ΕΣΔΡΑΣ Α, κεφαλίς 6: Библия онлайн, Greek/Septuagint == БИБЛИЯ-ЦЕНТР

ΕΣΔΡΑΣ Α, κεφαλίς 6

¹ἐν δὲ τω̨̃ δευτέρω̨ ἔτει τη̃ς του̃ Δαρείου βασιλείας ἐπροφήτευσεν Αγγαιος καὶ Ζαχαριας ὁ του̃ Εδδι οἱ προφη̃ται ἐπὶ τοὺς Ιουδαίους τοὺς ἐν τη̨̃ Ιουδαία̨ καὶ Ιερουσαλημ ἐπὶ τω̨̃ ὀνόματι κυρίου θεου̃ Ισραηλ ἐπ' αὐτούς

²τότε στὰς Ζοροβαβελ ὁ του̃ Σαλαθιηλ καὶ 'Ιησου̃ς ὁ του̃ Ιωσεδεκ ἤρξαντο οἰκοδομει̃ν τὸν οἰ̃κον του̃ κυρίου τὸν ἐν Ιερουσαλημ συνόντων τω̃ν προφητω̃ν του̃ κυρίου βοηθούντων αὐτοι̃ς

³ἐν αὐτω̨̃ τω̨̃ χρόνω̨ παρη̃ν πρὸς αὐτοὺς Σισίννης ὁ ἔπαρχος Συρίας καὶ Φοινίκης καὶ Σαθραβουζάνης καὶ οἱ συνέταιροι καὶ εἰ̃παν αὐτοι̃ς

⁴τίνος ὑμι̃ν συντάξαντος τὸν οἰ̃κον του̃τον οἰκοδομει̃τε καὶ τὴν στέγην ταύτην καὶ τἄλλα πάντα ἐπιτελει̃τε καὶ τίνες εἰσὶν οἱ οἰκοδόμοι οἱ ταυ̃τα ἐπιτελου̃ντες

⁵καὶ ἔσχοσαν χάριν ἐπισκοπη̃ς γενομένης ἐπὶ τὴν αἰχμαλωσίαν παρὰ του̃ κυρίου οἱ πρεσβύτεροι τω̃ν Ιουδαίων

⁶καὶ οὐκ ἐκωλύθησαν τη̃ς οἰκοδομη̃ς μέχρι του̃ ὑποσημανθη̃ναι Δαρείω̨ περὶ αὐτω̃ν καὶ προσφωνηθη̃ναι

⁷ἀντίγραφον ἐπιστολη̃ς ἡ̃ς ἔγραψεν Δαρείω̨ καὶ ἀπέστειλεν Σισίννης ὁ ἔπαρχος Συρίας καὶ Φοινίκης καὶ Σαθραβουζάνης καὶ οἱ συνέταιροι οἱ ἐν Συρία̨ καὶ Φοινίκη̨ ἡγεμόνες

⁸βασιλει̃ Δαρείω̨ χαίρειν πάντα γνωστὰ ἔστω τω̨̃ κυρίω̨ ἡμω̃ν τω̨̃ βασιλει̃ ὅτι παραγενόμενοι εἰς τὴν χώραν τη̃ς Ιουδαίας καὶ ἐλθόντες εἰς Ιερουσαλημ τὴν πόλιν κατελάβομεν τη̃ς αἰχμαλωσίας τοὺς πρεσβυτέρους τω̃ν Ιουδαίων ἐν Ιερουσαλημ τη̨̃ πόλει οἰκοδομου̃ντας οἰ̃κον τω̨̃ κυρίω̨ μέγαν καινὸν διὰ λίθων ξυστω̃ν πολυτελω̃ν ξύλων τιθεμένων ἐν τοι̃ς τοίχοις

⁹καὶ τὰ ἔργα ἐκει̃να ἐπὶ σπουδη̃ς γιγνόμενα καὶ εὐοδούμενον τὸ ἔργον ἐν ται̃ς χερσὶν αὐτω̃ν καὶ ἐν πάση̨ δόξη̨ καὶ ἐπιμελεία̨ συντελούμενα

¹⁰τότε ἐπυνθανόμεθα τω̃ν πρεσβυτέρων τούτων λέγοντες τίνος ὑμι̃ν προστάξαντος οἰκοδομει̃τε τὸν οἰ̃κον του̃τον καὶ τὰ ἔργα ταυ̃τα θεμελιου̃τε

¹¹ἐπηρωτήσαμεν οὐ̃ν αὐτοὺς εἵνεκεν του̃ γνωρίσαι σοι καὶ γράψαι σοι τοὺς ἀνθρώπους τοὺς ἀφηγουμένους καὶ τὴν ὀνοματογραφίαν ἠ̨του̃μεν αὐτοὺς τω̃ν προκαθηγουμένων

¹²οἱ δὲ ἀπεκρίθησαν ἡμι̃ν λέγοντες ἡμει̃ς ἐσμεν παι̃δες του̃ κυρίου του̃ κτίσαντος τὸν οὐρανὸν καὶ τὴν γη̃ν

¹³καὶ ὠ̨κοδόμητο ὁ οἰ̃κος ἔμπροσθεν ἐτω̃ν πλειόνων διὰ βασιλέως του̃ Ισραηλ μεγάλου καὶ ἰσχυρου̃ καὶ ἐπετελέσθη

¹⁴καὶ ἐπεὶ οἱ πατέρες ἡμω̃ν παραπικράναντες ἥμαρτον εἰς τὸν κύριον του̃ Ισραηλ τὸν οὐράνιον παρέδωκεν αὐτοὺς εἰς χει̃ρας Ναβουχοδονοσορ βασιλέως Βαβυλω̃νος βασιλέως τω̃ν Χαλδαίων

¹⁵τόν τε οἰ̃κον καθελόντες ἐνεπύρισαν καὶ τὸν λαὸν ἠ̨χμαλώτευσαν εἰς Βαβυλω̃να

¹⁶ἐν δὲ τω̨̃ πρώτω̨ ἔτει βασιλεύοντος Κύρου χώρας Βαβυλωνίας ἔγραψεν ὁ βασιλεὺς Κυ̃ρος οἰκοδομη̃σαι τὸν οἰ̃κον του̃τον

¹⁷καὶ τὰ ἱερὰ σκεύη τὰ χρυσα̃ καὶ τὰ ἀργυρα̃ ἃ ἐξήνεγκεν Ναβουχοδονοσορ ἐκ του̃ οἴκου του̃ ἐν Ιερουσαλημ καὶ ἀπηρείσατο αὐτὰ ἐν τω̨̃ ἑαυτου̃ ναω̨̃ πάλιν ἐξήνεγκεν αὐτὰ Κυ̃ρος ὁ βασιλεὺς ἐκ του̃ ναου̃ του̃ ἐν Βαβυλω̃νι καὶ παρεδόθη Ζοροβαβελ καὶ Σαναβασσάρω̨ τω̨̃ ἐπάρχω̨

¹⁸καὶ ἐπετάγη αὐτω̨̃ ἀπενέγκαντι πάντα τὰ σκεύη ταυ̃τα ἀποθει̃ναι ἐν τω̨̃ ναω̨̃ τω̨̃ ἐν Ιερουσαλημ καὶ τὸν ναὸν του̃ κυρίου του̃τον οἰκοδομηθη̃ναι ἐπὶ του̃ τόπου

¹⁹τότε ὁ Σαναβάσσαρος ἐκει̃νος παραγενόμενος ἐνεβάλετο τοὺς θεμελίους του̃ οἴκου κυρίου του̃ ἐν Ιερουσαλημ καὶ ἀπ' ἐκείνου μέχρι του̃ νυ̃ν οἰκοδομούμενος οὐκ ἔλαβεν συντέλειαν

²⁰νυ̃ν οὐ̃ν εἰ κρίνεται βασιλευ̃ ἐπισκεπήτω ἐν τοι̃ς βασιλικοι̃ς βιβλιοφυλακίοις του̃ κυρίου βασιλέως τοι̃ς ἐν Βαβυλω̃νι

²¹καὶ ἐὰν εὑρίσκηται μετὰ τη̃ς γνώμης Κύρου του̃ βασιλέως γενομένην τὴν οἰκοδομὴν του̃ οἴκου κυρίου του̃ ἐν Ιερουσαλημ καὶ κρίνηται τω̨̃ κυρίω̨ βασιλει̃ ἡμω̃ν προσφωνησάτω ἡμι̃ν περὶ τούτων

²²τότε ὁ βασιλεὺς Δαρει̃ος προσέταξεν ἐπισκέψασθαι ἐν τοι̃ς βασιλικοι̃ς βιβλιοφυλακίοις τοι̃ς κειμένοις ἐν Βαβυλω̃νι καὶ εὑρέθη ἐν 'Εκβατάνοις τη̨̃ βάρει τη̨̃ ἐν Μηδία̨ χώρα̨ τόμος εἱ̃ς ἐν ὡ̨̃ ὑπεμνημάτιστο τάδε

²³ἔτους πρώτου βασιλεύοντος Κύρου βασιλεὺς Κυ̃ρος προσέταξεν τὸν οἰ̃κον του̃ κυρίου τὸν ἐν Ιερουσαλημ οἰκοδομη̃σαι ὅπου ἐπιθύουσιν διὰ πυρὸς ἐνδελεχου̃ς

²⁴οὑ̃ τὸ ὕψος πήχεων ἑξήκοντα πλάτος πήχεων ἑξήκοντα διὰ δόμων λιθίνων ξυστω̃ν τριω̃ν καὶ δόμου ξυλίνου ἐγχωρίου καινου̃ ἑνός καὶ τὸ δαπάνημα δοθη̃ναι ἐκ του̃ οἴκου Κύρου του̃ βασιλέως

²⁵καὶ τὰ ἱερὰ σκεύη του̃ οἴκου κυρίου τά τε χρυσα̃ καὶ τὰ ἀργυρα̃ ἃ ἐξήνεγκεν Ναβουχοδονοσορ ἐκ του̃ οἴκου του̃ ἐν Ιερουσαλημ καὶ ἀπήνεγκεν εἰς Βαβυλω̃να ἀποκατασταθη̃ναι εἰς τὸν οἰ̃κον τὸν ἐν Ιερουσαλημ οὑ̃ ἠ̃ν κείμενα ὅπως τεθη̨̃ ἐκει̃

²⁶προσέταξεν δὲ ἐπιμεληθη̃ναι Σισίννη̨ ἐπάρχω̨ Συρίας καὶ Φοινίκης καὶ Σαθραβουζάνη̨ καὶ τοι̃ς συνεταίροις καὶ τοι̃ς ἀποτεταγμένοις ἐν Συρία̨ καὶ Φοινίκη̨ ἡγεμόσιν ἀπέχεσθαι του̃ τόπου ἐα̃σαι δὲ τὸν παι̃δα του̃ κυρίου Ζοροβαβελ ἔπαρχον δὲ τη̃ς Ιουδαίας καὶ τοὺς πρεσβυτέρους τω̃ν Ιουδαίων τὸν οἰ̃κον του̃ κυρίου ἐκει̃νον οἰκοδομει̃ν ἐπὶ του̃ τόπου

²⁷κἀγὼ δὲ ἐπέταξα ὁλοσχερω̃ς οἰκοδομη̃σαι καὶ ἀτενίσαι ἵνα συμποιω̃σιν τοι̃ς ἐκ τη̃ς αἰχμαλωσίας τη̃ς Ιουδαίας μέχρι του̃ ἐπιτελεσθη̃ναι τὸν οἰ̃κον του̃ κυρίου

²⁸καὶ ἀπὸ τη̃ς φορολογίας Κοίλης Συρίας καὶ Φοινίκης ἐπιμελω̃ς σύνταξιν δίδοσθαι τούτοις τοι̃ς ἀνθρώποις εἰς θυσίας τω̨̃ κυρίω̨ Ζοροβαβελ ἐπάρχω̨ εἰς ταύρους καὶ κριοὺς καὶ ἄρνας

²⁹ὁμοίως δὲ καὶ πυρὸν καὶ ἅλα καὶ οἰ̃νον καὶ ἔλαιον ἐνδελεχω̃ς κατ' ἐνιαυτόν καθὼς ἂν οἱ ἱερει̃ς οἱ ἐν Ιερουσαλημ ὑπαγορεύσωσιν ἀναλίσκεσθαι καθ' ἡμέραν ἀναμφισβητήτως

³⁰ὅπως προσφέρωνται σπονδαὶ τω̨̃ θεω̨̃ τω̨̃ ὑψίστω̨ ὑπὲρ του̃ βασιλέως καὶ τω̃ν παίδων καὶ προσεύχωνται περὶ τη̃ς αὐτω̃ν ζωη̃ς

³¹καὶ προσέταξεν ἵνα ὅσοι ἐὰν παραβω̃σίν τι τω̃ν προειρημένων καὶ τω̃ν προσγεγραμμένων ἢ καὶ ἀκυρώσωσιν λημφθη̃ναι ξύλον ἐκ τω̃ν ἰδίων αὐτου̃ καὶ ἐπὶ τούτου κρεμασθη̃ναι καὶ τὰ ὑπάρχοντα αὐτου̃ εἰ̃ναι βασιλικά

³²διὰ ταυ̃τα καὶ ὁ κύριος οὑ̃ τὸ ὄνομα αὐτου̃ ἐπικέκληται ἐκει̃ ἀφανίσαι πάντα βασιλέα καὶ ἔθνος ὃς ἐκτενει̃ τὴν χει̃ρα αὐτου̃ κωλυ̃σαι ἢ κακοποιη̃σαι τὸν οἰ̃κον του̃ κυρίου ἐκει̃νον τὸν ἐν Ιερουσαλημ

³³ἐγὼ βασιλεὺς Δαρει̃ος δεδογμάτικα ἐπιμελω̃ς κατὰ ταυ̃τα γίγνεσθαι

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).