ΑΠΟΚΑΛΥΨΙΣ ΙΩΑΝΝΟΥ, κεφαλίς 13: Библия онлайн, Greek/Septuagint == БИБЛИЯ-ЦЕНТР

ΑΠΟΚΑΛΥΨΙΣ ΙΩΑΝΝΟΥ, κεφαλίς 13

¹καὶ εἰ̃δον ἐκ τη̃ς θαλάσσης θηρίον ἀναβαι̃νον ἔχον κέρατα δέκα καὶ κεφαλὰς ἑπτά καὶ ἐπὶ τω̃ν κεράτων αὐτου̃ δέκα διαδήματα καὶ ἐπὶ τὰς κεφαλὰς αὐτου̃ ὀνόματα βλασφημίας

²καὶ τò θηρίον ὃ εἰ̃δον ἠ̃ν ὅμοιον παρδάλει καὶ οἱ πόδες αὐτου̃ ὡς ἄρκου καὶ τò στόμα αὐτου̃ ὡς στόμα λέοντος καὶ ἔδωκεν αὐτω̨̃ ὁ δράκων τὴν δύναμιν αὐτου̃ καὶ τòν θρόνον αὐτου̃ καὶ ἐξουσίαν μεγάλην

³καὶ μίαν ἐκ τω̃ν κεφαλω̃ν αὐτου̃ ὡς ἐσφαγμένην εἰς θάνατον καὶ ἡ πληγὴ του̃ θανάτου αὐτου̃ ἐθεραπεύθη καὶ ἐθαυμάσθη ὅλη ἡ γη̃ ὀπίσω του̃ θηρίου

⁴καὶ προσεκύνησαν τω̨̃ δράκοντι ὅτι ἔδωκεν τὴν ἐξουσίαν τω̨̃ θηρίω̨ καὶ προσεκύνησαν τω̨̃ θηρίω̨ λέγοντες τίς ὅμοιος τω̨̃ θηρίω̨ καὶ τίς δύναται πολεμη̃σαι μετ' αὐτου̃

⁵καὶ ἐδόθη αὐτω̨̃ στόμα λαλου̃ν μεγάλα καὶ βλασφημίας καὶ ἐδόθη αὐτω̨̃ ἐξουσία ποιη̃σαι μη̃νας τεσσεράκοντα καὶ δύο

⁶καὶ ἤνοιξεν τò στόμα αὐτου̃ εἰς βλασφημίας πρòς τòν θεόν βλασφημη̃σαι τò ὄνομα αὐτου̃ καὶ τὴν σκηνὴν αὐτου̃ τοὺς ἐν τω̨̃ οὐρανω̨̃ σκηνου̃ντας

⁷καὶ ἐδόθη αὐτω̨̃ ποιη̃σαι πόλεμον μετὰ τω̃ν ἁγίων καὶ νικη̃σαι αὐτούς καὶ ἐδόθη αὐτω̨̃ ἐξουσία ἐπὶ πα̃σαν φυλὴν καὶ λαòν καὶ γλω̃σσαν καὶ ἔθνος

⁸καὶ προσκυνήσουσιν αὐτòν πάντες οἱ κατοικου̃ντες ἐπὶ τη̃ς γη̃ς οὑ̃ οὐ γέγραπται τò ὄνομα αὐτου̃ ἐν τω̨̃ βιβλίω̨ τη̃ς ζωη̃ς του̃ ἀρνίου του̃ ἐσφαγμένου ἀπò καταβολη̃ς κόσμου

⁹εἴ τις ἔχει οὐ̃ς ἀκουσάτω

¹⁰εἴ τις εἰς αἰχμαλωσίαν εἰς αἰχμαλωσίαν ὑπάγει εἴ τις ἐν μαχαίρη̨ ἀποκτανθη̃ναι αὐτòν ἐν μαχαίρη̨ ἀποκτανθη̃ναι ὡ̃δέ ἐστιν ἡ ὑπομονὴ καὶ ἡ πίστις τω̃ν ἁγίων

¹¹καὶ εἰ̃δον ἄλλο θηρίον ἀναβαι̃νον ἐκ τη̃ς γη̃ς καὶ εἰ̃χεν κέρατα δύο ὅμοια ἀρνίω̨ καὶ ἐλάλει ὡς δράκων

¹²καὶ τὴν ἐξουσίαν του̃ πρώτου θηρίου πα̃σαν ποιει̃ ἐνώπιον αὐτου̃ καὶ ποιει̃ τὴν γη̃ν καὶ τοὺς ἐν αὐτη̨̃ κατοικου̃ντας ἵνα προσκυνήσουσιν τò θηρίον τò πρω̃τον οὑ̃ ἐθεραπεύθη ἡ πληγὴ του̃ θανάτου αὐτου̃

¹³καὶ ποιει̃ σημει̃α μεγάλα ἵνα καὶ πυ̃ρ ποιη̨̃ ἐκ του̃ οὐρανου̃ καταβαίνειν εἰς τὴν γη̃ν ἐνώπιον τω̃ν ἀνθρώπων

¹⁴καὶ πλανα̨̃ τοὺς κατοικου̃ντας ἐπὶ τη̃ς γη̃ς διὰ τὰ σημει̃α ἃ ἐδόθη αὐτω̨̃ ποιη̃σαι ἐνώπιον του̃ θηρίου λέγων τοι̃ς κατοικου̃σιν ἐπὶ τη̃ς γη̃ς ποιη̃σαι εἰκόνα τω̨̃ θηρίω̨ ὃς ἔχει τὴν πληγὴν τη̃ς μαχαίρης καὶ ἔζησεν

¹⁵καὶ ἐδόθη αὐτω̨̃ δου̃ναι πνευ̃μα τη̨̃ εἰκόνι του̃ θηρίου ἵνα καὶ λαλήση̨ ἡ εἰκὼν του̃ θηρίου καὶ ποιήση̨ ἵνα ὅσοι ἐὰν μὴ προσκυνήσωσιν τη̨̃ εἰκόνι του̃ θηρίου ἀποκτανθω̃σιν

¹⁶καὶ ποιει̃ πάντας τοὺς μικροὺς καὶ τοὺς μεγάλους καὶ τοὺς πλουσίους καὶ τοὺς πτωχούς καὶ τοὺς ἐλευθέρους καὶ τοὺς δούλους ἵνα δω̃σιν αὐτοι̃ς χάραγμα ἐπὶ τη̃ς χειρòς αὐτω̃ν τη̃ς δεξια̃ς ἢ ἐπὶ τò μέτωπον αὐτω̃ν

¹⁷καὶ ἵνα μή τις δύνηται ἀγοράσαι ἢ πωλη̃σαι εἰ μὴ ὁ ἔχων τò χάραγμα τò ὄνομα του̃ θηρίου ἢ τòν ἀριθμòν του̃ ὀνόματος αὐτου̃

¹⁸ὡ̃δε ἡ σοφία ἐστίν ὁ ἔχων νου̃ν ψηφισάτω τòν ἀριθμòν του̃ θηρίου ἀριθμòς γὰρ ἀνθρώπου ἐστίν καὶ ὁ ἀριθμòς αὐτου̃ ἑξακόσιοι ἑξήκοντα ἕξ

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).