ΣΟΦΊΑ ΣΑΛΩΜΩΝ, κεφαλίς 3: Библия онлайн, Greek/Septuagint == БИБЛИЯ-ЦЕНТР

ΣΟΦΊΑ ΣΑΛΩΜΩΝ, κεφαλίς 3

¹δικαίων δὲ ψυχαὶ ἐν χειρὶ θεου̃ καὶ οὐ μὴ ἅψηται αὐτω̃ν βάσανος

²ἔδοξαν ἐν ὀφθαλμοι̃ς ἀφρόνων τεθνάναι καὶ ἐλογίσθη κάκωσις ἡ ἔξοδος αὐτω̃ν

³καὶ ἡ ἀφ' ἡμω̃ν πορεία σύντριμμα οἱ δέ εἰσιν ἐν εἰρήνη̨

⁴καὶ γὰρ ἐν ὄψει ἀνθρώπων ἐὰν κολασθω̃σιν ἡ ἐλπὶς αὐτω̃ν ἀθανασίας πλήρης

⁵καὶ ὀλίγα παιδευθέντες μεγάλα εὐεργετηθήσονται ὅτι ὁ θεὸς ἐπείρασεν αὐτοὺς καὶ εὑ̃ρεν αὐτοὺς ἀξίους ἑαυτου̃

⁶ὡς χρυσὸν ἐν χωνευτηρίω̨ ἐδοκίμασεν αὐτοὺς καὶ ὡς ὁλοκάρπωμα θυσίας προσεδέξατο αὐτούς

⁷καὶ ἐν καιρω̨̃ ἐπισκοπη̃ς αὐτω̃ν ἀναλάμψουσιν καὶ ὡς σπινθη̃ρες ἐν καλάμη̨ διαδραμου̃νται

⁸κρινου̃σιν ἔθνη καὶ κρατήσουσιν λαω̃ν καὶ βασιλεύσει αὐτω̃ν κύριος εἰς τοὺς αἰω̃νας

⁹οἱ πεποιθότες ἐπ' αὐτω̨̃ συνήσουσιν ἀλήθειαν καὶ οἱ πιστοὶ ἐν ἀγάπη̨ προσμενου̃σιν αὐτω̨̃ ὅτι χάρις καὶ ἔλεος τοι̃ς ἐκλεκτοι̃ς αὐτου̃

¹⁰οἱ δὲ ἀσεβει̃ς καθὰ ἐλογίσαντο ἕξουσιν ἐπιτιμίαν οἱ ἀμελήσαντες του̃ δικαίου καὶ του̃ κυρίου ἀποστάντες

¹¹σοφίαν γὰρ καὶ παιδείαν ὁ ἐξουθενω̃ν ταλαίπωρος καὶ κενὴ ἡ ἐλπὶς αὐτω̃ν καὶ οἱ κόποι ἀνόνητοι καὶ ἄχρηστα τὰ ἔργα αὐτω̃ν

¹²αἱ γυναι̃κες αὐτω̃ν ἄφρονες καὶ πονηρὰ τὰ τέκνα αὐτω̃ν ἐπικατάρατος ἡ γένεσις αὐτω̃ν

¹³ὅτι μακαρία στει̃ρα ἡ ἀμίαντος ἥτις οὐκ ἔγνω κοίτην ἐν παραπτώματι ἕξει καρπὸν ἐν ἐπισκοπη̨̃ ψυχω̃ν

¹⁴καὶ εὐνου̃χος ὁ μὴ ἐργασάμενος ἐν χειρὶ ἀνόμημα μηδὲ ἐνθυμηθεὶς κατὰ του̃ κυρίου πονηρά δοθήσεται γὰρ αὐτω̨̃ τη̃ς πίστεως χάρις ἐκλεκτὴ καὶ κλη̃ρος ἐν ναω̨̃ κυρίου θυμηρέστερος

¹⁵ἀγαθω̃ν γὰρ πόνων καρπὸς εὐκλεής καὶ ἀδιάπτωτος ἡ ῥίζα τη̃ς φρονήσεως

¹⁶τέκνα δὲ μοιχω̃ν ἀτέλεστα ἔσται καὶ ἐκ παρανόμου κοίτης σπέρμα ἀφανισθήσεται

¹⁷ἐάν τε γὰρ μακρόβιοι γένωνται εἰς οὐθὲν λογισθήσονται καὶ ἄτιμον ἐπ' ἐσχάτων τὸ γη̃ρας αὐτω̃ν

¹⁸ἐάν τε ὀξέως τελευτήσωσιν οὐχ ἕξουσιν ἐλπίδα οὐδὲ ἐν ἡμέρα̨ διαγνώσεως παραμύθιον

¹⁹γενεα̃ς γὰρ ἀδίκου χαλεπὰ τὰ τέλη

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).