ΤΩΒΊΤ, κεφαλίς 7: Библия онлайн, Greek/Septuagint == БИБЛИЯ-ЦЕНТР

ΤΩΒΊΤ, κεφαλίς 7

¹καὶ ἠ̃λθον εἰς 'Εκβάτανα καὶ παρεγένοντο εἰς τὴν οἰκίαν Ραγουηλ Σαρρα δὲ ὑπήντησεν αὐτοι̃ς καὶ ἐχαιρέτισεν αὐτοὺς καὶ αὐτοὶ αὐτήν καὶ εἰσήγαγεν αὐτοὺς εἰς τὴν οἰκίαν

²καὶ εἰ̃πεν Ραγουηλ Εδνα τη̨̃ γυναικὶ αὐτου̃ ὡς ὅμοιος ὁ νεανίσκος Τωβιτ τω̨̃ ἀνεψιω̨̃ μου

³καὶ ἠρώτησεν αὐτοὺς Ραγουηλ πόθεν ἐστέ ἀδελφοί καὶ εἰ̃παν αὐτω̨̃ ἐκ τω̃ν υἱω̃ν Νεφθαλι τω̃ν αἰχμαλώτων ἐν Νινευη

⁴καὶ εἰ̃πεν αὐτοι̃ς γινώσκετε Τωβιτ τὸν ἀδελφὸν ἡμω̃ν οἱ δὲ εἰ̃παν γινώσκομεν

⁵καὶ εἰ̃πεν αὐτοι̃ς ὑγιαίνει οἱ δὲ εἰ̃παν καὶ ζη̨̃ καὶ ὑγιαίνει καὶ εἰ̃πεν Τωβιας πατήρ μού ἐστιν

⁶καὶ ἀνεπήδησεν Ραγουηλ καὶ κατεφίλησεν αὐτὸν καὶ ἔκλαυσε καὶ εὐλόγησεν αὐτὸν καὶ εἰ̃πεν αὐτω̨̃ ὁ του̃ καλου̃ καὶ ἀγαθου̃ ἀνθρώπου καὶ ἀκούσας ὅτι Τωβιτ ἀπώλεσεν τοὺς ὀφθαλμοὺς αὐτου̃ ἐλυπήθη καὶ ἔκλαυσεν

⁷καὶ Εδνα ἡ γυνὴ αὐτου̃ καὶ Σαρρα ἡ θυγάτηρ αὐτου̃ ἔκλαυσαν καὶ ὑπεδέξαντο αὐτοὺς προθύμως

⁸καὶ ἔθυσαν κριὸν προβάτων καὶ παρέθηκαν ὄψα πλείονα

⁹εἰ̃πεν δὲ Τωβιας τω̨̃ Ραφαηλ Αζαρια ἄδελφε λάλησον ὑπὲρ ὡ̃ν ἔλεγες ἐν τη̨̃ πορεία̨ καὶ τελεσθήτω τὸ πρα̃γμα

¹⁰καὶ μετέδωκεν τὸν λόγον τω̨̃ Ραγουηλ καὶ εἰ̃πεν Ραγουηλ πρὸς Τωβιαν φάγε καὶ πίε καὶ ἡδέως γίνου σοὶ γὰρ καθήκει τὸ παιδίον μου λαβει̃ν πλὴν ὑποδείξω σοι τὴν ἀλήθειαν

¹¹ἔδωκα τὸ παιδίον μου ἑπτὰ ἀνδράσιν καὶ ὁπότε ἐὰν εἰσεπορεύοντο πρὸς αὐτήν ἀπεθνή̨σκοσαν ὑπὸ τὴν νύκτα ἀλλὰ τὸ νυ̃ν ἔχων ἡδέως γίνου

¹²καὶ εἰ̃πεν Τωβιας οὐ γεύσομαι οὐδὲν ὡ̃δε ἕως ἂν στήσητε καὶ σταθη̃τε πρός με καὶ εἰ̃πεν Ραγουηλ κομίζου αὐτὴν ἀπὸ του̃ νυ̃ν κατὰ τὴν κρίσιν σὺ δὲ ἀδελφὸς εἰ̃ αὐτη̃ς καὶ αὐτή σού ἐστιν ὁ δὲ ἐλεήμων θεὸς εὐοδώσει ὑμι̃ν τὰ κάλλιστα

¹³καὶ ἐκάλεσεν Σαρραν τὴν θυγατέρα αὐτου̃ καὶ λαβὼν τη̃ς χειρὸς αὐτη̃ς παρέδωκεν αὐτὴν τω̨̃ Τωβια γυναι̃κα καὶ εἰ̃πεν ἰδοὺ κατὰ τὸν νόμον Μωυσέως κομίζου αὐτὴν καὶ ἄπαγε πρὸς τὸν πατέρα σου καὶ εὐλόγησεν αὐτούς

¹⁴καὶ ἐκάλεσεν Εδναν τὴν γυναι̃κα αὐτου̃ καὶ λαβὼν βιβλίον ἔγραψεν συγγραφήν καὶ ἐσφραγίσαντο καὶ ἤρξαντο ἐσθίειν

¹⁵καὶ ἐκάλεσεν Ραγουηλ Εδναν τὴν γυναι̃κα αὐτου̃ καὶ εἰ̃πεν αὐτη̨̃ ἀδελφή ἑτοίμασον τὸ ἕτερον ταμίειον καὶ εἰσάγαγε αὐτήν

¹⁶καὶ ἐποίησεν ὡς εἰ̃πεν καὶ εἰσήγαγεν αὐτὴν ἐκει̃ καὶ ἔκλαυσεν καὶ ἀπεδέξατο τὰ δάκρυα τη̃ς θυγατρὸς αὐτη̃ς καὶ εἰ̃πεν αὐτη̨̃

¹⁷θάρσει τέκνον ὁ κύριος του̃ οὐρανου̃ καὶ τη̃ς γη̃ς δώ̨η σοι χάριν ἀντὶ τη̃ς λύπης σου ταύτης θάρσει θύγατερ

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).