Liber Psalmorum, Psalmus 51: Библия онлайн, Clementina Vulgata == БИБЛИЯ-ЦЕНТР

Liber Psalmorum, Psalmus 51

¹ In finem. Intellectus David, ² cum venit Doëg Idumæus, et nuntiavit Sauli: Venit David in domum Achimelech.

³Quid gloriaris in malitia,
qui potens es in iniquitate?

⁴Tota die injustitiam cogitavit lingua tua;
sicut novacula acuta fecisti dolum.

⁵Dilexisti malitiam super benignitatem;
iniquitatem magis quam loqui æquitatem.

⁶Dilexisti omnia verba præcipitationis;
lingua dolosa.

⁷Propterea Deus destruet te in finem;
evellet te, et emigrabit te de tabernaculo tuo,
et radicem tuam de terra viventium.

⁸Videbunt justi, et timebunt;
et super eum ridebunt, et dicent:

⁹Ecce homo qui non posuit Deum adjutorem suum;
sed speravit in multitudine divitiarum suarum,
et prævaluit in vanitate sua.

¹⁰Ego autem, sicut oliva fructifera in domo Dei;
speravi in misericordia Dei, in æternum et in sæculum sæculi.

¹¹Confitebor tibi in sæculum, quia fecisti;
et exspectabo nomen tuum,
quoniam bonum est in conspectu sanctorum tuorum.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).