ΕΣΔΡΑΣ Α, κεφαλίς 2: Библия онлайн, Greek/Septuagint == БИБЛИЯ-ЦЕНТР

ΕΣΔΡΑΣ Α, κεφαλίς 2

¹βασιλεύοντος Κύρου Περσω̃ν ἔτους πρώτου εἰς συντέλειαν ῥήματος κυρίου ἐν στόματι Ιερεμιου ἤγειρεν κύριος τὸ πνευ̃μα Κύρου βασιλέως Περσω̃ν καὶ ἐκήρυξεν ἐν ὅλη̨ τη̨̃ βασιλεία̨ αὐτου̃ καὶ ἅμα διὰ γραπτω̃ν λέγων

²τάδε λέγει ὁ βασιλεὺς Περσω̃ν Κυ̃ρος ἐμὲ ἀνέδειξεν βασιλέα τη̃ς οἰκουμένης ὁ κύριος του̃ Ισραηλ κύριος ὁ ὕψιστος καὶ ἐσήμηνέν μοι οἰκοδομη̃σαι αὐτω̨̃ οἰ̃κον ἐν Ιερουσαλημ τη̨̃ ἐν τη̨̃ Ιουδαία̨

³εἴ τίς ἐστιν οὐ̃ν ὑμω̃ν ἐκ του̃ ἔθνους αὐτου̃ ἔστω ὁ κύριος αὐτου̃ μετ' αὐτου̃ καὶ ἀναβὰς εἰς τὴν Ιερουσαλημ τὴν ἐν τη̨̃ Ιουδαία̨ οἰκοδομείτω τὸν οἰ̃κον του̃ κυρίου του̃ Ισραηλ οὑ̃τος ὁ κύριος ὁ κατασκηνώσας ἐν Ιερουσαλημ

⁴ὅσοι οὐ̃ν κατὰ τόπους οἰκου̃σιν βοηθείτωσαν αὐτω̨̃ οἱ ἐν τω̨̃ τόπω̨ αὐτου̃ ἐν χρυσίω̨ καὶ ἐν ἀργυρίω̨ ἐν δόσεσιν μεθ' ἵππων καὶ κτηνω̃ν σὺν τοι̃ς ἄλλοις τοι̃ς κατ' εὐχὰς προστεθειμένοις εἰς τὸ ἱερὸν του̃ κυρίου τὸ ἐν Ιερουσαλημ

⁵καὶ καταστάντες οἱ ἀρχίφυλοι τω̃ν πατριω̃ν τη̃ς Ιουδα καὶ Βενιαμιν φυλη̃ς καὶ οἱ ἱερει̃ς καὶ οἱ Λευι̃ται καὶ πάντων ὡ̃ν ἤγειρεν κύριος τὸ πνευ̃μα ἀναβη̃ναι οἰκοδομη̃σαι οἰ̃κον τω̨̃ κυρίω̨ τὸν ἐν Ιερουσαλημ

⁶καὶ οἱ περικύκλω̨ αὐτω̃ν ἐβοήθησαν ἐν πα̃σιν ἀργυρίω̨ καὶ χρυσίω̨ ἵπποις καὶ κτήνεσιν καὶ εὐχαι̃ς ὡς πλείσταις πολλω̃ν ὡ̃ν ὁ νου̃ς ἠγέρθη

⁷καὶ ὁ βασιλεὺς Κυ̃ρος ἐξήνεγκεν τὰ ἱερὰ σκεύη του̃ κυρίου ἃ μετήγαγεν Ναβουχοδονοσορ ἐξ Ιερουσαλημ καὶ ἀπηρείσατο αὐτὰ ἐν τω̨̃ ἑαυτου̃ εἰδωλίω̨

⁸ἐξενέγκας δὲ αὐτὰ Κυ̃ρος ὁ βασιλεὺς Περσω̃ν παρέδωκεν αὐτὰ Μιθριδάτη̨ τω̨̃ ἑαυτου̃ γαζοφύλακι διὰ δὲ τούτου παρεδόθησαν Σαναβασσάρω̨ προστάτη̨ τη̃ς Ιουδαίας

⁹ὁ δὲ τούτων ἀριθμὸς ἠ̃ν σπονδει̃α χρυσα̃ χίλια σπονδει̃α ἀργυρα̃ χίλια θυίσκαι ἀργυραι̃ εἴκοσι ἐννέα

¹⁰φιάλαι χρυσαι̃ τριάκοντα ἀργυραι̃ δισχίλιαι τετρακόσιαι δέκα καὶ ἄλλα σκεύη χίλια

¹¹τὰ δὲ πάντα σκεύη διεκομίσθη χρυσα̃ καὶ ἀργυρα̃ πεντακισχίλια τετρακόσια ἑξήκοντα ἐννέα ἀνηνέχθη δὲ ὑπὸ Σαναβασσάρου ἅμα τοι̃ς ἐκ τη̃ς αἰχμαλωσίας ἐκ Βαβυλω̃νος εἰς Ιεροσόλυμα

¹²ἐν δὲ τοι̃ς ἐπὶ 'Αρταξέρξου του̃ Περσω̃ν βασιλέως χρόνοις κατέγραψεν αὐτω̨̃ κατὰ τω̃ν κατοικούντων ἐν τη̨̃ Ιουδαία̨ καὶ Ιερουσαλημ Βεσλεμος καὶ Μιθραδάτης καὶ Ταβελλιος καὶ Ραουμος καὶ Βεελτέεμος καὶ Σαμσαι̃ος ὁ γραμματεὺς καὶ οἱ λοιποὶ οἱ τούτοις συντασσόμενοι οἰκου̃ντες δὲ ἐν Σαμαρεία̨ καὶ τοι̃ς ἄλλοις τόποις τὴν ὑπογεγραμμένην ἐπιστολήν

¹³βασιλει̃ 'Αρταξέρξη̨ κυρίω̨ οἱ παι̃δές σου Ραουμος ὁ τὰ προσπίπτοντα καὶ Σαμσαι̃ος ὁ γραμματεὺς καὶ οἱ ἐπίλοιποι τη̃ς βουλη̃ς αὐτω̃ν κριταὶ οἱ ἐν Κοίλη̨ Συρία̨ καὶ Φοινίκη̨

¹⁴καὶ νυ̃ν γνωστὸν ἔστω τω̨̃ κυρίω̨ βασιλει̃ διότι οἱ Ιουδαι̃οι ἀναβάντες παρ' ὑμω̃ν πρὸς ἡμα̃ς ἐλθόντες εἰς Ιερουσαλημ τὴν πόλιν τὴν ἀποστάτιν καὶ πονηρὰν οἰκοδομου̃σιν τάς τε ἀγορὰς αὐτη̃ς καὶ τὰ τείχη θεραπεύουσιν καὶ ναὸν ὑποβάλλονται

¹⁵ἐὰν οὐ̃ν ἡ πόλις αὕτη οἰκοδομηθη̨̃ καὶ τὰ τείχη συντελεσθη̨̃ φορολογίαν οὐ μὴ ὑπομείνωσιν δου̃ναι ἀλλὰ καὶ βασιλευ̃σιν ἀντιστήσονται

¹⁶καὶ ἐπεὶ ἐνεργει̃ται τὰ κατὰ τὸν ναόν καλω̃ς ἔχειν ὑπολαμβάνομεν μὴ ὑπεριδει̃ν τὸ τοιου̃το ἀλλὰ προσφωνη̃σαι τω̨̃ κυρίω̨ βασιλει̃ ὅπως ἂν φαίνηταί σοι ἐπισκεφθη̨̃ ἐν τοι̃ς ἀπὸ τω̃ν πατέρων σου βιβλίοις

¹⁷καὶ εὑρήσεις ἐν τοι̃ς ὑπομνηματισμοι̃ς τὰ γεγραμμένα περὶ τούτων καὶ γνώση̨ ὅτι ἡ πόλις ἠ̃ν ἐκείνη ἀποστάτις καὶ βασιλει̃ς καὶ πόλεις ἐνοχλου̃σα καὶ οἱ Ιουδαι̃οι ἀποστάται καὶ πολιορκίας συνιστάμενοι ἐν αὐτη̨̃ ἔτι ἐξ αἰω̃νος δι' ἣν αἰτίαν καὶ ἡ πόλις αὕτη ἠρημώθη

¹⁸νυ̃ν οὐ̃ν ὑποδείκνυμέν σοι κύριε βασιλευ̃ διότι ἐὰν ἡ πόλις αὕτη οἰκοδομηθη̨̃ καὶ τὰ ταύτης τείχη ἀνασταθη̨̃ κάθοδός σοι οὐκέτι ἔσται εἰς Κοίλην Συρίαν καὶ Φοινίκην

¹⁹τότε ἀντέγραψεν ὁ βασιλεὺς Ραούμω̨ τω̨̃ γράφοντι τὰ προσπίπτοντα καὶ Βεελτεέμω̨ καὶ Σαμσαίω̨ γραμματει̃ καὶ τοι̃ς λοιποι̃ς τοι̃ς συντασσομένοις καὶ οἰκου̃σιν ἐν τη̨̃ Σαμαρεία̨ καὶ Συρία̨ καὶ Φοινίκη̨ τὰ ὑπογεγραμμένα

²⁰ἀνέγνων τὴν ἐπιστολήν ἣν πεπόμφατε πρός με

²¹ἐπέταξα οὐ̃ν ἐπισκέψασθαι καὶ εὑρέθη ὅτι ἐστὶν ἡ πόλις ἐκείνη ἐξ αἰω̃νος βασιλευ̃σιν ἀντιπαρατάσσουσα καὶ οἱ ἄνθρωποι ἀποστάσεις καὶ πολέμους ἐν αὐτη̨̃ συντελου̃ντες

²²καὶ βασιλει̃ς ἰσχυροὶ καὶ σκληροὶ ἠ̃σαν ἐν Ιερουσαλημ κυριεύοντες καὶ φορολογου̃ντες Κοίλην Συρίαν καὶ Φοινίκην

²³νυ̃ν οὐ̃ν ἐπέταξα ἀποκωλυ̃σαι τοὺς ἀνθρώπους ἐκείνους του̃ οἰκοδομη̃σαι τὴν πόλιν

²⁴καὶ προνοηθη̃ναι ὅπως μηθὲν παρὰ ταυ̃τα γένηται καὶ μὴ προβη̨̃ ἐπὶ πλει̃ον τὰ τη̃ς κακίας εἰς τὸ βασιλει̃ς ἐνοχλη̃σαι

²⁵τότε ἀναγνωσθέντων τω̃ν παρὰ του̃ βασιλέως 'Αρταξέρξου γραφέντων ὁ Ραουμος καὶ Σαμσαι̃ος ὁ γραμματεὺς καὶ οἱ τούτοις συντασσόμενοι ἀναζεύξαντες κατὰ σπουδὴν εἰς Ιερουσαλημ μεθ' ἵππου καὶ ὄχλου παρατάξεως ἤρξαντο κωλύειν τοὺς οἰκοδομου̃ντας

²⁶καὶ ἤργει ἡ οἰκοδομὴ του̃ ἱερου̃ του̃ ἐν Ιερουσαλημ μέχρι του̃ δευτέρου ἔτους τη̃ς βασιλείας Δαρείου του̃ Περσω̃ν βασιλέως

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).