ΜΑΚΚΑΒΑΊΩΝ Β, κεφαλίς 11: Библия онлайн, Greek/Septuagint == БИБЛИЯ-ЦЕНТР

ΜΑΚΚΑΒΑΊΩΝ Β, κεφαλίς 11

¹μετ' ὀλίγον δὲ παντελω̃ς χρονίσκον Λυσίας ἐπίτροπος του̃ βασιλέως καὶ συγγενὴς καὶ ἐπὶ τω̃ν πραγμάτων λίαν βαρέως φέρων ἐπὶ τοι̃ς γεγονόσι

²συναθροίσας περὶ τὰς ὀκτὼ μυριάδας καὶ τὴν ἵππον ἅπασαν παρεγίνετο ἐπὶ τοὺς Ιουδαίους λογιζόμενος τὴν μὲν πόλιν 'Έλλησιν οἰκητήριον ποιήσειν

³τὸ δὲ ἱερὸν ἀργυρολόγητον καθὼς τὰ λοιπὰ τω̃ν ἐθνω̃ν τεμένη πρατὴν δὲ κατὰ ἔτος τὴν ἀρχιερωσύνην ποιήσειν

⁴οὐδαμω̃ς ἐπιλογιζόμενος τὸ του̃ θεου̃ κράτος πεφρενωμένος δὲ ται̃ς μυριάσιν τω̃ν πεζω̃ν καὶ ται̃ς χιλιάσιν τω̃ν ἱππέων καὶ τοι̃ς ἐλέφασιν τοι̃ς ὀγδοήκοντα

⁵εἰσελθὼν δὲ εἰς τὴν Ιουδαίαν καὶ συνεγγίσας Βαιθσουρα ὄντι μὲν ἐρυμνω̨̃ χωρίω̨ Ιεροσολύμων δὲ ἀπέχοντι ὡσεὶ σταδίους πέντε του̃το ἔθλιβεν

⁶ὡς δὲ μετέλαβον οἱ περὶ τὸν Μακκαβαι̃ον πολιορκου̃ντα αὐτὸν τὰ ὀχυρώματα μετὰ ὀδυρμω̃ν καὶ δακρύων ἱκέτευον σὺν τοι̃ς ὄχλοις τὸν κύριον ἀγαθὸν ἄγγελον ἀποστει̃λαι πρὸς σωτηρίαν τω̨̃ Ισραηλ

⁷αὐτὸς δὲ πρω̃τος ὁ Μακκαβαι̃ος ἀναλαβὼν τὰ ὅπλα προετρέψατο τοὺς ἄλλους ἅμα αὐτω̨̃ διακινδυνεύοντας ἐπιβοηθει̃ν τοι̃ς ἀδελφοι̃ς αὐτω̃ν ὁμου̃ δὲ καὶ προθύμως ἐξώρμησαν

⁸αὐτόθι δὲ πρὸς τοι̃ς Ιεροσολύμοις ὄντων ἐφάνη προηγούμενος αὐτω̃ν ἔφιππος ἐν λευκη̨̃ ἐσθη̃τι πανοπλίαν χρυση̃ν κραδαίνων

⁹ὁμου̃ δὲ πάντες εὐλόγησαν τὸν ἐλεήμονα θεὸν καὶ ἐπερρώσθησαν ται̃ς ψυχαι̃ς οὐ μόνον ἀνθρώπους θη̃ρας δὲ τοὺς ἀγριωτάτους καὶ σιδηρα̃ τείχη τιτρώσκειν ὄντες ἕτοιμοι

¹⁰προη̃γον ἐν διασκευη̨̃ τὸν ἀπ' οὐρανου̃ σύμμαχον ἔχοντες ἐλεήσαντος αὐτοὺς του̃ κυρίου

¹¹λεοντηδὸν δὲ ἐντινάξαντες εἰς τοὺς πολεμίους κατέστρωσαν αὐτω̃ν χιλίους πρὸς τοι̃ς μυρίοις ἱππει̃ς δὲ ἑξακοσίους πρὸς τοι̃ς χιλίοις τοὺς δὲ πάντας ἠνάγκασαν φεύγειν

¹²οἱ πλείονες δὲ αὐτω̃ν τραυματίαι γυμνοὶ διεσώθησαν καὶ αὐτὸς δὲ ὁ Λυσίας αἰσχρω̃ς φεύγων διεσώθη

¹³οὐκ ἄνους δὲ ὑπάρχων πρὸς ἑαυτὸν ἀντιβάλλων τὸ γεγονὸς περὶ αὐτὸν ἐλάττωμα καὶ συννοήσας ἀνικήτους εἰ̃ναι τοὺς Εβραίους του̃ δυναμένου θεου̃ συμμαχου̃ντος αὐτοι̃ς

¹⁴προσαποστείλας ἔπεισεν συλλύεσθαι ἐπὶ πα̃σι τοι̃ς δικαίοις καὶ διότι καὶ τὸν βασιλέα πείσει φίλον αὐτοι̃ς ἀναγκάζων γενέσθαι

¹⁵ἐπένευσεν δὲ ὁ Μακκαβαι̃ος ἐπὶ πα̃σιν οἱ̃ς ὁ Λυσίας παρεκάλει του̃ συμφέροντος φροντίζων ὅσα γὰρ ὁ Μακκαβαι̃ος ἐπέδωκεν τω̨̃ Λυσία̨ διὰ γραπτω̃ν περὶ τω̃ν Ιουδαίων συνεχώρησεν ὁ βασιλεύς

¹⁶ἠ̃σαν γὰρ αἱ γεγραμμέναι τοι̃ς Ιουδαίοις ἐπιστολαὶ παρὰ μὲν Λυσίου περιέχουσαι τὸν τρόπον του̃τον Λυσίας τω̨̃ πλήθει τω̃ν Ιουδαίων χαίρειν

¹⁷Ιωαννης καὶ Αβεσσαλωμ οἱ πεμφθέντες παρ' ὑμω̃ν ἐπιδόντες τὸν ὑπογεγραμμένον χρηματισμὸν ἠξίουν περὶ τω̃ν δι' αὐτου̃ σημαινομένων

¹⁸ὅσα μὲν οὐ̃ν ἔδει καὶ τω̨̃ βασιλει̃ προσενεχθη̃ναι διεσάφησα ἃ δὲ ἠ̃ν ἐνδεχόμενα συνεχώρησεν

¹⁹ἐὰν μὲν οὐ̃ν συντηρήσητε τὴν εἰς τὰ πράγματα εὔνοιαν καὶ εἰς τὸ λοιπὸν πειράσομαι παραίτιος ἀγαθω̃ν γενέσθαι

²⁰ὑπὲρ δὲ τούτων καὶ τω̃ν κατὰ μέρος ἐντέταλμαι τούτοις τε καὶ τοι̃ς παρ' ἐμου̃ διαλεχθη̃ναι ὑμι̃ν

²¹ἔρρωσθε ἔτους ἑκατοστου̃ τεσσαρακοστου̃ ὀγδόου Διὸς Κορινθίου τετράδι καὶ εἰκάδι

²²ἡ δὲ του̃ βασιλέως ἐπιστολὴ περιει̃χεν οὕτως βασιλεὺς 'Αντίοχος τω̨̃ ἀδελφω̨̃ Λυσία̨ χαίρειν

²³του̃ πατρὸς ἡμω̃ν εἰς θεοὺς μεταστάντος βουλόμενοι τοὺς ἐκ τη̃ς βασιλείας ἀταράχους ὄντας γενέσθαι πρὸς τὴν τω̃ν ἰδίων ἐπιμέλειαν

²⁴ἀκηκοότες τοὺς Ιουδαίους μὴ συνευδοκου̃ντας τη̨̃ του̃ πατρὸς ἐπὶ τὰ 'Ελληνικὰ μεταθέσει ἀλλὰ τὴν ἑαυτω̃ν ἀγωγὴν αἱρετίζοντας ἀξιου̃ντας συγχωρηθη̃ναι αὐτοι̃ς τὰ νόμιμα

²⁵αἱρούμενοι οὐ̃ν καὶ του̃το τὸ ἔθνος ἐκτὸς ταραχη̃ς εἰ̃ναι κρίνομεν τό τε ἱερὸν ἀποκατασταθη̃ναι αὐτοι̃ς καὶ πολιτεύεσθαι κατὰ τὰ ἐπὶ τω̃ν προγόνων αὐτω̃ν ἔθη

²⁶εὐ̃ οὐ̃ν ποιήσεις διαπεμψάμενος πρὸς αὐτοὺς καὶ δοὺς δεξιάς ὅπως εἰδότες τὴν ἡμετέραν προαίρεσιν εὔθυμοί τε ὠ̃σιν καὶ ἡδέως διαγίνωνται πρὸς τη̨̃ τω̃ν ἰδίων ἀντιλήμψει

²⁷πρὸς δὲ τὸ ἔθνος ἡ του̃ βασιλέως ἐπιστολὴ τοιάδε ἠ̃ν βασιλεὺς 'Αντίοχος τη̨̃ γερουσία̨ τω̃ν Ιουδαίων καὶ τοι̃ς ἄλλοις Ιουδαίοις χαίρειν

²⁸εἰ ἔρρωσθε εἴη ἂν ὡς βουλόμεθα καὶ αὐτοὶ δὲ ὑγιαίνομεν

²⁹ἐνεφάνισεν ἡμι̃ν Μενέλαος βούλεσθαι κατελθόντας ὑμα̃ς γίνεσθαι πρὸς τοι̃ς ἰδίοις

³⁰τοι̃ς οὐ̃ν καταπορευομένοις μέχρι τριακάδος Ξανθικου̃ ὑπάρξει δεξιὰ μετὰ τη̃ς ἀδείας

³¹χρη̃σθαι τοὺς Ιουδαίους τοι̃ς ἑαυτω̃ν δαπανήμασιν καὶ νόμοις καθὰ καὶ τὸ πρότερον καὶ οὐδεὶς αὐτω̃ν κατ' οὐδένα τρόπον παρενοχληθήσεται περὶ τω̃ν ἠγνοημένων

³²πέπομφα δὲ καὶ τὸν Μενέλαον παρακαλέσοντα ὑμα̃ς

³³ἔρρωσθε ἔτους ἑκατοστου̃ τεσσαρακοστου̃ ὀγδόου Ξανθικου̃ πεντεκαιδεκάτη̨

³⁴ἔπεμψαν δὲ καὶ οἱ 'Ρωμαι̃οι πρὸς αὐτοὺς ἐπιστολὴν ἔχουσαν οὕτως Κόιντος Μέμμιος Τίτος Μάνιος πρεσβυ̃ται 'Ρωμαίων τω̨̃ δήμω̨ τω̃ν Ιουδαίων χαίρειν

³⁵ὑπὲρ ὡ̃ν Λυσίας ὁ συγγενὴς του̃ βασιλέως συνεχώρησεν ὑμι̃ν καὶ ἡμει̃ς συνευδοκου̃μεν

³⁶ἃ δὲ ἔκρινεν προσανενεχθη̃ναι τω̨̃ βασιλει̃ πέμψατέ τινα παραχρη̃μα ἐπισκεψάμενοι περὶ τούτων ἵνα ἐκθω̃μεν ὡς καθήκει ὑμι̃ν ἡμει̃ς γὰρ προσάγομεν πρὸς 'Αντιόχειαν

³⁷διὸ σπεύσατε καὶ πέμψατέ τινας ὅπως καὶ ἡμει̃ς ἐπιγνω̃μεν ὁποίας ἐστὲ γνώμης

³⁸ὑγιαίνετε ἔτους ἑκατοστου̃ τεσσαρακοστου̃ ὀγδόου Ξανθικου̃ πεντεκαιδεκάτη̨

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).