Liber Psalmorum, Псалом 141

¹ Intellectus David, cum esset in spelunca, oratio.

² Voce mea ad Dominum clamavi,
voce mea ad Dominum deprecatus sum.

³ Effundo in conspectu ejus orationem meam,
et tribulationem meam ante ipsum pronuntio:

⁴ in deficiendo ex me spiritum meum,
et tu cognovisti semitas meas.
In via hac qua ambulabam
absconderunt laqueum mihi.

⁵ Considerabam ad dexteram, et videbam,
et non erat qui cognosceret me:
periit fuga a me,
et non est qui requirat animam meam.

⁶ Clamavi ad te, Domine;
dixi: Tu es spes mea,
portio mea in terra viventium.

⁷ Intende ad deprecationem meam,
quia humiliatus sum nimis.
Libera me a persequentibus me,
quia confortati sunt super me.

⁸ Educ de custodia animam meam
ad confitendum nomini tuo;
me exspectant justi donec retribuas mihi.


	Once registered, you can subscribe for any reading plans of the Bible. Possibilities of personalized settings and other services for the already registered users are in the pipeline, therefore we advise you to register now (for free, of course).