ΤΩΒΊΤ, κεφαλίς 11: Библия онлайн, Greek/Septuagint == БИБЛИЯ-ЦЕНТР

ΤΩΒΊΤ, κεφαλίς 11

¹καὶ ἐπορεύετο μέχρις οὑ̃ ἐγγίσαι αὐτοὺς εἰς Νινευη καὶ εἰ̃πεν Ραφαηλ πρὸς Τωβιαν

²οὐ γινώσκεις ἄδελφε πω̃ς ἀφη̃κας τὸν πατέρα σου

³προδράμωμεν ἔμπροσθεν τη̃ς γυναικός σου καὶ ἑτοιμάσωμεν τὴν οἰκίαν

⁴λαβὲ δὲ παρὰ χει̃ρα τὴν χολὴν του̃ ἰχθύος καὶ ἐπορεύθησαν καὶ συνη̃λθεν ὁ κύων ὄπισθεν αὐτω̃ν

⁵καὶ Αννα ἐκάθητο περιβλεπομένη εἰς τὴν ὁδὸν τὸν παι̃δα αὐτη̃ς

⁶καὶ προσενόησεν αὐτὸν ἐρχόμενον καὶ εἰ̃πεν τω̨̃ πατρὶ αὐτου̃ ἰδοὺ ὁ υἱός σου ἔρχεται καὶ ὁ ἄνθρωπος ὁ πορευθεὶς μετ' αὐτου̃

⁷καὶ Ραφαηλ εἰ̃πεν ἐπίσταμαι ἐγὼ ὅτι ἀνοίξει τοὺς ὀφθαλμοὺς ὁ πατήρ σου

⁸σὺ οὐ̃ν ἔγχρισον τὴν χολὴν εἰς τοὺς ὀφθαλμοὺς αὐτου̃ καὶ δηχθεὶς διατρίψει καὶ ἀποβαλει̃ τὰ λευκώματα καὶ ὄψεταί σε

⁹καὶ προσδραμου̃σα Αννα ἐπέπεσεν ἐπὶ τὸν τράχηλον του̃ υἱου̃ αὐτη̃ς καὶ εἰ̃πεν αὐτω̨̃ εἰ̃δόν σε παιδίον ἀπὸ του̃ νυ̃ν ἀποθανου̃μαι καὶ ἔκλαυσαν ἀμφότεροι

¹⁰καὶ Τωβιτ ἐξήρχετο πρὸς τὴν θύραν καὶ προσέκοπτεν ὁ δὲ υἱὸς προσέδραμεν αὐτω̨̃

¹¹καὶ ἐπελάβετο του̃ πατρὸς αὐτου̃ καὶ προσέπασεν τὴν χολὴν ἐπὶ τοὺς ὀφθαλμοὺς του̃ πατρὸς αὐτου̃ λέγων θάρσει πάτερ

¹²ὡς δὲ συνεδήχθησαν διέτριψε τοὺς ὀφθαλμοὺς αὐτου̃ καὶ ἐλεπίσθη ἀπὸ τω̃ν κανθω̃ν τω̃ν ὀφθαλμω̃ν αὐτου̃ τὰ λευκώματα

¹³καὶ ἰδὼν τὸν υἱὸν αὐτου̃ ἐπέπεσεν ἐπὶ τὸν τράχηλον αὐτου̃ καὶ ἔκλαυσεν καὶ εἰ̃πεν

¹⁴εὐλογητὸς εἰ̃ ὁ θεός καὶ εὐλογητὸν τὸ ὄνομά σου εἰς τοὺς αἰω̃νας καὶ εὐλογημένοι πάντες οἱ ἅγιοί σου ἄγγελοι ὅτι ἐμαστίγωσας καὶ ἠλέησάς με ἰδοὺ βλέπω Τωβιαν τὸν υἱόν μου

¹⁵καὶ εἰση̃λθεν ὁ υἱὸς αὐτου̃ χαίρων καὶ ἀπήγγειλεν τω̨̃ πατρὶ αὐτου̃ τὰ μεγαλει̃α τὰ γενόμενα αὐτω̨̃ ἐν τη̨̃ Μηδία̨

¹⁶καὶ ἐξη̃λθεν Τωβιτ εἰς συνάντησιν τη̨̃ νύμφη̨ αὐτου̃ χαίρων καὶ εὐλογω̃ν τὸν θεὸν πρὸς τη̨̃ πύλη̨ Νινευη καὶ ἐθαύμαζον οἱ θεωρου̃ντες αὐτὸν πορευόμενον ὅτι ἔβλεψεν καὶ Τωβιτ ἐξωμολογει̃το ἐνώπιον αὐτω̃ν ὅτι ἠλέησεν αὐτὸν ὁ θεός

¹⁷καὶ ὡς ἤγγισεν Τωβιτ Σαρρα τη̨̃ νύμφη̨ αὐτου̃ κατευλόγησεν αὐτὴν λέγων ἔλθοις ὑγιαίνουσα θύγατερ εὐλογητὸς ὁ θεός ὃς ἤγαγέν σε πρὸς ἡμα̃ς καὶ ὁ πατήρ σου καὶ ἡ μήτηρ σου

¹⁸καὶ ἐγένετο χαρὰ πα̃σι τοι̃ς ἐν Νινευη ἀδελφοι̃ς αὐτου̃

¹⁹καὶ παρεγένετο Αχιαχαρος καὶ Νασβας ὁ ἐξάδελφος αὐτου̃ καὶ ἤχθη ὁ γάμος Τωβια μετ' εὐφροσύνης ἑπτὰ ἡμέρας

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).