Liber Psalmorum, Псалом 114

¹(113 A)ALLELUIA.
In exitu Israel de Aegypto,
domus Iacob de populo barbaro,

²factus est Iuda sanctuarium eius,
Israel potestas eius.

³Mare vidit et fugit,
Iordanis conversus est retrorsum;

⁴montes saltaverunt ut arietes,
et colles sicut agni ovium. -

⁵Quid est tibi, mare, quod fugisti?
Et tu, Iordanis, quia conversus es retrorsum?

⁶Montes, quod saltastis sicut arietes,
et colles, sicut agni ovium?

⁷A facie Domini contremisce, terra,
a facie Dei Iacob,

⁸qui convertit petram in stagna aquarum
et silicem in fontes aquarum.


	Once registered, you can subscribe for any reading plans of the Bible. Possibilities of personalized settings and other services for the already registered users are in the pipeline, therefore we advise you to register now (for free, of course).