Liber Psalmorum, Psalmus 28: Библия онлайн, Clementina Vulgata == БИБЛИЯ-ЦЕНТР

Liber Psalmorum, Psalmus 28

¹ Psalmus David, in consummatione tabernaculi.Afferte Domino, filii Dei,
afferte Domino filios arietum.

²Afferte Domino gloriam et honorem;
afferte Domino gloriam nomini ejus;
adorate Dominum in atrio sancto ejus.

³Vox Domini super aquas;
Deus majestatis intonuit:
Dominus super aquas multas.

⁴Vox Domini in virtute;
vox Domini in magnificentia.

⁵Vox Domini confringentis cedros,
et confringet Dominus cedros Libani:

⁶et comminuet eas, tamquam vitulum Libani,
et dilectus quemadmodum filius unicornium.

⁷Vox Domini intercidentis flammam ignis;

⁸vox Domini concutientis desertum:
et commovebit Dominus desertum Cades.

⁹Vox Domini præparantis cervos:
et revelabit condensa,
et in templo ejus omnes dicent gloriam.

¹⁰Dominus diluvium inhabitare facit,
et sedebit Dominus rex in æternum.

¹¹Dominus virtutem populo suo dabit;
Dominus benedicet populo suo in pace.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).