ΣΟΦΊΑ SEIRAC, κεφαλίς 51: Библия онлайн, Greek/Septuagint == БИБЛИЯ-ЦЕНТР

ΣΟΦΊΑ SEIRAC, κεφαλίς 51

¹ἐξομολογήσομαί σοι κύριε βασιλευ̃ καὶ αἰνέσω σε θεὸν τὸν σωτη̃ρά μου ἐξομολογου̃μαι τω̨̃ ὀνόματί σου

²ὅτι σκεπαστὴς καὶ βοηθὸς ἐγένου μοι καὶ ἐλυτρώσω τὸ σω̃μά μου ἐξ ἀπωλείας καὶ ἐκ παγίδος διαβολη̃ς γλώσσης ἀπὸ χειλέων ἐργαζομένων ψευ̃δος καὶ ἔναντι τω̃ν παρεστηκότων ἐγένου βοηθὸς καὶ ἐλυτρώσω με

³κατὰ τὸ πλη̃θος ἐλέους καὶ ὀνόματός σου ἐκ βρυγμω̃ν ἕτοιμον εἰς βρω̃μα ἐκ χειρὸς ζητούντων τὴν ψυχήν μου ἐκ πλειόνων θλίψεων ὡ̃ν ἔσχον

⁴ἀπὸ πνιγμου̃ πυρα̃ς κυκλόθεν καὶ ἐκ μέσου πυρός οὑ̃ οὐκ ἐξέκαυσα

⁵ἐκ βάθους κοιλίας ἅ̨δου καὶ ἀπὸ γλώσσης ἀκαθάρτου καὶ λόγου ψευδου̃ς

⁶βασιλει̃ διαβολὴ γλώσσης ἀδίκου ἤγγισεν ἕως θανάτου ἡ ψυχή μου καὶ ἡ ζωή μου ἠ̃ν σύνεγγυς ἅ̨δου κάτω

⁷περιέσχον με πάντοθεν καὶ οὐκ ἠ̃ν ὁ βοηθω̃ν ἐνέβλεπον εἰς ἀντίλημψιν ἀνθρώπων καὶ οὐκ ἠ̃ν

⁸καὶ ἐμνήσθην του̃ ἐλέους σου κύριε καὶ τη̃ς ἐργασίας σου τη̃ς ἀπ' αἰω̃νος ὅτι ἐξαιρη̨̃ τοὺς ὑπομένοντάς σε καὶ σώ̨ζεις αὐτοὺς ἐκ χειρὸς ἐχθρω̃ν

⁹καὶ ἀνύψωσα ἀπὸ γη̃ς ἱκετείαν μου καὶ ὑπὲρ θανάτου ῥύσεως ἐδεήθην

¹⁰ἐπεκαλεσάμην κύριον πατέρα κυρίου μου μή με ἐγκαταλιπει̃ν ἐν ἡμέραις θλίψεως ἐν καιρω̨̃ ὑπερηφανιω̃ν ἀβοηθησίας αἰνέσω τὸ ὄνομά σου ἐνδελεχω̃ς καὶ ὑμνήσω ἐν ἐξομολογήσει

¹¹καὶ εἰσηκούσθη ἡ δέησίς μου ἔσωσας γάρ με ἐξ ἀπωλείας καὶ ἐξείλου με ἐκ καιρου̃ πονηρου̃

¹²διὰ του̃το ἐξομολογήσομαί σοι καὶ αἰνέσω σε καὶ εὐλογήσω τω̨̃ ὀνόματι κυρίου

¹³ἔτι ὢν νεώτερος πρὶν ἢ πλανηθη̃ναί με ἐζήτησα σοφίαν προφανω̃ς ἐν προσευχη̨̃ μου

¹⁴ἔναντι ναου̃ ἠξίουν περὶ αὐτη̃ς καὶ ἕως ἐσχάτων ἐκζητήσω αὐτήν

¹⁵ἐξ ἄνθους ὡς περκαζούσης σταφυλη̃ς εὐφράνθη ἡ καρδία μου ἐν αὐτη̨̃ ἐπέβη ὁ πούς μου ἐν εὐθύτητι ἐκ νεότητός μου ἴχνευον αὐτήν

¹⁶ἔκλινα ὀλίγον τὸ οὐ̃ς μου καὶ ἐδεξάμην καὶ πολλὴν εὑ̃ρον ἐμαυτω̨̃ παιδείαν

¹⁷προκοπὴ ἐγένετό μοι ἐν αὐτη̨̃ τω̨̃ διδόντι μοι σοφίαν δώσω δόξαν

¹⁸διενοήθην γὰρ του̃ ποιη̃σαι αὐτὴν καὶ ἐζήλωσα τὸ ἀγαθὸν καὶ οὐ μὴ αἰσχυνθω̃

¹⁹διαμεμάχισται ἡ ψυχή μου ἐν αὐτη̨̃ καὶ ἐν ποιήσει νόμου διηκριβασάμην τὰς χει̃ράς μου ἐξεπέτασα πρὸς ὕψος καὶ τὰ ἀγνοήματα αὐτη̃ς ἐπένθησα

²⁰τὴν ψυχήν μου κατεύθυνα εἰς αὐτὴν καὶ ἐν καθαρισμω̨̃ εὑ̃ρον αὐτήν καρδίαν ἐκτησάμην μετ' αὐτη̃ς ἀπ' ἀρχη̃ς διὰ του̃το οὐ μὴ ἐγκαταλειφθω̃

²¹καὶ ἡ κοιλία μου ἐταράχθη του̃ ἐκζητη̃σαι αὐτήν διὰ του̃το ἐκτησάμην ἀγαθὸν κτη̃μα

²²ἔδωκεν κύριος γλω̃σσάν μοι μισθόν μου καὶ ἐν αὐτη̨̃ αἰνέσω αὐτόν

²³ἐγγίσατε πρός με ἀπαίδευτοι καὶ αὐλίσθητε ἐν οἴκω̨ παιδείας

²⁴τί ὅτι ὑστερει̃σθαι λέγετε ἐν τούτοις καὶ αἱ ψυχαὶ ὑμω̃ν διψω̃σι σφόδρα

²⁵ἤνοιξα τὸ στόμα μου καὶ ἐλάλησα κτήσασθε ἑαυτοι̃ς ἄνευ ἀργυρίου

²⁶τὸν τράχηλον ὑμω̃ν ὑπόθετε ὑπὸ ζυγόν καὶ ἐπιδεξάσθω ἡ ψυχὴ ὑμω̃ν παιδείαν ἐγγύς ἐστιν εὑρει̃ν αὐτήν

²⁷ἴδετε ἐν ὀφθαλμοι̃ς ὑμω̃ν ὅτι ὀλίγον ἐκοπίασα καὶ εὑ̃ρον ἐμαυτω̨̃ πολλὴν ἀνάπαυσιν

²⁸μετάσχετε παιδείας ἐν πολλω̨̃ ἀριθμω̨̃ ἀργυρίου καὶ πολὺν χρυσὸν κτήσασθε ἐν αὐτη̨̃

²⁹εὐφρανθείη ἡ ψυχὴ ὑμω̃ν ἐν τω̨̃ ἐλέει αὐτου̃ καὶ μὴ αἰσχυνθείητε ἐν αἰνέσει αὐτου̃

³⁰ἐργάζεσθε τὸ ἔργον ὑμω̃ν πρὸ καιρου̃ καὶ δώσει τὸν μισθὸν ὑμω̃ν ἐν καιρω̨̃ αὐτου̃

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).