Liber Psalmorum, Psalmus 122

¹Canticum ascensionum. David.
Laetatus sum in eo, quod dixerunt mihi:
“ In domum Domini ibimus ”.

²Stantes iam sunt pedes nostri
in portis tuis, Ierusalem.

³Ierusalem, quae aedificata est ut civitas,
sibi compacta in idipsum.

⁴Illuc enim ascenderunt tribus, tribus Domini,
testimonium Israel, ad confitendum nomini Domini.

⁵Quia illic sederunt sedes ad iudicium,
sedes domus David.

⁶Rogate, quae ad pacem sunt Ierusalem:
“ Securi sint diligentes te!

⁷Fiat pax in muris tuis,
et securitas in turribus tuis! ”.

⁸Propter fratres meos et proximos meos
loquar: “ Pax in te! ”.

⁹Propter domum Domini Dei nostri
exquiram bona tibi.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).