ΣΟΦΊΑ SEIRAC, κεφάλαια 42-43, στἰχοι 15-33: Библия онлайн, Greek/Septuagint == БИБЛИЯ-ЦЕНТР

ΣΟΦΊΑ SEIRAC, κεφαλίς 42, στἰχοι 15-25

¹⁵μνησθήσομαι δὴ τὰ ἔργα κυρίου καὶ ἃ ἑόρακα ἐκδιηγήσομαι ἐν λόγοις κυρίου τὰ ἔργα αὐτου̃

¹⁶ἥλιος φωτίζων κατὰ πα̃ν ἐπέβλεψεν καὶ τη̃ς δόξης κυρίου πλη̃ρες τὸ ἔργον αὐτου̃

¹⁷οὐκ ἐξεποίησεν τοι̃ς ἁγίοις κυρίου ἐκδιηγήσασθαι πάντα τὰ θαυμάσια αὐτου̃ ἃ ἐστερέωσεν κύριος ὁ παντοκράτωρ στηριχθη̃ναι ἐν δόξη̨ αὐτου̃ τὸ πα̃ν

¹⁸ἄβυσσον καὶ καρδίαν ἐξίχνευσεν καὶ ἐν πανουργεύμασιν αὐτω̃ν διενοήθη ἔγνω γὰρ ὁ ὕψιστος πα̃σαν εἴδησιν καὶ ἐνέβλεψεν εἰς σημει̃ον αἰω̃νος

¹⁹ἀπαγγέλλων τὰ παρεληλυθότα καὶ τὰ ἐσόμενα καὶ ἀποκαλύπτων ἴχνη ἀποκρύφων

²⁰οὐ παρη̃λθεν αὐτὸν πα̃ν διανόημα οὐκ ἐκρύβη ἀπ' αὐτου̃ οὐδὲ εἱ̃ς λόγος

²¹τὰ μεγαλει̃α τη̃ς σοφίας αὐτου̃ ἐκόσμησεν ὡς ἔστιν πρὸ του̃ αἰω̃νος καὶ εἰς τὸν αἰω̃να οὔτε προσετέθη οὔτε ἠλαττώθη καὶ οὐ προσεδεήθη οὐδενὸς συμβούλου

²²ὡς πάντα τὰ ἔργα αὐτου̃ ἐπιθυμητὰ καὶ ὡς σπινθη̃ρός ἐστιν θεωρη̃σαι

²³πάντα ταυ̃τα ζη̨̃ καὶ μένει εἰς τὸν αἰω̃να ἐν πάσαις χρείαις καὶ πάντα ὑπακούει

²⁴πάντα δισσά ἓν κατέναντι του̃ ἑνός καὶ οὐκ ἐποίησεν οὐδὲν ἐλλει̃πον

²⁵ἓν του̃ ἑνὸς ἐστερέωσεν τὰ ἀγαθά καὶ τίς πλησθήσεται ὁρω̃ν δόξαν αὐτου̃

ΣΟΦΊΑ SEIRAC, κεφαλίς 43

¹γαυρίαμα ὕψους στερέωμα καθαριότητος εἰ̃δος οὐρανου̃ ἐν ὁράματι δόξης

²ἥλιος ἐν ὀπτασία̨ διαγγέλλων ἐν ἐξόδω̨ σκευ̃ος θαυμαστόν ἔργον ὑψίστου

³ἐν μεσημβρία̨ αὐτου̃ ἀναξηραίνει χώραν καὶ ἐναντίον καύματος αὐτου̃ τίς ὑποστήσεται

⁴κάμινον φυσω̃ν ἐν ἔργοις καύματος τριπλασίως ἥλιος ἐκκαίων ὄρη ἀτμίδας πυρώδεις ἐκφυσω̃ν καὶ ἐκλάμπων ἀκτι̃νας ἀμαυροι̃ ὀφθαλμούς

⁵μέγας κύριος ὁ ποιήσας αὐτόν καὶ ἐν λόγοις αὐτου̃ κατέσπευσεν πορείαν

⁶καὶ ἡ σελήνη ἐν πα̃σιν εἰς καιρὸν αὐτη̃ς ἀνάδειξιν χρόνων καὶ σημει̃ον αἰω̃νος

⁷ἀπὸ σελήνης σημει̃ον ἑορτη̃ς φωστὴρ μειούμενος ἐπὶ συντελείας

⁸μὴν κατὰ τὸ ὄνομα αὐτη̃ς ἐστιν αὐξανόμενος θαυμαστω̃ς ἐν ἀλλοιώσει σκευ̃ος παρεμβολω̃ν ἐν ὕψει ἐν στερεώματι οὐρανου̃ ἐκλάμπων

⁹κάλλος οὐρανου̃ δόξα ἄστρων κόσμος φωτίζων ἐν ὑψίστοις κυρίου

¹⁰ἐν λόγοις ἁγίου στήσονται κατὰ κρίμα καὶ οὐ μὴ ἐκλυθω̃σιν ἐν φυλακαι̃ς αὐτω̃ν

¹¹ἰδὲ τόξον καὶ εὐλόγησον τὸν ποιήσαντα αὐτὸ σφόδρα ὡραι̃ον ἐν τω̨̃ αὐγάσματι αὐτου̃

¹²ἐγύρωσεν οὐρανὸν ἐν κυκλώσει δόξης χει̃ρες ὑψίστου ἐτάνυσαν αὐτό

¹³προστάγματι αὐτου̃ κατέσπευσεν χιόνα καὶ ταχύνει ἀστραπὰς κρίματος αὐτου̃

¹⁴διὰ του̃το ἠνεώ̨χθησαν θησαυροί καὶ ἐξέπτησαν νεφέλαι ὡς πετεινά

¹⁵ἐν μεγαλείω̨ αὐτου̃ ἴσχυσεν νεφέλας καὶ διεθρύβησαν λίθοι χαλάζης

¹⁶καὶ ἐν ὀπτασία̨ αὐτου̃ σαλευθήσεται ὄρη ἐν θελήματι αὐτου̃ πνεύσεται νότος

¹⁷φωνὴ βροντη̃ς αὐτου̃ ὠνείδισεν γη̃ν καὶ καταιγὶς βορέου καὶ συστροφὴ πνεύματος

¹⁸ὡς πετεινὰ καθιπτάμενα πάσσει χιόνα καὶ ὡς ἀκρὶς καταλύουσα ἡ κατάβασις αὐτη̃ς κάλλος λευκότητος αὐτη̃ς ἐκθαυμάσει ὀφθαλμός καὶ ἐπὶ του̃ ὑετου̃ αὐτη̃ς ἐκστήσεται καρδία

¹⁹καὶ πάχνην ὡς ἅλα ἐπὶ γη̃ς χέει καὶ παγει̃σα γίνεται σκολόπων ἄκρα

²⁰ψυχρὸς ἄνεμος βορέης πνεύσει καὶ παγήσεται κρύσταλλος ἐφ' ὕδατος ἐπὶ πα̃σαν συναγωγὴν ὕδατος καταλύσει καὶ ὡς θώρακα ἐνδύσεται τὸ ὕδωρ

²¹καταφάγεται ὄρη καὶ ἔρημον ἐκκαύσει καὶ ἀποσβέσει χλόην ὡς πυ̃ρ

²²ἴασις πάντων κατὰ σπουδὴν ὁμίχλη δρόσος ἀπαντω̃σα ἀπὸ καύσωνος ἱλαρώσει

²³λογισμω̨̃ αὐτου̃ ἐκόπασεν ἄβυσσον καὶ ἐφύτευσεν ἐν αὐτη̨̃ νήσους

²⁴οἱ πλέοντες τὴν θάλασσαν διηγου̃νται τὸν κίνδυνον αὐτη̃ς καὶ ἀκοαι̃ς ὠτίων ἡμω̃ν θαυμάζομεν

²⁵καὶ ἐκει̃ τὰ παράδοξα καὶ θαυμάσια ἔργα ποικιλία παντὸς ζώ̨ου κτίσις κητω̃ν

²⁶δι' αὐτὸν εὐοδοι̃ ἄγγελος αὐτου̃ καὶ ἐν λόγω̨ αὐτου̃ σύγκειται τὰ πάντα

²⁷πολλὰ ἐρου̃μεν καὶ οὐ μὴ ἀφικώμεθα καὶ συντέλεια λόγων τὸ πα̃ν ἐστιν αὐτός

²⁸δοξάζοντες που̃ ἰσχύσομεν αὐτὸς γὰρ ὁ μέγας παρὰ πάντα τὰ ἔργα αὐτου̃

²⁹φοβερὸς κύριος καὶ σφόδρα μέγας καὶ θαυμαστὴ ἡ δυναστεία αὐτου̃

³⁰δοξάζοντες κύριον ὑψώσατε καθ' ὅσον ἂν δύνησθε ὑπερέξει γὰρ καὶ ἔτι καὶ ὑψου̃ντες αὐτὸν πληθύνατε ἐν ἰσχύι μὴ κοπια̃τε οὐ γὰρ μὴ ἀφίκησθε

³¹τίς ἑόρακεν αὐτὸν καὶ ἐκδιηγήσεται καὶ τίς μεγαλυνει̃ αὐτὸν καθώς ἐστιν

³²πολλὰ ἀπόκρυφά ἐστιν μείζονα τούτων ὀλίγα γὰρ ἑωράκαμεν τω̃ν ἔργων αὐτου̃

³³πάντα γὰρ ἐποίησεν ὁ κύριος καὶ τοι̃ς εὐσεβέσιν ἔδωκεν σοφίαν

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).