Liber Psalmorum, Psalmus 110

¹ Alleluja.Confitebor tibi, Domine, in toto corde meo,
in consilio justorum, et congregatione.

²Magna opera Domini:
exquisita in omnes voluntates ejus.

³Confessio et magnificentia opus ejus,
et justitia ejus manet in sæculum sæculi.

⁴Memoriam fecit mirabilium suorum,
misericors et miserator Dominus.

⁵Escam dedit timentibus se;
memor erit in sæculum testamenti sui.

⁶Virtutem operum suorum annuntiabit populo suo,

⁷ut det illis hæreditatem gentium.
Opera manuum ejus veritas et judicium.

⁸Fidelia omnia mandata ejus,
confirmata in sæculum sæculi,
facta in veritate et æquitate.

⁹Redemptionem misit populo suo;
mandavit in æternum testamentum suum.
Sanctum et terribile nomen ejus.

¹⁰Initium sapientiæ timor Domini;
intellectus bonus omnibus facientibus eum:
laudatio ejus manet in sæculum sæculi.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).