Liber Psalmorum, Psalmus 142

¹Maskil. David, cum esset in caverna. Precatio.

²Voce mea ad Dominum clamo,
voce mea ad Dominum deprecor;

³effundo in conspectu eius lamentationem meam,
et tribulationem meam ante ipsum pronuntio.

⁴Cum deficit in me spiritus meus,
tu nosti semitas meas.
In via, qua ambulabam,
absconderunt laqueum mihi.

⁵Considerabam ad dexteram et videbam,
et non erat qui cognosceret me.
Periit fuga a me,
et non est qui requirat animam meam. -

⁶Clamavi ad te, Domine;
dixi: “ Tu es refugium meum,
portio mea in terra viventium.

⁷Intende ad deprecationem meam,
quia humiliatus sum nimis.
Libera me a persequentibus me,
quia confortati sunt super me.

⁸Educ de custodia animam meam
ad confitendum nomini tuo;
me circumdabunt iusti,
cum retribueris mihi ”.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).