ΑΠΟΚΑΛΥΨΙΣ ΙΩΑΝΝΟΥ, κεφαλίς 22: Библия онлайн, Greek/Septuagint == БИБЛИЯ-ЦЕНТР

ΑΠΟΚΑΛΥΨΙΣ ΙΩΑΝΝΟΥ, κεφαλίς 22

¹καὶ ἔδειξέν μοι ποταμòν ὕδατος ζωη̃ς λαμπρòν ὡς κρύσταλλον ἐκπορευόμενον ἐκ του̃ θρόνου του̃ θεου̃ καὶ του̃ ἀρνίου

²ἐν μέσω̨ τη̃ς πλατείας αὐτη̃ς καὶ του̃ ποταμου̃ ἐντευ̃θεν καὶ ἐκει̃θεν ξύλον ζωη̃ς ποιου̃ν καρποὺς δώδεκα κατὰ μη̃να ἕκαστον ἀποδιδου̃ν τòν καρπòν αὐτου̃ καὶ τὰ φύλλα του̃ ξύλου εἰς θεραπείαν τω̃ν ἐθνω̃ν

³καὶ πα̃ν κατάθεμα οὐκ ἔσται ἔτι καὶ ὁ θρόνος του̃ θεου̃ καὶ του̃ ἀρνίου ἐν αὐτη̨̃ ἔσται καὶ οἱ δου̃λοι αὐτου̃ λατρεύσουσιν αὐτω̨̃

⁴καὶ ὄψονται τò πρόσωπον αὐτου̃ καὶ τò ὄνομα αὐτου̃ ἐπὶ τω̃ν μετώπων αὐτω̃ν

⁵καὶ νὺξ οὐκ ἔσται ἔτι καὶ οὐκ ἔχουσιν χρείαν φωτòς λύχνου καὶ φωτòς ἡλίου ὅτι κύριος ὁ θεòς φωτίσει ἐπ' αὐτούς καὶ βασιλεύσουσιν εἰς τοὺς αἰω̃νας τω̃ν αἰώνων

⁶καὶ εἰ̃πέν μοι οὑ̃τοι οἱ λόγοι πιστοὶ καὶ ἀληθινοί καὶ ὁ κύριος ὁ θεòς τω̃ν πνευμάτων τω̃ν προφητω̃ν ἀπέστειλεν τòν ἄγγελον αὐτου̃ δει̃ξαι τοι̃ς δούλοις αὐτου̃ ἃ δει̃ γενέσθαι ἐν τάχει

⁷καὶ ἰδοὺ ἔρχομαι ταχύ μακάριος ὁ τηρω̃ν τοὺς λόγους τη̃ς προφητείας του̃ βιβλίου τούτου

⁸κἀγὼ ’Ιωάννης ὁ ἀκούων καὶ βλέπων ταυ̃τα καὶ ὅτε ἤκουσα καὶ ἔβλεψα ἔπεσα προσκυνη̃σαι ἔμπροσθεν τω̃ν ποδω̃ν του̃ ἀγγέλου του̃ δεικνύοντός μοι ταυ̃τα

⁹καὶ λέγει μοι ὅρα μή σύνδουλός σού εἰμι καὶ τω̃ν ἀδελφω̃ν σου τω̃ν προφητω̃ν καὶ τω̃ν τηρούντων τοὺς λόγους του̃ βιβλίου τούτου τω̨̃ θεω̨̃ προσκύνησον

¹⁰καὶ λέγει μοι μὴ σφραγίση̨ς τοὺς λόγους τη̃ς προφητείας του̃ βιβλίου τούτου ὁ καιρòς γὰρ ἐγγύς ἐστιν

¹¹ὁ ἀδικω̃ν ἀδικησάτω ἔτι καὶ ὁ ῥυπαρòς ῥυπανθήτω ἔτι καὶ ὁ δίκαιος δικαιοσύνην ποιησάτω ἔτι καὶ ὁ ἅγιος ἁγιασθήτω ἔτι

¹²ἰδοὺ ἔρχομαι ταχύ καὶ ὁ μισθός μου μετ' ἐμου̃ ἀποδου̃ναι ἑκάστω̨ ὡς τò ἔργον ἐστὶν αὐτου̃

¹³ἐγὼ τò ἄλφα καὶ τò ὠ̃ ὁ πρω̃τος καὶ ὁ ἔσχατος ἡ ἀρχὴ καὶ τò τέλος

¹⁴μακάριοι οἱ πλύνοντες τὰς στολὰς αὐτω̃ν ἵνα ἔσται ἡ ἐξουσία αὐτω̃ν ἐπὶ τò ξύλον τη̃ς ζωη̃ς καὶ τοι̃ς πυλω̃σιν εἰσέλθωσιν εἰς τὴν πόλιν

¹⁵ἔξω οἱ κύνες καὶ οἱ φάρμακοι καὶ οἱ πόρνοι καὶ οἱ φονει̃ς καὶ οἱ εἰδωλολάτραι καὶ πα̃ς φιλω̃ν καὶ ποιω̃ν ψευ̃δος

¹⁶ἐγὼ ’Ιησου̃ς ἔπεμψα τòν ἄγγελόν μου μαρτυρη̃σαι ὑμι̃ν ταυ̃τα ἐπὶ ται̃ς ἐκκλησίαις ἐγώ εἰμι ἡ ῥίζα καὶ τò γένος Δαυίδ ὁ ἀστὴρ ὁ λαμπρòς ὁ πρωϊνός

¹⁷καὶ τò πνευ̃μα καὶ ἡ νύμφη λέγουσιν ἔρχου καὶ ὁ ἀκούων εἰπάτω ἔρχου καὶ ὁ διψω̃ν ἐρχέσθω ὁ θέλων λαβέτω ὕδωρ ζωη̃ς δωρεάν

¹⁸μαρτυρω̃ ἐγὼ παντὶ τω̨̃ ἀκούοντι τοὺς λόγους τη̃ς προφητείας του̃ βιβλίου τούτου ἐάν τις ἐπιθη̨̃ ἐπ' αὐτά ἐπιθήσει ὁ θεòς ἐπ' αὐτòν τὰς πληγὰς τὰς γεγραμμένας ἐν τω̨̃ βιβλίω̨ τούτω̨

¹⁹καὶ ἐάν τις ἀφέλη̨ ἀπò τω̃ν λόγων του̃ βιβλίου τη̃ς προφητείας ταύτης ἀφελει̃ ὁ θεòς τò μέρος αὐτου̃ ἀπò του̃ ξύλου τη̃ς ζωη̃ς καὶ ἐκ τη̃ς πόλεως τη̃ς ἁγίας τω̃ν γεγραμμένων ἐν τω̨̃ βιβλίω̨ τούτω̨

²⁰λέγει ὁ μαρτυρω̃ν ταυ̃τα ναί ἔρχομαι ταχύ ἀμήν ἔρχου κύριε ’Ιησου̃

²¹ἡ χάρις του̃ κυρίου ’Ιησου̃ μετὰ πάντων

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).