ΕΣΘΗΡ, κεφαλίς 3: Библия онлайн, Greek/Septuagint == БИБЛИЯ-ЦЕНТР

ΕΣΘΗΡ, κεφαλίς 3

¹μετὰ δὲ ταυ̃τα ἐδόξασεν ὁ βασιλεὺς 'Αρταξέρξης Αμαν Αμαδαθου Βουγαι̃ον καὶ ὕψωσεν αὐτόν καὶ ἐπρωτοβάθρει πάντων τω̃ν φίλων αὐτου̃

²καὶ πάντες οἱ ἐν τη̨̃ αὐλη̨̃ προσεκύνουν αὐτω̨̃ οὕτως γὰρ προσέταξεν ὁ βασιλεὺς ποιη̃σαι ὁ δὲ Μαρδοχαι̃ος οὐ προσεκύνει αὐτω̨̃

³καὶ ἐλάλησαν οἱ ἐν τη̨̃ αὐλη̨̃ του̃ βασιλέως τω̨̃ Μαρδοχαίω̨ Μαρδοχαι̃ε τί παρακούεις τὰ ὑπὸ του̃ βασιλέως λεγόμενα

⁴καθ' ἑκάστην ἡμέραν ἐλάλουν αὐτω̨̃ καὶ οὐχ ὑπήκουεν αὐτω̃ν καὶ ὑπέδειξαν τω̨̃ Αμαν Μαρδοχαι̃ον τοι̃ς του̃ βασιλέως λόγοις ἀντιτασσόμενον καὶ ὑπέδειξεν αὐτοι̃ς ὁ Μαρδοχαι̃ος ὅτι Ιουδαι̃ός ἐστιν

⁵καὶ ἐπιγνοὺς Αμαν ὅτι οὐ προσκυνει̃ αὐτω̨̃ Μαρδοχαι̃ος ἐθυμώθη σφόδρα

⁶καὶ ἐβουλεύσατο ἀφανίσαι πάντας τοὺς ὑπὸ τὴν 'Αρταξέρξου βασιλείαν Ιουδαίους

⁷καὶ ἐποίησεν ψήφισμα ἐν ἔτει δωδεκάτω̨ τη̃ς βασιλείας 'Αρταξέρξου καὶ ἔβαλεν κλήρους ἡμέραν ἐξ ἡμέρας καὶ μη̃να ἐκ μηνὸς ὥστε ἀπολέσαι ἐν μια̨̃ ἡμέρα̨ τὸ γένος Μαρδοχαίου καὶ ἔπεσεν ὁ κλη̃ρος εἰς τὴν τεσσαρεσκαιδεκάτην του̃ μηνός ὅς ἐστιν Αδαρ

⁸καὶ ἐλάλησεν πρὸς τὸν βασιλέα 'Αρταξέρξην λέγων ὑπάρχει ἔθνος διεσπαρμένον ἐν τοι̃ς ἔθνεσιν ἐν πάση̨ τη̨̃ βασιλεία̨ σου οἱ δὲ νόμοι αὐτω̃ν ἔξαλλοι παρὰ πάντα τὰ ἔθνη τω̃ν δὲ νόμων του̃ βασιλέως παρακούουσιν καὶ οὐ συμφέρει τω̨̃ βασιλει̃ ἐα̃σαι αὐτούς

⁹εἰ δοκει̃ τω̨̃ βασιλει̃ δογματισάτω ἀπολέσαι αὐτούς κἀγὼ διαγράψω εἰς τὸ γαζοφυλάκιον του̃ βασιλέως ἀργυρίου τάλαντα μύρια

¹⁰καὶ περιελόμενος ὁ βασιλεὺς τὸν δακτύλιον ἔδωκεν εἰς χει̃ρα τω̨̃ Αμαν σφραγίσαι κατὰ τω̃ν γεγραμμένων κατὰ τω̃ν Ιουδαίων

¹¹καὶ εἰ̃πεν ὁ βασιλεὺς τω̨̃ Αμαν τὸ μὲν ἀργύριον ἔχε τω̨̃ δὲ ἔθνει χρω̃ ὡς βούλει

¹²καὶ ἐκλήθησαν οἱ γραμματει̃ς του̃ βασιλέως μηνὶ πρώτω̨ τη̨̃ τρισκαιδεκάτη̨ καὶ ἔγραψαν ὡς ἐπέταξεν Αμαν τοι̃ς στρατηγοι̃ς καὶ τοι̃ς ἄρχουσιν κατὰ πα̃σαν χώραν ἀπὸ 'Ινδικη̃ς ἕως τη̃ς Αἰθιοπίας ται̃ς ἑκατὸν εἴκοσι ἑπτὰ χώραις τοι̃ς τε ἄρχουσι τω̃ν ἐθνω̃ν κατὰ τὴν αὐτω̃ν λέξιν δι' 'Αρταξέρξου του̃ βασιλέως

¹³καὶ ἀπεστάλη διὰ βιβλιαφόρων εἰς τὴν 'Αρταξέρξου βασιλείαν ἀφανίσαι τὸ γένος τω̃ν Ιουδαίων ἐν ἡμέρα̨ μια̨̃ μηνὸς δωδεκάτου ὅς ἐστιν Αδαρ καὶ διαρπάσαι τὰ ὑπάρχοντα αὐτω̃ν

¹⁴τὰ δὲ ἀντίγραφα τω̃ν ἐπιστολω̃ν ἐξετίθετο κατὰ χώραν καὶ προσετάγη πα̃σι τοι̃ς ἔθνεσιν ἑτοίμους εἰ̃ναι εἰς τὴν ἡμέραν ταύτην

¹⁵ἐσπεύδετο δὲ τὸ πρα̃γμα καὶ εἰς Σουσαν ὁ δὲ βασιλεὺς καὶ Αμαν ἐκωθωνίζοντο ἐταράσσετο δὲ ἡ πόλις

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).