Liber Psalmorum, Psalmus 60

¹ In finem. In hymnis David.

²Exaudi, Deus, deprecationem meam;
intende orationi meæ.

³A finibus terræ ad te clamavi, dum anxiaretur cor meum;
in petra exaltasti me.
Deduxisti me,

⁴quia factus es spes mea:
turris fortitudinis a facie inimici.

⁵Inhabitabo in tabernaculo tuo in sæcula;
protegar in velamento alarum tuarum.

⁶Quoniam tu, Deus meus, exaudisti orationem meam;
dedisti hæreditatem timentibus nomen tuum.

⁷Dies super dies regis adjicies;
annos ejus usque in diem generationis et generationis.

⁸Permanet in æternum in conspectu Dei:
misericordiam et veritatem ejus quis requiret?

⁹Sic psalmum dicam nomini tuo in sæculum sæculi,
ut reddam vota mea de die in diem.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).