ΤΩΒΊΤ, κεφαλίς 12: Библия онлайн, Greek/Septuagint == БИБЛИЯ-ЦЕНТР

ΤΩΒΊΤ, κεφαλίς 12

¹καὶ ἐκάλεσεν Τωβιτ Τωβιαν τὸν υἱὸν αὐτου̃ καὶ εἰ̃πεν αὐτω̨̃ ὅρα τέκνον μισθὸν τω̨̃ ἀνθρώπω̨ τω̨̃ συνελθόντι σοι καὶ προσθει̃ναι αὐτω̨̃ δει̃

²καὶ εἰ̃πεν αὐτω̨̃ πάτερ οὐ βλάπτομαι δοὺς αὐτω̨̃ τὸ ἥμισυ ὡ̃ν ἐνήνοχα

³ὅτι με ἀγείοχέν σοι ὑγιη̃ καὶ τὴν γυναι̃κά μου ἐθεράπευσεν καὶ τὸ ἀργύριόν μου ἤνεγκεν καὶ σὲ ὁμοίως ἐθεράπευσεν

⁴καὶ εἰ̃πεν ὁ πρεσβύτης δικαιου̃ται αὐτω̨̃

⁵καὶ ἐκάλεσεν τὸν ἄγγελον καὶ εἰ̃πεν αὐτω̨̃ λαβὲ τὸ ἥμισυ πάντων ὡ̃ν ἐνηνόχατε

⁶τότε καλέσας τοὺς δύο κρυπτω̃ς εἰ̃πεν αὐτοι̃ς εὐλογει̃τε τὸν θεὸν καὶ αὐτω̨̃ ἐξομολογει̃σθε μεγαλωσύνην δίδοτε αὐτω̨̃ καὶ ἐξομολογει̃σθε ἐνώπιον πάντων τω̃ν ζώντων περὶ ὡ̃ν ἐποίησεν μεθ' ὑμω̃ν ἀγαθὸν τὸ εὐλογει̃ν τὸν θεὸν καὶ ὑψου̃ν τὸ ὄνομα αὐτου̃ τοὺς λόγους τω̃ν ἔργων του̃ θεου̃ ἐντίμως ὑποδεικνύοντες καὶ μὴ ὀκνει̃τε ἐξομολογει̃σθαι αὐτω̨̃

⁷μυστήριον βασιλέως καλὸν κρύψαι τὰ δὲ ἔργα του̃ θεου̃ ἀνακαλύπτειν ἐνδόξως ἀγαθὸν ποιήσατε καὶ κακὸν οὐχ εὑρήσει ὑμα̃ς

⁸ἀγαθὸν προσευχὴ μετὰ νηστείας καὶ ἐλεημοσύνης καὶ δικαιοσύνης ἀγαθὸν τὸ ὀλίγον μετὰ δικαιοσύνης ἢ πολὺ μετὰ ἀδικίας καλὸν ποιη̃σαι ἐλεημοσύνην ἢ θησαυρίσαι χρυσίον

⁹ἐλεημοσύνη γὰρ ἐκ θανάτου ῥύεται καὶ αὐτὴ ἀποκαθαριει̃ πα̃σαν ἁμαρτίαν οἱ ποιου̃ντες ἐλεημοσύνας καὶ δικαιοσύνας πλησθήσονται ζωη̃ς

¹⁰οἱ δὲ ἁμαρτάνοντες πολέμιοί εἰσιν τη̃ς ἑαυτω̃ν ζωη̃ς

¹¹οὐ μὴ κρύψω ἀφ' ὑμω̃ν πα̃ν ῥη̃μα εἴρηκα δή μυστήριον βασιλέως κρύψαι καλόν τὰ δὲ ἔργα του̃ θεου̃ ἀνακαλύπτειν ἐνδόξως

¹²καὶ νυ̃ν ὅτε προσηύξω σὺ καὶ ἡ νύμφη σου Σαρρα ἐγὼ προσήγαγον τὸ μνημόσυνον τη̃ς προσευχη̃ς ὑμω̃ν ἐνώπιον του̃ ἁγίου καὶ ὅτε ἔθαπτες τοὺς νεκρούς ὡσαύτως συμπαρήμην σοι

¹³καὶ ὅτε οὐκ ὤκνησας ἀναστη̃ναι καὶ καταλιπει̃ν τὸ ἄριστόν σου ὅπως ἀπελθὼν περιστείλη̨ς τὸν νεκρόν οὐκ ἔλαθές με ἀγαθοποιω̃ν ἀλλὰ σὺν σοὶ ἤμην

¹⁴καὶ νυ̃ν ἀπέστειλέν με ὁ θεὸς ἰάσασθαί σε καὶ τὴν νύμφην σου Σαρραν

¹⁵ἐγώ εἰμι Ραφαηλ εἱ̃ς ἐκ τω̃ν ἑπτὰ ἁγίων ἀγγέλων οἳ προσαναφέρουσιν τὰς προσευχὰς τω̃ν ἁγίων καὶ εἰσπορεύονται ἐνώπιον τη̃ς δόξης του̃ ἁγίου

¹⁶καὶ ἐταράχθησαν οἱ δύο καὶ ἔπεσον ἐπὶ πρόσωπον ὅτι ἐφοβήθησαν

¹⁷καὶ εἰ̃πεν αὐτοι̃ς μὴ φοβει̃σθε εἰρήνη ὑμι̃ν ἔσται τὸν δὲ θεὸν εὐλογει̃τε εἰς τὸν αἰω̃να

¹⁸ὅτι οὐ τη̨̃ ἐμαυτου̃ χάριτι ἀλλὰ τη̨̃ θελήσει του̃ θεου̃ ἡμω̃ν ἠ̃λθον ὅθεν εὐλογει̃τε αὐτὸν εἰς τὸν αἰω̃να

¹⁹πάσας τὰς ἡμέρας ὠπτανόμην ὑμι̃ν καὶ οὐκ ἔφαγον οὐδὲ ἔπιον ἀλλὰ ὅρασιν ὑμει̃ς ἐθεωρει̃τε

²⁰καὶ νυ̃ν ἐξομολογει̃σθε τω̨̃ θεω̨̃ διότι ἀναβαίνω πρὸς τὸν ἀποστείλαντά με καὶ γράψατε πάντα τὰ συντελεσθέντα εἰς βιβλίον

²¹καὶ ἀνέστησαν καὶ οὐκέτι εἰ̃δον αὐτόν

²²καὶ ἐξωμολογου̃ντο τὰ ἔργα τὰ μεγάλα καὶ θαυμαστὰ του̃ θεου̃ καὶ ὡς ὤφθη αὐτοι̃ς ὁ ἄγγελος κυρίου

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).