ΜΑΚΚΑΒΑΊΩΝ Β, κεφαλίς 2: Библия онлайн, Greek/Septuagint == БИБЛИЯ-ЦЕНТР

ΜΑΚΚΑΒΑΊΩΝ Β, κεφαλίς 2

¹εὑρίσκεται δὲ ἐν ται̃ς ἀπογραφαι̃ς Ιερεμιας ὁ προφήτης ὅτι ἐκέλευσεν του̃ πυρὸς λαβει̃ν τοὺς μεταγενομένους ὡς σεσήμανται

²καὶ ὡς ἐνετείλατο τοι̃ς μεταγενομένοις ὁ προφήτης δοὺς αὐτοι̃ς τὸν νόμον ἵνα μὴ ἐπιλάθωνται τω̃ν προσταγμάτων του̃ κυρίου καὶ ἵνα μὴ ἀποπλανηθω̃σιν ται̃ς διανοίαις βλέποντες ἀγάλματα χρυσα̃ καὶ ἀργυρα̃ καὶ τὸν περὶ αὐτὰ κόσμον

³καὶ ἕτερα τοιαυ̃τα λέγων παρεκάλει μὴ ἀποστη̃ναι τὸν νόμον ἀπὸ τη̃ς καρδίας αὐτω̃ν

⁴ἠ̃ν δὲ ἐν τη̨̃ γραφη̨̃ ὡς τὴν σκηνὴν καὶ τὴν κιβωτὸν ἐκέλευσεν ὁ προφήτης χρηματισμου̃ γενηθέντος αὐτω̨̃ συνακολουθει̃ν ὡς δὲ ἐξη̃λθεν εἰς τὸ ὄρος οὑ̃ ὁ Μωυση̃ς ἀναβὰς ἐθεάσατο τὴν του̃ θεου̃ κληρονομίαν

⁵καὶ ἐλθὼν ὁ Ιερεμιας εὑ̃ρεν οἰ̃κον ἀντρώδη καὶ τὴν σκηνὴν καὶ τὴν κιβωτὸν καὶ τὸ θυσιαστήριον του̃ θυμιάματος εἰσήνεγκεν ἐκει̃ καὶ τὴν θύραν ἐνέφραξεν

⁶καὶ προσελθόντες τινὲς τω̃ν συνακολουθούντων ὥστε ἐπισημάνασθαι τὴν ὁδὸν καὶ οὐκ ἐδυνήθησαν εὑρει̃ν

⁷ὡς δὲ ὁ Ιερεμιας ἔγνω μεμψάμενος αὐτοι̃ς εἰ̃πεν ὅτι καὶ ἄγνωστος ὁ τόπος ἔσται ἕως ἂν συναγάγη̨ ὁ θεὸς ἐπισυναγωγὴν του̃ λαου̃ καὶ ἵλεως γένηται

⁸καὶ τότε ὁ κύριος ἀναδείξει ταυ̃τα καὶ ὀφθήσεται ἡ δόξα του̃ κυρίου καὶ ἡ νεφέλη ὡς ἐπὶ Μωυση̨̃ ἐδηλου̃το ὡς καὶ ὁ Σαλωμων ἠξίωσεν ἵνα ὁ τόπος καθαγιασθη̨̃ μεγάλως

⁹διεσαφει̃το δὲ καὶ ὡς σοφίαν ἔχων ἀνήνεγκεν θυσίαν ἐγκαινισμου̃ καὶ τη̃ς τελειώσεως του̃ ἱερου̃

¹⁰καθὼς καὶ Μωυση̃ς προσηύξατο πρὸς κύριον καὶ κατέβη πυ̃ρ ἐκ του̃ οὐρανου̃ καὶ τὰ τη̃ς θυσίας ἐδαπάνησεν οὕτως καὶ Σαλωμων προσηύξατο καὶ καταβὰν τὸ πυ̃ρ ἀνήλωσεν τὰ ὁλοκαυτώματα

¹¹καὶ εἰ̃πεν Μωυση̃ς διὰ τὸ μὴ βεβρω̃σθαι τὸ περὶ τη̃ς ἁμαρτίας ἀνηλώθη

¹²ὡσαύτως καὶ ὁ Σαλωμων τὰς ὀκτὼ ἡμέρας ἤγαγεν

¹³ἐξηγου̃ντο δὲ καὶ ἐν ται̃ς ἀναγραφαι̃ς καὶ ἐν τοι̃ς ὑπομνηματισμοι̃ς τοι̃ς κατὰ τὸν Νεεμιαν τὰ αὐτὰ καὶ ὡς καταβαλλόμενος βιβλιοθήκην ἐπισυνήγαγεν τὰ περὶ τω̃ν βασιλέων βιβλία καὶ προφητω̃ν καὶ τὰ του̃ Δαυιδ καὶ ἐπιστολὰς βασιλέων περὶ ἀναθεμάτων

¹⁴ὡσαύτως δὲ καὶ Ιουδας τὰ διαπεπτωκότα διὰ τὸν γεγονότα πόλεμον ἡμι̃ν ἐπισυνήγαγεν πάντα καὶ ἔστιν παρ' ἡμι̃ν

¹⁵ὡ̃ν οὐ̃ν ἐὰν χρείαν ἔχητε τοὺς ἀποκομιου̃ντας ὑμι̃ν ἀποστέλλετε

¹⁶μέλλοντες οὐ̃ν ἄγειν τὸν καθαρισμὸν ἐγράψαμεν ὑμι̃ν καλώς οὐ̃ν ποιήσετε ἄγοντες τὰς ἡμέρας

¹⁷ὁ δὲ θεὸς ὁ σώσας τὸν πάντα λαὸν αὐτου̃ καὶ ἀποδοὺς τὴν κληρονομίαν πα̃σιν καὶ τὸ βασίλειον καὶ τὸ ἱεράτευμα καὶ τὸν ἁγιασμόν

¹⁸καθὼς ἐπηγγείλατο διὰ του̃ νόμου ἐλπίζομεν γὰρ ἐπὶ τω̨̃ θεω̨̃ ὅτι ταχέως ἡμα̃ς ἐλεήσει καὶ ἐπισυνάξει ἐκ τη̃ς ὑπὸ τὸν οὐρανὸν εἰς τὸν ἅγιον τόπον ἐξείλετο γὰρ ἡμα̃ς ἐκ μεγάλων κακω̃ν καὶ τὸν τόπον ἐκαθάρισεν

¹⁹τὰ δὲ κατὰ τὸν Ιουδαν τὸν Μακκαβαι̃ον καὶ τοὺς τούτου ἀδελφοὺς καὶ τὸν του̃ ἱερου̃ του̃ μεγίστου καθαρισμὸν καὶ τὸν του̃ βωμου̃ ἐγκαινισμὸν

²⁰ἔτι τε τοὺς πρὸς 'Αντίοχον τὸν 'Επιφανη̃ καὶ τὸν τούτου υἱὸν Εὐπάτορα πολέμους

²¹καὶ τὰς ἐξ οὐρανου̃ γενομένας ἐπιφανείας τοι̃ς ὑπὲρ του̃ Ιουδαϊσμου̃ φιλοτίμως ἀνδραγαθήσασιν ὥστε τὴν ὅλην χώραν ὀλίγους ὄντας λεηλατει̃ν καὶ τὰ βάρβαρα πλήθη διώκειν

²²καὶ τὸ περιβόητον καθ' ὅλην τὴν οἰκουμένην ἱερὸν ἀνακομίσασθαι καὶ τὴν πόλιν ἐλευθερω̃σαι καὶ τοὺς μέλλοντας καταλύεσθαι νόμους ἐπανορθω̃σαι του̃ κυρίου μετὰ πάσης ἐπιεικείας ἵλεω γενομένου αὐτοι̃ς

²³ὑπὸ 'Ιάσωνος του̃ Κυρηναίου δεδηλωμένα διὰ πέντε βιβλίων πειρασόμεθα δι' ἑνὸς συντάγματος ἐπιτεμει̃ν

²⁴συνορω̃ντες γὰρ τὸ χύμα τω̃ν ἀριθμω̃ν καὶ τὴν οὐ̃σαν δυσχέρειαν τοι̃ς θέλουσιν εἰσκυκλει̃σθαι τοι̃ς τη̃ς ἱστορίας διηγήμασιν διὰ τὸ πλη̃θος τη̃ς ὕλης

²⁵ἐφροντίσαμεν τοι̃ς μὲν βουλομένοις ἀναγινώσκειν ψυχαγωγίαν τοι̃ς δὲ φιλοφρονου̃σιν εἰς τὸ διὰ μνήμης ἀναλαβει̃ν εὐκοπίαν πα̃σιν δὲ τοι̃ς ἐντυγχάνουσιν ὠφέλειαν

²⁶καὶ ἡμι̃ν μὲν τοι̃ς τὴν κακοπάθειαν ἐπιδεδεγμένοις τη̃ς ἐπιτομη̃ς οὐ ῥά̨διον ἱδρω̃τος δὲ καὶ ἀγρυπνίας τὸ πρα̃γμα

²⁷καθάπερ τω̨̃ παρασκευάζοντι συμπόσιον καὶ ζητου̃ντι τὴν ἑτέρων λυσιτέλειαν οὐκ εὐχερές ὅμως διὰ τὴν τω̃ν πολλω̃ν εὐχαριστίαν ἡδέως τὴν κακοπάθειαν ὑποίσομεν

²⁸τὸ μὲν διακριβου̃ν περὶ ἑκάστων τω̨̃ συγγραφει̃ παραχωρήσαντες τὸ δὲ ἐπιπορεύεσθαι τοι̃ς ὑπογραμμοι̃ς τη̃ς ἐπιτομη̃ς διαπονου̃ντες

²⁹καθάπερ γὰρ τη̃ς καινη̃ς οἰκίας ἀρχιτέκτονι τη̃ς ὅλης καταβολη̃ς φροντιστέον τω̨̃ δὲ ἐγκαίειν καὶ ζωγραφει̃ν ἐπιχειρου̃ντι τὰ ἐπιτήδεια πρὸς διακόσμησιν ἐξεταστέον οὕτως δοκω̃ καὶ ἐπὶ ἡμω̃ν

³⁰τὸ μὲν ἐμβατεύειν καὶ περίπατον ποιει̃σθαι λόγων καὶ πολυπραγμονει̃ν ἐν τοι̃ς κατὰ μέρος τω̨̃ τη̃ς ἱστορίας ἀρχηγέτη̨ καθήκει

³¹τὸ δὲ σύντομον τη̃ς λέξεως μεταδιώκειν καὶ τὸ ἐξεργαστικὸν τη̃ς πραγματείας παραιτει̃σθαι τω̨̃ τὴν μετάφρασιν ποιουμένω̨ συγχωρητέον

³²ἐντευ̃θεν οὐ̃ν ἀρξώμεθα τη̃ς διηγήσεως τοι̃ς προειρημένοις τοσου̃τον ἐπιζεύξαντες εὔηθες γὰρ τὸ μὲν πρὸ τη̃ς ἱστορίας πλεονάζειν τὴν δὲ ἱστορίαν ἐπιτεμει̃ν

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).