1 θέλω γὰρ ὑμα̃ς εἰδέναι ἡλίκον ἀγω̃να ἔχω ὑπὲρ ὑμω̃ν καὶ τω̃ν ἐν Λαοδικεία̨ καὶ ὅσοι οὐχ ἑόρακαν τò πρόσωπόν μου ἐν σαρκί |
2 ἵνα παρακληθω̃σιν αἱ καρδίαι αὐτω̃ν συμβιβασθέντες ἐν ἀγάπη̨ καὶ εἰς πα̃ν πλου̃τος τη̃ς πληροφορίας τη̃ς συνέσεως εἰς ἐπίγνωσιν του̃ μυστηρίου του̃ θεου̃ Χριστου̃ |
3 ἐν ὡ̨̃ εἰσιν πάντες οἱ θησαυροὶ τη̃ς σοφίας καὶ γνώσεως ἀπόκρυφοι |
4 του̃το λέγω ἵνα μηδεὶς ὑμα̃ς παραλογίζηται ἐν πιθανολογία̨ |
5 εἰ γὰρ καὶ τη̨̃ σαρκὶ ἄπειμι ἀλλὰ τω̨̃ πνεύματι σὺν ὑμι̃ν εἰμι χαίρων καὶ βλέπων ὑμω̃ν τὴν τάξιν καὶ τò στερέωμα τη̃ς εἰς Χριστòν πίστεως ὑμω̃ν |
6 ὡς οὐ̃ν παρελάβετε τòν Χριστòν ’Ιησου̃ν τòν κύριον ἐν αὐτω̨̃ περιπατει̃τε |
7 ἐρριζωμένοι καὶ ἐποικοδομούμενοι ἐν αὐτω̨̃ καὶ βεβαιούμενοι τη̨̃ πίστει καθὼς ἐδιδάχθητε περισσεύοντες ἐν εὐχαριστία̨ |
8 βλέπετε μή τις ὑμα̃ς ἔσται ὁ συλαγωγω̃ν διὰ τη̃ς φιλοσοφίας καὶ κενη̃ς ἀπάτης κατὰ τὴν παράδοσιν τω̃ν ἀνθρώπων κατὰ τὰ στοιχει̃α του̃ κόσμου καὶ οὐ κατὰ Χριστόν |
9 ὅτι ἐν αὐτω̨̃ κατοικει̃ πα̃ν τò πλήρωμα τη̃ς θεότητος σωματικω̃ς |
10 καὶ ἐστὲ ἐν αὐτω̨̃ πεπληρωμένοι ὅς ἐστιν ἡ κεφαλὴ πάσης ἀρχη̃ς καὶ ἐξουσίας |
11 ἐν ὡ̨̃ καὶ περιετμήθητε περιτομη̨̃ ἀχειροποιήτω̨ ἐν τη̨̃ ἀπεκδύσει του̃ σώματος τη̃ς σαρκός ἐν τη̨̃ περιτομη̨̃ του̃ Χριστου̃ |
12 συνταφέντες αὐτω̨̃ ἐν τω̨̃ βαπτισμω̨̃ ἐν ὡ̨̃ καὶ συνηγέρθητε διὰ τη̃ς πίστεως τη̃ς ἐνεργείας του̃ θεου̃ του̃ ἐγείραντος αὐτòν ἐκ νεκρω̃ν |
13 καὶ ὑμα̃ς νεκροὺς ὄντας ἐν τοι̃ς παραπτώμασιν καὶ τη̨̃ ἀκροβυστία̨ τη̃ς σαρκòς ὑμω̃ν συνεζωοποίησεν ὑμα̃ς σὺν αὐτω̨̃ χαρισάμενος ἡμι̃ν πάντα τὰ παραπτώματα |
14 ἐξαλείψας τò καθ' ἡμω̃ν χειρόγραφον τοι̃ς δόγμασιν ὃ ἠ̃ν ὑπεναντίον ἡμι̃ν καὶ αὐτò ἠ̃ρκεν ἐκ του̃ μέσου προσηλώσας αὐτò τω̨̃ σταυρω̨̃ |
15 ἀπεκδυσάμενος τὰς ἀρχὰς καὶ τὰς ἐξουσίας ἐδειγμάτισεν ἐν παρρησία̨ θριαμβεύσας αὐτοὺς ἐν αὐτω̨̃ |
16 μὴ οὐ̃ν τις ὑμα̃ς κρινέτω ἐν βρώσει καὶ ἐν πόσει ἢ ἐν μέρει ἑορτη̃ς ἢ νεομηνίας ἢ σαββάτων |
17 ἅ ἐστιν σκιὰ τω̃ν μελλόντων τò δὲ σω̃μα του̃ Χριστου̃ |
18 μηδεὶς ὑμα̃ς καταβραβευέτω θέλων ἐν ταπεινοφροσύνη̨ καὶ θρησκεία̨ τω̃ν ἀγγέλων ἃ ἑόρακεν ἐμβατεύων εἰκη̨̃ φυσιούμενος ὑπò του̃ νοòς τη̃ς σαρκòς αὐτου̃ |
19 καὶ οὐ κρατω̃ν τὴν κεφαλήν ἐξ οὑ̃ πα̃ν τò σω̃μα διὰ τω̃ν ἁφω̃ν καὶ συνδέσμων ἐπιχορηγούμενον καὶ συμβιβαζόμενον αὔξει τὴν αὔξησιν του̃ θεου̃ |
20 εἰ ἀπεθάνετε σὺν Χριστω̨̃ ἀπò τω̃ν στοιχείων του̃ κόσμου τί ὡς ζω̃ντες ἐν κόσμω̨ δογματίζεσθε |
21 μὴ ἅψη̨ μηδὲ γεύση̨ μηδὲ θίγη̨ς |
22 ἅ ἐστιν πάντα εἰς φθορὰν τη̨̃ ἀποχρήσει κατὰ τὰ ἐντάλματα καὶ διδασκαλίας τω̃ν ἀνθρώπων |
23 ἅτινά ἐστιν λόγον μὲν ἔχοντα σοφίας ἐν ἐθελοθρησκία̨ καὶ ταπεινοφροσύνη̨ καὶ ἀφειδία̨ σώματος οὐκ ἐν τιμη̨̃ τινι πρòς πλησμονὴν τη̃ς σαρκός |
