Liber Psalmorum, Psalmus 11

¹ In finem, pro octava. Psalmus David.

²Salvum me fac, Domine, quoniam defecit sanctus,
quoniam diminutæ sunt veritates a filiis hominum.

³Vana locuti sunt unusquisque ad proximum suum;
labia dolosa, in corde et corde locuti sunt.

⁴Disperdat Dominus universa labia dolosa,
et linguam magniloquam.

⁵Qui dixerunt: Linguam nostram magnificabimus;
labia nostra a nobis sunt.
Quis noster dominus est?

⁶Propter miseriam inopum, et gemitum pauperum,
nunc exsurgam, dicit Dominus.
Ponam in salutari;
fiducialiter agam in eo.

⁷Eloquia Domini, eloquia casta; argentum igne examinatum,
probatum terræ, purgatum septuplum.

⁸Tu, Domine, servabis nos,
et custodies nos a generatione hac in æternum.

⁹In circuitu impii ambulant:
secundum altitudinem tuam multiplicasti filios hominum.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).