Liber Psalmorum, Псалом 124

¹Canticum ascensionum. David.
Nisi quia Dominus erat in nobis,
dicat nunc Israel,

²nisi quia Dominus erat in nobis,
cum exsurgerent homines in nos:

³forte vivos deglutissent nos,
cum irasceretur furor eorum in nos.

⁴Forsitan aqua absorbuisset nos,
torrens pertransisset animam nostram;

⁵forsitan pertransissent animam nostram
aquae intumescentes.

⁶Benedictus Dominus,
qui non dedit nos in direptionem dentibus eorum.

⁷Anima nostra sicut passer erepta est
de laqueo venantium:
laqueus contritus est,
et nos erepti sumus.

⁸Adiutorium nostrum in nomine Domini,
qui fecit caelum et terram.


	Once registered, you can subscribe for any reading plans of the Bible. Possibilities of personalized settings and other services for the already registered users are in the pipeline, therefore we advise you to register now (for free, of course).