ΑΡΙΘΜΟΙ,
κεφαλίς 36
1 καὶ προση̃λθον οἱ ἄρχοντες φυλη̃ς υἱω̃ν Γαλααδ υἱου̃ Μαχιρ υἱου̃ Μανασση ἐκ τη̃ς φυλη̃ς υἱω̃ν Ιωσηφ καὶ ἐλάλησαν ἔναντι Μωυση̃ καὶ ἔναντι Ελεαζαρ του̃ ἱερέως καὶ ἔναντι τω̃ν ἀρχόντων οἴκων πατριω̃ν υἱω̃ν Ισραηλ |
2 καὶ εἰ̃παν τω̨̃ κυρίω̨ ἡμω̃ν ἐνετείλατο κύριος ἀποδου̃ναι τὴν γη̃ν τη̃ς κληρονομίας ἐν κλήρω̨ τοι̃ς υἱοι̃ς Ισραηλ καὶ τω̨̃ κυρίω̨ συνέταξεν κύριος δου̃ναι τὴν κληρονομίαν Σαλπααδ του̃ ἀδελφου̃ ἡμω̃ν ται̃ς θυγατράσιν αὐτου̃ |
3 καὶ ἔσονται ἑνὶ τω̃ν φυλω̃ν υἱω̃ν Ισραηλ γυναι̃κες καὶ ἀφαιρεθήσεται ὁ κλη̃ρος αὐτω̃ν ἐκ τη̃ς κατασχέσεως τω̃ν πατέρων ἡμω̃ν καὶ προστεθήσεται εἰς κληρονομίαν τη̃ς φυλη̃ς οἱ̃ς ἂν γένωνται γυναι̃κες καὶ ἐκ του̃ κλήρου τη̃ς κληρονομίας ἡμω̃ν ἀφαιρεθήσεται |
4 ἐὰν δὲ γένηται ἡ ἄφεσις τω̃ν υἱω̃ν Ισραηλ καὶ προστεθήσεται ἡ κληρονομία αὐτω̃ν ἐπὶ τὴν κληρονομίαν τη̃ς φυλη̃ς οἱ̃ς ἂν γένωνται γυναι̃κες καὶ ἀπὸ τη̃ς κληρονομίας φυλη̃ς πατρια̃ς ἡμω̃ν ἀφαιρεθήσεται ἡ κληρονομία αὐτω̃ν |
5 καὶ ἐνετείλατο Μωυση̃ς τοι̃ς υἱοι̃ς Ισραηλ διὰ προστάγματος κυρίου λέγων οὕτως φυλὴ υἱω̃ν Ιωσηφ λέγουσιν |
6 του̃το τὸ ῥη̃μα ὃ συνέταξεν κύριος ται̃ς θυγατράσιν Σαλπααδ λέγων οὑ̃ ἀρέσκει ἐναντίον αὐτω̃ν ἔστωσαν γυναι̃κες πλὴν ἐκ του̃ δήμου του̃ πατρὸς αὐτω̃ν ἔστωσαν γυναι̃κες |
7 καὶ οὐχὶ περιστραφήσεται κληρονομία τοι̃ς υἱοι̃ς Ισραηλ ἀπὸ φυλη̃ς ἐπὶ φυλήν ὅτι ἕκαστος ἐν τη̨̃ κληρονομία̨ τη̃ς φυλη̃ς τη̃ς πατρια̃ς αὐτου̃ προσκολληθήσονται οἱ υἱοὶ Ισραηλ |
8 καὶ πα̃σα θυγάτηρ ἀγχιστεύουσα κληρονομίαν ἐκ τω̃ν φυλω̃ν υἱω̃ν Ισραηλ ἑνὶ τω̃ν ἐκ του̃ δήμου του̃ πατρὸς αὐτη̃ς ἔσονται γυναι̃κες ἵνα ἀγχιστεύσωσιν οἱ υἱοὶ Ισραηλ ἕκαστος τὴν κληρονομίαν τὴν πατρικὴν αὐτου̃ |
9 καὶ οὐ περιστραφήσεται κλη̃ρος ἐκ φυλη̃ς ἐπὶ φυλὴν ἑτέραν ἀλλὰ ἕκαστος ἐν τη̨̃ κληρονομία̨ αὐτου̃ προσκολληθήσονται οἱ υἱοὶ Ισραηλ |
10 ὃν τρόπον συνέταξεν κύριος Μωυση̨̃ οὕτως ἐποίησαν θυγατέρες Σαλπααδ |
11 καὶ ἐγένοντο Θερσα καὶ Εγλα καὶ Μελχα καὶ Νουα καὶ Μααλα θυγατέρες Σαλπααδ τοι̃ς ἀνεψιοι̃ς αὐτω̃ν |
12 ἐκ του̃ δήμου του̃ Μανασση υἱω̃ν Ιωσηφ ἐγενήθησαν γυναι̃κες καὶ ἐγένετο ἡ κληρονομία αὐτω̃ν ἐπὶ τὴν φυλὴν δήμου του̃ πατρὸς αὐτω̃ν |
13 αὑ̃ται αἱ ἐντολαὶ καὶ τὰ δικαιώματα καὶ τὰ κρίματα ἃ ἐνετείλατο κύριος ἐν χειρὶ Μωυση̃ ἐπὶ δυσμω̃ν Μωαβ ἐπὶ του̃ Ιορδάνου κατὰ Ιεριχω |
Для корректного отображения некириллических текстов желательно установить шрифты
Lucida Sans Unicode (для текстов на греческом) и
Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.
