Liber Psalmorum, Psalmus 146

¹ALLELUIA.
Lauda, anima mea, Dominum;

²laudabo Dominum in vita mea,
psallam Deo meo, quamdiu fuero.

³Nolite confidere in principibus,
in filiis hominum, in quibus non est salus.

⁴Exibit spiritus eius, et revertetur in terram suam;
in illa die peribunt cogitationes eorum.

⁵Beatus, cuius Deus Iacob est adiutor,
cuius spes in Domino Deo suo,

⁶qui fecit caelum et terram,
mare et omnia, quae in eis sunt;
qui custodit veritatem in saeculum,

⁷facit iudicium oppressis,
dat escam esurientibus.
Dominus solvit compeditos,

⁸Dominus illuminat caecos,
Dominus erigit depressos,
Dominus diligit iustos,

⁹Dominus custodit advenas,
pupillum et viduam sustentat
et viam peccatorum disperdit.

¹⁰Regnabit Dominus in saecula,
Deus tuus, Sion,
in generationem et generationem.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).