὶ ἐν πα̃σιν τοι̃ς παισὶν αὐτου̃ καὶ ἐν παντὶ τω̨̃ λαω̨̃ τη̃ς γη̃ς αὐτου̃ ὅτι ἔγνως ὅτι ὑπερηφάνησαν ἐπ' αὐτούς καὶ ἐποίησας σεαυτω̨̃ ὄνομα ὡς ἡ ἡμέρα αὕτη

¹¹καὶ τὴν θάλασσαν ἔρρηξας ἐνώπιον αὐτω̃ν καὶ παρήλθοσαν ἐν μέσω̨ τη̃ς θαλάσσης ἐν ξηρασία̨ καὶ τοὺς καταδιώξαντας αὐτοὺς ἔρριψας εἰς βυθὸν ὡσεὶ λίθον ἐν ὕδατι σφοδρω̨̃

¹²καὶ ἐν στύλω̨ νεφέλης ὡδήγησας αὐτοὺς ἡμέρας καὶ ἐν στύλω̨ πυρὸς τὴν νύκτα του̃ φωτίσαι αὐτοι̃ς τὴν ὁδόν ἐν ἡ̨̃ πορεύσονται ἐν αὐτη̨̃

¹³καὶ ἐπὶ ὄρος Σινα κατέβης καὶ ἐλάλησας πρὸς αὐτοὺς ἐξ οὐρανου̃ καὶ ἔδωκας αὐτοι̃ς κρίματα εὐθέα καὶ νόμους ἀληθείας προστάγματα καὶ ἐντολὰς ἀγαθάς

¹⁴καὶ τὸ σάββατόν σου τὸ ἅγιον ἐγνώρισας αὐτοι̃ς ἐντολὰς καὶ προστάγματα καὶ νόμον ἐνετείλω αὐτοι̃ς ἐν χειρὶ Μωυση̃ δούλου σου

¹⁵καὶ ἄρτον ἐξ οὐρανου̃ ἔδωκας αὐτοι̃ς εἰς σιτοδείαν αὐτω̃ν καὶ ὕδωρ ἐκ πέτρας ἐξήνεγκας αὐτοι̃ς εἰς δίψαν αὐτω̃ν καὶ εἰ̃πας αὐτοι̃ς εἰσελθει̃ν κληρονομη̃σαι τὴν γη̃ν ἐφ' ἣν ἐξέτεινας τὴν χει̃ρά σου δου̃ναι αὐτοι̃ς

¹⁶καὶ αὐτοὶ καὶ οἱ πατέρες ἡμω̃ν ὑπερηφανεύσαντο καὶ ἐσκλήρυναν τὸν τράχηλον αὐτω̃ν καὶ οὐκ ἤκουσαν τω̃ν ἐντολω̃ν σου

¹⁷καὶ ἀνένευσαν του̃ εἰσακου̃σαι καὶ οὐκ ἐμνήσθησαν τω̃ν θαυμασίων σου ὡ̃ν ἐποίησας μετ' αὐτω̃ν καὶ ἐσκλήρυναν τὸν τράχηλον αὐτω̃ν καὶ ἔδωκαν ἀρχὴν ἐπιστρέψαι εἰς δουλείαν αὐτω̃ν ἐν Αἰγύπτω̨ καὶ σὺ θεὸς ἐλεήμων καὶ οἰκτίρμων μακρόθυμος καὶ πολυέλεος καὶ οὐκ ἐγκατέλιπες αὐτούς

¹⁸ἔτι δὲ καὶ ἐποίησαν ἑαυτοι̃ς μόσχον χωνευτὸν καὶ εἰ̃παν οὑ̃τοι οἱ θεοὶ οἱ ἐξαγαγόντες ἡμα̃ς ἐξ Αἰγύπτου καὶ ἐποίησαν παροργισμοὺς μεγάλους

¹⁹καὶ σὺ ἐν οἰκτιρμοι̃ς σου τοι̃ς πολλοι̃ς οὐκ ἐγκατέλιπες αὐτοὺς ἐν τη̨̃ ἐρήμω̨ τὸν στυ̃λον τη̃ς νεφέλης οὐκ ἐξέκλινας ἀπ' αὐτω̃ν ἡμέρας ὁδηγη̃σαι αὐτοὺς ἐν τη̨̃ ὁδω̨̃ καὶ τὸν στυ̃λον του̃ πυρὸς τὴν νύκτα φωτίζειν αὐτοι̃ς τὴν ὁδόν ἐν ἡ̨̃ πορεύσονται ἐν αὐτη̨̃

²⁰καὶ τὸ πνευ̃μά σου τὸ ἀγαθὸν ἔδωκας συνετίσαι αὐτοὺς καὶ τὸ μαννα σου̃ οὐκ ἀφυστέρησας ἀπὸ στόματος αὐτω̃ν καὶ ὕδωρ ἔδωκας αὐτοι̃ς τω̨̃ δίψει αὐτω̃ν

²¹καὶ τεσσαράκοντα ἔτη διέθρεψας αὐτοὺς ἐν τη̨̃ ἐρήμω̨ οὐχ ὑστέρησαν ἱμάτια αὐτω̃ν οὐκ ἐπαλαιώθησαν καὶ πόδες αὐτω̃ν οὐ διερράγησαν

²²καὶ ἔδωκας αὐτοι̃ς βασιλείας καὶ λαοὺς καὶ διεμέρισας αὐτοι̃ς καὶ ἐκληρονόμησαν τὴν γη̃ν Σηων βασιλέως Εσεβων καὶ τὴν γη̃ν Ωγ βασιλέως του̃ Βασαν

²³καὶ τοὺς υἱοὺς αὐτω̃ν ἐπλήθυνας ὡς τοὺς ἀστέρας του̃ οὐρανου̃ καὶ εἰσήγαγες αὐτοὺς εἰς τὴν γη̃ν ἣν εἰ̃πας τοι̃ς πατράσιν αὐτω̃ν καὶ ἐκληρονόμησαν αὐτήν

²⁴καὶ ἐξέτριψας ἐνώπιον αὐτω̃ν τοὺς κατοικου̃ντας τὴν γη̃ν τω̃ν Χαναναίων καὶ ἔδωκας αὐτοὺς εἰς τὰς χει̃ρας αὐτω̃ν καὶ τοὺς βασιλει̃ς αὐτω̃ν καὶ τοὺς λαοὺς τη̃ς γη̃ς ποιη̃σαι αὐτοι̃ς ὡς ἀρεστὸν ἐνώπιον αὐτω̃ν

²⁵καὶ κατελάβοσαν πόλεις ὑψηλὰς καὶ ἐκληρονόμησαν οἰκίας πλήρεις πάντων ἀγαθω̃ν λάκκους λελατομημένους ἀμπελω̃νας καὶ ἐλαιω̃νας καὶ πα̃ν ξύλον βρώσιμον εἰς πλη̃θος καὶ ἐφάγοσαν καὶ ἐνεπλήσθησαν καὶ ἐλιπάνθησαν καὶ ἐτρύφησαν ἐν ἀγαθωσύνη̨ σου τη̨̃ μεγάλη̨

²⁶καὶ ἤλλαξαν καὶ ἀπέστησαν ἀπὸ σου̃ καὶ ἔρριψαν τὸν νόμον σου ὀπίσω σώματος αὐτω̃ν καὶ τοὺς προφήτας σου ἀπέκτειναν οἳ διεμαρτύραντο ἐν αὐτοι̃ς ἐπιστρέψαι αὐτοὺς πρὸς σέ καὶ ἐποίησαν παροργισμοὺς μεγάλους

²⁷καὶ ἔδωκας αὐτοὺς ἐν χειρὶ θλιβόντων αὐτούς καὶ ἔθλιψαν αὐτούς καὶ ἀνεβόησαν πρὸς σὲ ἐν καιρω̨̃ θλίψεως αὐτω̃ν καὶ σὺ ἐξ οὐρανου̃ σου ἤκουσας καὶ ἐν οἰκτιρμοι̃ς σου τοι̃ς μεγάλοις ἔδωκας αὐτοι̃ς σωτη̃ρας καὶ ἔσωσας αὐτοὺς ἐκ χειρὸς θλιβόντων αὐτούς

²⁸καὶ ὡς ἀνεπαύσαντο ἐπέστρεψαν ποιη̃σαι τὸ πονηρὸν ἐνώπιόν σου καὶ ἐγκατέλιπες αὐτοὺς εἰς χει̃ρας ἐχθρω̃ν αὐτω̃ν καὶ κατη̃ρξαν ἐν αὐτοι̃ς καὶ πάλιν ἀνεβόησαν πρὸς σέ καὶ σὺ ἐξ οὐρανου̃ εἰσήκουσας καὶ ἐρρύσω αὐτοὺς ἐν οἰκτιρμοι̃ς σου πολλοι̃ς

²⁹καὶ ἐπεμαρτύρω αὐτοι̃ς ἐπιστρέψαι αὐτοὺς εἰς τὸν νόμον σου καὶ οὐκ ἤκουσαν ἀλλὰ ἐν ται̃ς ἐντολαι̃ς σου καὶ ἐν τοι̃ς κρίμασί σου ἡμάρτοσαν ἃ ποιήσας αὐτὰ ἄνθρωπος ζήσεται ἐν αὐτοι̃ς καὶ ἔδωκαν νω̃τον ἀπειθου̃ντα καὶ τράχηλον αὐτω̃ν ἐσκλήρυναν καὶ οὐκ ἤκουσαν

³⁰καὶ εἵλκυσας ἐπ' αὐτοὺς ἔτη πολλὰ καὶ ἐπεμαρτύρω αὐτοι̃ς ἐν πνεύματί σου ἐν χειρὶ προφητω̃ν σου καὶ οὐκ ἠνωτίσαντο καὶ ἔδωκας αὐτοὺς ἐν χειρὶ λαω̃ν τη̃ς γη̃ς

³¹καὶ σὺ ἐν οἰκτιρμοι̃ς σου τοι̃ς πολλοι̃ς οὐκ ἐποίησας αὐτοὺς συντέλειαν καὶ οὐκ ἐγκατέλιπες αὐτούς ὅτι ἰσχυρὸς εἰ̃ καὶ ἐλεήμων καὶ οἰκτίρμων

³²καὶ νυ̃ν ὁ θεὸς ἡμω̃ν ὁ ἰσχυρὸς ὁ μέγας ὁ κραταιὸς καὶ ὁ φοβερὸς φυλάσσων τὴν διαθήκην σου καὶ τὸ ἔλεός σου μὴ ὀλιγωθήτω ἐνώπιόν σου πα̃ς ὁ μόχθος ὃς εὑ̃ρεν ἡμα̃ς καὶ τοὺς βασιλει̃ς ἡμω̃ν καὶ τοὺς ἄρχοντας ἡμω̃ν καὶ τοὺς ἱερει̃ς ἡμω̃ν καὶ τοὺς προφήτας ἡμω̃ν καὶ τοὺς πατέρας ἡμω̃ν καὶ ἐν παντὶ τω̨̃ λαω̨̃ σου ἀπὸ ἡμερω̃ν βασιλέων Ασσουρ καὶ ἕως τη̃ς ἡμέρας ταύτης

³³καὶ σὺ δίκαιος ἐπὶ πα̃σι τοι̃ς ἐρχομένοις ἐφ' ἡμα̃ς ὅτι ἀλήθειαν ἐποίησας καὶ ἡμει̃ς ἐξημάρτομεν

³⁴καὶ οἱ βασιλει̃ς ἡμω̃ν καὶ οἱ ἄρχοντες ἡμω̃ν καὶ οἱ ἱερει̃ς ἡμω̃ν καὶ οἱ πατέρες ἡμω̃ν οὐκ ἐποίησαν τὸν νόμον σου καὶ οὐ προσέσχον τω̃ν ἐντολω̃ν σου καὶ τὰ μαρτύριά σου ἃ διεμαρτύρω αὐτοι̃ς

³⁵καὶ αὐτοὶ ἐν βασιλεία̨ σου καὶ ἐν ἀγαθωσύνη̨ σου τη̨̃ πολλη̨̃ ἡ̨̃ ἔδωκας αὐτοι̃ς καὶ ἐν τη̨̃ γη̨̃ τη̨̃ πλατεία̨ καὶ λιπαρα̨̃ ἡ̨̃ ἔδωκας ἐνώπιον αὐτω̃ν οὐκ ἐδούλευσάν σοι καὶ οὐκ ἀπέστρεψαν ἀπὸ ἐπιτηδευμάτων αὐτω̃ν τω̃ν πονηρω̃ν

³⁶ἰδού ἐσμεν σήμερον δου̃λοι καὶ ἡ γη̃ ἣν ἔδωκας τοι̃ς πατράσιν ἡμω̃ν φαγει̃ν τὸν καρπὸν αὐτη̃ς

³⁷τοι̃ς βασιλευ̃σιν οἱ̃ς ἔδωκας ἐφ' ἡμα̃ς ἐν ἁμαρτίαις ἡμω̃ν καὶ ἐπὶ τὰ σώματα ἡμω̃ν ἐξουσιάζουσιν καὶ ἐν κτήνεσιν ἡμω̃ν ὡς ἀρεστὸν αὐτοι̃ς καὶ ἐν θλίψει μεγάλη̨ ἐσμέν

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).