ΕΣΘΗΡ, κεφαλίς 1: Библия онлайн, Greek/Septuagint == БИБЛИЯ-ЦЕНТР

ΕΣΘΗΡ, κεφαλίς 1

¹ἔτους δευτέρου βασιλεύοντος 'Αρταξέρξου του̃ μεγάλου τη̨̃ μια̨̃ του̃ Νισα ἐνύπνιον εἰ̃δεν Μαρδοχαι̃ος ὁ του̃ Ιαϊρου του̃ Σεμεϊου του̃ Κισαιου ἐκ φυλη̃ς Βενιαμιν

²ἐν αὐται̃ς ται̃ς ἡμέραις ὅτε ἐθρονίσθη ὁ βασιλεὺς 'Αρταξέρξης ἐν Σούσοις τη̨̃ πόλει

³ἐν τω̨̃ τρίτω̨ ἔτει βασιλεύοντος αὐτου̃ δοχὴν ἐποίησεν τοι̃ς φίλοις καὶ τοι̃ς λοιποι̃ς ἔθνεσιν καὶ τοι̃ς Περσω̃ν καὶ Μήδων ἐνδόξοις καὶ τοι̃ς ἄρχουσιν τω̃ν σατραπω̃ν

⁴καὶ μετὰ ταυ̃τα μετὰ τὸ δει̃ξαι αὐτοι̃ς τὸν πλου̃τον τη̃ς βασιλείας αὐτου̃ καὶ τὴν δόξαν τη̃ς εὐφροσύνης του̃ πλούτου αὐτου̃ ἐπὶ ἡμέρας ἑκατὸν ὀγδοήκοντα

⁵ὅτε δὲ ἀνεπληρώθησαν αἱ ἡμέραι του̃ γάμου ἐποίησεν ὁ βασιλεὺς πότον τοι̃ς ἔθνεσιν τοι̃ς εὑρεθει̃σιν εἰς τὴν πόλιν ἐπὶ ἡμέρας ἓξ ἐν αὐλη̨̃ οἴκου του̃ βασιλέως

⁶κεκοσμημένη̨ βυσσίνοις καὶ καρπασίνοις τεταμένοις ἐπὶ σχοινίοις βυσσίνοις καὶ πορφυροι̃ς ἐπὶ κύβοις χρυσοι̃ς καὶ ἀργυροι̃ς ἐπὶ στύλοις παρίνοις καὶ λιθίνοις κλι̃ναι χρυσαι̃ καὶ ἀργυραι̃ ἐπὶ λιθοστρώτου σμαραγδίτου λίθου καὶ πιννίνου καὶ παρίνου λίθου καὶ στρωμναὶ διαφανει̃ς ποικίλως διηνθισμέναι κύκλω̨ ῥόδα πεπασμένα

⁷ποτήρια χρυσα̃ καὶ ἀργυρα̃ καὶ ἀνθράκινον κυλίκιον προκείμενον ἀπὸ ταλάντων τρισμυρίων οἰ̃νος πολὺς καὶ ἡδύς ὃν αὐτὸς ὁ βασιλεὺς ἔπινεν

⁸ὁ δὲ πότος οὑ̃τος οὐ κατὰ προκείμενον νόμον ἐγένετο οὕτως δὲ ἠθέλησεν ὁ βασιλεὺς καὶ ἐπέταξεν τοι̃ς οἰκονόμοις ποιη̃σαι τὸ θέλημα αὐτου̃ καὶ τω̃ν ἀνθρώπων

⁹καὶ Αστιν ἡ βασίλισσα ἐποίησε πότον ται̃ς γυναιξὶν ἐν τοι̃ς βασιλείοις ὅπου ὁ βασιλεὺς 'Αρταξέρξης

¹⁰ἐν δὲ τη̨̃ ἡμέρα̨ τη̨̃ ἑβδόμη̨ ἡδέως γενόμενος ὁ βασιλεὺς εἰ̃πεν τω̨̃ Αμαν καὶ Βαζαν καὶ Θαρρα καὶ Βωραζη καὶ Ζαθολθα καὶ Αβαταζα καὶ Θαραβα τοι̃ς ἑπτὰ εὐνούχοις τοι̃ς διακόνοις του̃ βασιλέως 'Αρταξέρξου

¹¹εἰσαγαγει̃ν τὴν βασίλισσαν πρὸς αὐτὸν βασιλεύειν αὐτὴν καὶ περιθει̃ναι αὐτη̨̃ τὸ διάδημα καὶ δει̃ξαι αὐτὴν πα̃σιν τοι̃ς ἄρχουσιν καὶ τοι̃ς ἔθνεσιν τὸ κάλλος αὐτη̃ς ὅτι καλὴ ἠ̃ν

¹²καὶ οὐκ εἰσήκουσεν αὐτου̃ Αστιν ἡ βασίλισσα ἐλθει̃ν μετὰ τω̃ν εὐνούχων καὶ ἐλυπήθη ὁ βασιλεὺς καὶ ὠργίσθη

¹³καὶ εἰ̃πεν τοι̃ς φίλοις αὐτου̃ κατὰ ταυ̃τα ἐλάλησεν Αστιν ποιήσατε οὐ̃ν περὶ τούτου νόμον καὶ κρίσιν

¹⁴καὶ προση̃λθεν αὐτω̨̃ Αρκεσαιος καὶ Σαρσαθαιος καὶ Μαλησεαρ οἱ ἄρχοντες Περσω̃ν καὶ Μήδων οἱ ἐγγὺς του̃ βασιλέως οἱ πρω̃τοι παρακαθήμενοι τω̨̃ βασιλει̃

¹⁵καὶ ἀπήγγειλαν αὐτω̨̃ κατὰ τοὺς νόμους ὡς δει̃ ποιη̃σαι Αστιν τη̨̃ βασιλίσση̨ ὅτι οὐκ ἐποίησεν τὰ ὑπὸ του̃ βασιλέως προσταχθέντα διὰ τω̃ν εὐνούχων

¹⁶καὶ εἰ̃πεν ὁ Μουχαιος πρὸς τὸν βασιλέα καὶ τοὺς ἄρχοντας οὐ τὸν βασιλέα μόνον ἠδίκησεν Αστιν ἡ βασίλισσα ἀλλὰ καὶ πάντας τοὺς ἄρχοντας καὶ τοὺς ἡγουμένους του̃ βασιλέως

¹⁷καὶ γὰρ διηγήσατο αὐτοι̃ς τὰ ῥήματα τη̃ς βασιλίσσης καὶ ὡς ἀντει̃πεν τω̨̃ βασιλει̃ ὡς οὐ̃ν ἀντει̃πεν τω̨̃ βασιλει̃ 'Αρταξέρξη̨

¹⁸οὕτως σήμερον αἱ τυραννίδες αἱ λοιπαὶ τω̃ν ἀρχόντων Περσω̃ν καὶ Μήδων ἀκούσασαι τὰ τω̨̃ βασιλει̃ λεχθέντα ὑπ' αὐτη̃ς τολμήσουσιν ὁμοίως ἀτιμάσαι τοὺς ἄνδρας αὐτω̃ν

¹⁹εἰ οὐ̃ν δοκει̃ τω̨̃ βασιλει̃ προσταξάτω βασιλικόν καὶ γραφήτω κατὰ τοὺς νόμους Μήδων καὶ Περσω̃ν καὶ μὴ ἄλλως χρησάσθω μηδὲ εἰσελθάτω ἔτι ἡ βασίλισσα πρὸς αὐτόν καὶ τὴν βασιλείαν αὐτη̃ς δότω ὁ βασιλεὺς γυναικὶ κρείττονι αὐτη̃ς

²⁰καὶ ἀκουσθήτω ὁ νόμος ὁ ὑπὸ του̃ βασιλέως ὃν ἐὰν ποιη̨̃ ἐν τη̨̃ βασιλεία̨ αὐτου̃ καὶ οὕτως πα̃σαι αἱ γυναι̃κες περιθήσουσιν τιμὴν τοι̃ς ἀνδράσιν ἑαυτω̃ν ἀπὸ πτωχου̃ ἕως πλουσίου

²¹καὶ ἤρεσεν ὁ λόγος τω̨̃ βασιλει̃ καὶ τοι̃ς ἄρχουσι καὶ ἐποίησεν ὁ βασιλεὺς καθὰ ἐλάλησεν ὁ Μουχαιος

²²καὶ ἀπέστειλεν εἰς πα̃σαν τὴν βασιλείαν κατὰ χώραν κατὰ τὴν λέξιν αὐτω̃ν ὥστε εἰ̃ναι φόβον αὐτοι̃ς ἐν ται̃ς οἰκίαις αὐτω̃ν

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).