ΒΑΡΟΥΧ, κεφαλίς 3: Библия онлайн, Greek/Septuagint == БИБЛИЯ-ЦЕНТР

ΒΑΡΟΥΧ, κεφαλίς 3

¹κύριε παντοκράτωρ ὁ θεὸς Ισραηλ ψυχὴ ἐν στενοι̃ς καὶ πνευ̃μα ἀκηδιω̃ν κέκραγεν πρὸς σέ

²ἄκουσον κύριε καὶ ἐλέησον ὅτι ἡμάρτομεν ἐναντίον σου

³ὅτι σὺ καθήμενος τὸν αἰω̃να καὶ ἡμει̃ς ἀπολλύμενοι τὸν αἰω̃να

⁴κύριε παντοκράτωρ ὁ θεὸς Ισραηλ ἄκουσον δὴ τη̃ς προσευχη̃ς τω̃ν τεθνηκότων Ισραηλ καὶ υἱω̃ν τω̃ν ἁμαρτανόντων ἐναντίον σου οἳ οὐκ ἤκουσαν τη̃ς φωνη̃ς κυρίου θεου̃ αὐτω̃ν καὶ ἐκολλήθη ἡμι̃ν τὰ κακά

⁵μὴ μνησθη̨̃ς ἀδικιω̃ν πατέρων ἡμω̃ν ἀλλὰ μνήσθητι χειρός σου καὶ ὀνόματός σου ἐν τω̨̃ καιρω̨̃ τούτω̨

⁶ὅτι σὺ κύριος ὁ θεὸς ἡμω̃ν καὶ αἰνέσομέν σε κύριε

⁷ὅτι διὰ του̃το ἔδωκας τὸν φόβον σου ἐπὶ καρδίαν ἡμω̃ν του̃ ἐπικαλει̃σθαι τὸ ὄνομά σου καὶ αἰνέσομέν σε ἐν τη̨̃ ἀποικία̨ ἡμω̃ν ὅτι ἀπεστρέψαμεν ἀπὸ καρδίας ἡμω̃ν πα̃σαν ἀδικίαν πατέρων ἡμω̃ν τω̃ν ἡμαρτηκότων ἐναντίον σου

⁸ἰδοὺ ἡμει̃ς σήμερον ἐν τη̨̃ ἀποικία̨ ἡμω̃ν οὑ̃ διέσπειρας ἡμα̃ς ἐκει̃ εἰς ὀνειδισμὸν καὶ εἰς ἀρὰν καὶ εἰς ὄφλησιν κατὰ πάσας τὰς ἀδικίας πατέρων ἡμω̃ν οἳ ἀπέστησαν ἀπὸ κυρίου θεου̃ ἡμω̃ν

⁹ἄκουε Ισραηλ ἐντολὰς ζωη̃ς ἐνωτίσασθε γνω̃ναι φρόνησιν

¹⁰τί ἐστιν Ισραηλ τί ὅτι ἐν γη̨̃ τω̃ν ἐχθρω̃ν εἰ̃ ἐπαλαιώθης ἐν γη̨̃ ἀλλοτρία̨

¹¹συνεμιάνθης τοι̃ς νεκροι̃ς προσελογίσθης μετὰ τω̃ν εἰς ἅ̨δου

¹²ἐγκατέλιπες τὴν πηγὴν τη̃ς σοφίας

¹³τη̨̃ ὁδω̨̃ του̃ θεου̃ εἰ ἐπορεύθης κατώ̨κεις ἂν ἐν εἰρήνη̨ τὸν αἰω̃να

¹⁴μάθε που̃ ἐστιν φρόνησις που̃ ἐστιν ἰσχύς που̃ ἐστιν σύνεσις του̃ γνω̃ναι ἅμα που̃ ἐστιν μακροβίωσις καὶ ζωή που̃ ἐστιν φω̃ς ὀφθαλμω̃ν καὶ εἰρήνη

¹⁵τίς εὑ̃ρεν τὸν τόπον αὐτη̃ς καὶ τίς εἰση̃λθεν εἰς τοὺς θησαυροὺς αὐτη̃ς

¹⁶που̃ εἰσιν οἱ ἄρχοντες τω̃ν ἐθνω̃ν καὶ οἱ κυριεύοντες τω̃ν θηρίων τω̃ν ἐπὶ τη̃ς γη̃ς

¹⁷οἱ ἐν τοι̃ς ὀρνέοις του̃ οὐρανου̃ ἐμπαίζοντες καὶ τὸ ἀργύριον θησαυρίζοντες καὶ τὸ χρυσίον ὡ̨̃ ἐπεποίθεισαν ἄνθρωποι καὶ οὐκ ἔστιν τέλος τη̃ς κτήσεως αὐτω̃ν

¹⁸οἱ τὸ ἀργύριον τεκταίνοντες καὶ μεριμνω̃ντες καὶ οὐκ ἔστιν ἐξεύρεσις τω̃ν ἔργων αὐτω̃ν

¹⁹ἠφανίσθησαν καὶ εἰς ἅ̨δου κατέβησαν καὶ ἄλλοι ἀντανέστησαν ἀντ' αὐτω̃ν

²⁰νεώτεροι εἰ̃δον φω̃ς καὶ κατώ̨κησαν ἐπὶ τη̃ς γη̃ς ὁδὸν δὲ ἐπιστήμης οὐκ ἔγνωσαν

²¹οὐδὲ συνη̃καν τρίβους αὐτη̃ς οὐδὲ ἀντελάβοντο αὐτη̃ς οἱ υἱοὶ αὐτω̃ν ἀπὸ τη̃ς ὁδου̃ αὐτω̃ν πόρρω ἐγενήθησαν

²²οὐδὲ ἠκούσθη ἐν Χανααν οὐδὲ ὤφθη ἐν Θαιμαν

²³οὔτε υἱοὶ Αγαρ οἱ ἐκζητου̃ντες τὴν σύνεσιν ἐπὶ τη̃ς γη̃ς οἱ ἔμποροι τη̃ς Μερραν καὶ Θαιμαν οἱ μυθολόγοι καὶ οἱ ἐκζητηταὶ τη̃ς συνέσεως ὁδὸν τη̃ς σοφίας οὐκ ἔγνωσαν οὐδὲ ἐμνήσθησαν τὰς τρίβους αὐτη̃ς

²⁴ὠ̃ Ισραηλ ὡς μέγας ὁ οἰ̃κος του̃ θεου̃ καὶ ἐπιμήκης ὁ τόπος τη̃ς κτήσεως αὐτου̃

²⁵μέγας καὶ οὐκ ἔχει τελευτήν ὑψηλὸς καὶ ἀμέτρητος

²⁶ἐκει̃ ἐγεννήθησαν οἱ γίγαντες οἱ ὀνομαστοὶ οἱ ἀπ' ἀρχη̃ς γενόμενοι εὐμεγέθεις ἐπιστάμενοι πόλεμον

²⁷οὐ τούτους ἐξελέξατο ὁ θεὸς οὐδὲ ὁδὸν ἐπιστήμης ἔδωκεν αὐτοι̃ς

²⁸καὶ ἀπώλοντο παρὰ τὸ μὴ ἔχειν φρόνησιν ἀπώλοντο διὰ τὴν ἀβουλίαν αὐτω̃ν

²⁹τίς ἀνέβη εἰς τὸν οὐρανὸν καὶ ἔλαβεν αὐτὴν καὶ κατεβίβασεν αὐτὴν ἐκ τω̃ν νεφελω̃ν

³⁰τίς διέβη πέραν τη̃ς θαλάσσης καὶ εὑ̃ρεν αὐτὴν καὶ οἴσει αὐτὴν χρυσίου ἐκλεκτου̃

³¹οὐκ ἔστιν ὁ γινώσκων τὴν ὁδὸν αὐτη̃ς οὐδὲ ὁ ἐνθυμούμενος τὴν τρίβον αὐτη̃ς

³²ἀλλὰ ὁ εἰδὼς τὰ πάντα γινώσκει αὐτήν ἐξευ̃ρεν αὐτὴν τη̨̃ συνέσει αὐτου̃ ὁ κατασκευάσας τὴν γη̃ν εἰς τὸν αἰω̃να χρόνον ἐνέπλησεν αὐτὴν κτηνω̃ν τετραπόδων

³³ὁ ἀποστέλλων τὸ φω̃ς καὶ πορεύεται ἐκάλεσεν αὐτό καὶ ὑπήκουσεν αὐτω̨̃ τρόμω̨

³⁴οἱ δὲ ἀστέρες ἔλαμψαν ἐν ται̃ς φυλακαι̃ς αὐτω̃ν καὶ εὐφράνθησαν

³⁵ἐκάλεσεν αὐτοὺς καὶ εἰ̃πον πάρεσμεν ἔλαμψαν μετ' εὐφροσύνης τω̨̃ ποιήσαντι αὐτούς

³⁶οὑ̃τος ὁ θεὸς ἡμω̃ν οὐ λογισθήσεται ἕτερος πρὸς αὐτόν

³⁷ἐξευ̃ρεν πα̃σαν ὁδὸν ἐπιστήμης καὶ ἔδωκεν αὐτὴν Ιακωβ τω̨̃ παιδὶ αὐτου̃ καὶ Ισραηλ τω̨̃ ἠγαπημένω̨ ὑπ' αὐτου̃

³⁸μετὰ του̃το ἐπὶ τη̃ς γη̃ς ὤφθη καὶ ἐν τοι̃ς ἀνθρώποις συνανεστράφη

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).