ΜΑΚΚΑΒΑΊΩΝ Β, κεφαλίς 14: Библия онлайн, Greek/Septuagint == БИБЛИЯ-ЦЕНТР

ΜΑΚΚΑΒΑΊΩΝ Β, κεφαλίς 14

¹μετὰ δὲ τριετη̃ χρόνον προσέπεσεν τοι̃ς περὶ τὸν Ιουδαν Δημήτριον τὸν του̃ Σελεύκου διὰ του̃ κατὰ Τρίπολιν λιμένος εἰσπλεύσαντα μετὰ πλήθους ἰσχυρου̃ καὶ στόλου

²κεκρατηκέναι τη̃ς χώρας ἐπανελόμενον 'Αντίοχον καὶ τὸν τούτου ἐπίτροπον Λυσίαν

³'Άλκιμος δέ τις προγεγονὼς ἀρχιερεύς ἑκουσίως δὲ μεμολυσμένος ἐν τοι̃ς τη̃ς ἀμειξίας χρόνοις συννοήσας ὅτι καθ' ὁντιναου̃ν τρόπον οὐκ ἔστιν αὐτω̨̃ σωτηρία οὐδὲ πρὸς τὸ ἅγιον θυσιαστήριον ἔτι πρόσοδος

⁴ἡ̃κεν πρὸς τὸν βασιλέα Δημήτριον ὡς πρώτω̨ καὶ πεντηκοστω̨̃ καὶ ἑκατοστω̨̃ ἔτει προσάγων αὐτω̨̃ στέφανον χρυσου̃ν καὶ φοίνικα πρὸς δὲ τούτοις τω̃ν νομιζομένων θαλλω̃ν του̃ ἱερου̃ καὶ τὴν ἡμέραν ἐκείνην ἡσυχίαν ἔσχεν

⁵καιρὸν δὲ λαβὼν τη̃ς ἰδίας ἀνοίας συνεργὸν προσκληθεὶς εἰς συνέδριον ὑπὸ του̃ Δημητρίου καὶ ἐπερωτηθείς ἐν τίνι διαθέσει καὶ βουλη̨̃ καθέστηκαν οἱ Ιουδαι̃οι πρὸς ταυ̃τα ἔφη

⁶οἱ λεγόμενοι τω̃ν Ιουδαίων Ασιδαι̃οι ὡ̃ν ἀφηγει̃ται Ιουδας ὁ Μακκαβαι̃ος πολεμοτροφου̃σιν καὶ στασιάζουσιν οὐκ ἐω̃ντες τὴν βασιλείαν εὐσταθείας τυχει̃ν

⁷ὅθεν ἀφελόμενος τὴν προγονικὴν δόξαν λέγω δὴ τὴν ἀρχιερωσύνην δευ̃ρο νυ̃ν ἐλήλυθα

⁸πρω̃τον μὲν ὑπὲρ τω̃ν ἀνηκόντων τω̨̃ βασιλει̃ γνησίως φρονω̃ν δεύτερον δὲ καὶ τω̃ν ἰδίων πολιτω̃ν στοχαζόμενος τη̨̃ μὲν γὰρ τω̃ν προειρημένων ἀλογιστία̨ τὸ σύμπαν ἡμω̃ν γένος οὐ μικρω̃ς ἀκληρει̃

⁹ἕκαστα δὲ τούτων ἐπεγνωκὼς σύ βασιλευ̃ καὶ τη̃ς χώρας καὶ του̃ περιισταμένου γένους ἡμω̃ν προνοήθητι καθ' ἣν ἔχεις πρὸς ἅπαντας εὐαπάντητον φιλανθρωπίαν

¹⁰ἄχρι γὰρ Ιουδας περίεστιν ἀδύνατον εἰρήνης τυχει̃ν τὰ πράγματα

¹¹τοιούτων δὲ ῥηθέντων ὑπὸ τούτου θα̃ττον οἱ λοιποὶ φίλοι δυσμενω̃ς ἔχοντες τὰ πρὸς τὸν Ιουδαν προσεπύρωσαν τὸν Δημήτριον

¹²προχειρισάμενος δὲ εὐθέως Νικάνορα τὸν γενόμενον ἐλεφαντάρχην καὶ στρατηγὸν ἀναδείξας τη̃ς Ιουδαίας ἐξαπέστειλεν

¹³δοὺς ἐντολὰς αὐτὸν μὲν τὸν Ιουδαν ἐπανελέσθαι τοὺς δὲ σὺν αὐτω̨̃ σκορπίσαι καταστη̃σαι δὲ 'Άλκιμον ἀρχιερέα του̃ μεγίστου ἱερου̃

¹⁴οἱ δὲ ἐπὶ τη̃ς Ιουδαίας πεφυγαδευκότες τὸν Ιουδαν ἔθνη συνέμισγον ἀγεληδὸν τω̨̃ Νικάνορι τὰς τω̃ν Ιουδαίων ἀτυχίας καὶ συμφορὰς ἰδίας εὐημερίας δοκου̃ντες ἔσεσθαι

¹⁵ἀκούσαντες δὲ τὴν του̃ Νικάνορος ἔφοδον καὶ τὴν ἐπίθεσιν τω̃ν ἐθνω̃ν καταπασάμενοι γη̃ν ἐλιτάνευον τὸν ἄχρι αἰω̃νος συστήσαντα τὸν αὑτου̃ λαόν ἀεὶ δὲ μετ' ἐπιφανείας ἀντιλαμβανόμενον τη̃ς ἑαυτου̃ μερίδος

¹⁶προστάξαντος δὲ του̃ ἡγουμένου ἐκει̃θεν εὐθέως ἀναζεύξας συμμίσγει αὐτοι̃ς ἐπὶ κώμην Δεσσαου

¹⁷Σιμων δὲ ὁ ἀδελφὸς Ιουδου συμβεβληκὼς ἠ̃ν τω̨̃ Νικάνορι βραδέως δὲ διὰ τὴν αἰφνίδιον τω̃ν ἀντιπάλων ἀφασίαν ἐπταικώς

¹⁸ὅμως δὲ ἀκούων ὁ Νικάνωρ ἣν εἰ̃χον οἱ περὶ τὸν Ιουδαν ἀνδραγαθίαν καὶ ἐν τοι̃ς περὶ τη̃ς πατρίδος ἀγω̃σιν εὐψυχίαν ὑπευλαβει̃το τὴν κρίσιν δι' αἱμάτων ποιήσασθαι

¹⁹διόπερ ἔπεμψεν Ποσιδώνιον καὶ Θεόδοτον καὶ Ματταθιαν δου̃ναι καὶ λαβει̃ν δεξιάς

²⁰πλείονος δὲ γενομένης περὶ τούτων ἐπισκέψεως καὶ του̃ ἡγουμένου τοι̃ς πλήθεσιν ἀνακοινωσαμένου καὶ φανείσης ὁμοψήφου γνώμης ἐπένευσαν ται̃ς συνθήκαις

²¹ἐτάξαντο δὲ ἡμέραν ἐν ἡ̨̃ κατ' ἰδίαν ἥξουσιν εἰς τὸ αὐτό καὶ προη̃λθεν παρ' ἑκάστου δίφραξ ἔθεσαν δίφρους

²²διέταξεν Ιουδας ἐνόπλους ἑτοίμους ἐν τοι̃ς ἐπικαίροις τόποις μήποτε ἐκ τω̃ν πολεμίων αἰφνιδίως κακουργία γένηται τὴν ἁρμόζουσαν ἐποιήσαντο κοινολογίαν

²³διέτριβεν ὁ Νικάνωρ ἐν Ιεροσολύμοις καὶ ἔπραττεν οὐθὲν ἄτοπον τοὺς δὲ συναχθέντας ἀγελαίους ὄχλους ἀπέλυσεν

²⁴καὶ εἰ̃χεν τὸν Ιουδαν διὰ παντὸς ἐν προσώπω̨ ψυχικω̃ς τω̨̃ ἀνδρὶ προσεκέκλιτο

²⁵παρεκάλεσεν αὐτὸν γη̃μαι καὶ παιδοποιήσασθαι ἐγάμησεν εὐστάθησεν ἐκοινώνησεν βίου

²⁶ὁ δὲ 'Άλκιμος συνιδὼν τὴν πρὸς ἀλλήλους εὔνοιαν καὶ τὰς γενομένας συνθήκας λαβὼν ἡ̃κεν πρὸς τὸν Δημήτριον καὶ ἔλεγεν τὸν Νικάνορα ἀλλότρια φρονει̃ν τω̃ν πραγμάτων τὸν γὰρ ἐπίβουλον τη̃ς βασιλείας Ιουδαν αὐτου̃ διάδοχον ἀναδει̃ξαι

²⁷ὁ δὲ βασιλεὺς ἔκθυμος γενόμενος καὶ ται̃ς του̃ παμπονήρου διαβολαι̃ς ἐρεθισθεὶς ἔγραψεν Νικάνορι φάσκων ὑπὲρ μὲν τω̃ν συνθηκω̃ν βαρέως φέρειν κελεύων δὲ τὸν Μακκαβαι̃ον δέσμιον ἐξαποστέλλειν εἰς 'Αντιόχειαν ταχέως

²⁸προσπεσόντων δὲ τούτων τω̨̃ Νικάνορι συνεκέχυτο καὶ δυσφόρως ἔφερεν εἰ τὰ διεσταλμένα ἀθετήσει μηδὲν τἀνδρὸς ἠδικηκότος

²⁹ἐπεὶ δὲ τω̨̃ βασιλει̃ ἀντιπράττειν οὐκ ἠ̃ν εὔκαιρον ἐτήρει στρατηγήματι του̃τ' ἐπιτελέσαι

³⁰ὁ δὲ Μακκαβαι̃ος αὐστηρότερον διεξαγαγόντα συνιδὼν τὸν Νικάνορα τὰ πρὸς αὐτὸν καὶ τὴν εἰθισμένην ἀπάντησιν ἀγροικότερον ἐσχηκότα νοήσας οὐκ ἀπὸ του̃ βελτίστου τὴν αὐστηρίαν εἰ̃ναι συστρέψας οὐκ ὀλίγους τω̃ν περὶ αὐτὸν συνεκρύπτετο τὸν Νικάνορα

³¹συγγνοὺς δὲ ὁ ἕτερος ὅτι γενναίως ὑπὸ του̃ ἀνδρὸς ἐστρατήγηται παραγενόμενος ἐπὶ τὸ μέγιστον καὶ ἅγιον ἱερὸν τω̃ν ἱερέων τὰς καθηκούσας θυσίας προσαγόντων ἐκέλευσεν παραδιδόναι τὸν ἄνδρα

³²τω̃ν δὲ μεθ' ὅρκων φασκόντων μὴ γινώσκειν που̃ ποτ' ἔστιν ὁ ζητούμενος

³³προτείνας τὴν δεξιὰν ἐπὶ τὸν νεὼ ταυ̃τ' ὤμοσεν ἐὰν μὴ δέσμιόν μοι τὸν Ιουδαν παραδω̃τε τόνδε τὸν του̃ θεου̃ σηκὸν εἰς πεδίον ποιήσω καὶ τὸ θυσιαστήριον κατασκάψω καὶ ἱερὸν ἐνταυ̃θα τω̨̃ Διονύσω̨ ἐπιφανὲς ἀναστήσω

³⁴τοσαυ̃τα δὲ εἰπὼν ἀπη̃λθεν οἱ δὲ ἱερει̃ς προτείναντες τὰς χει̃ρας εἰς τὸν οὐρανὸν ἐπεκαλου̃ντο τὸν διὰ παντὸς ὑπέρμαχον του̃ ἔθνους ἡμω̃ν ταυ̃τα λέγοντες

³⁵σὺ κύριε τω̃ν ὅλων ἀπροσδεὴς ὑπάρχων ηὐδόκησας ναὸν τη̃ς ση̃ς σκηνώσεως ἐν ἡμι̃ν γενέσθαι

³⁶καὶ νυ̃ν ἅγιε παντὸς ἁγιασμου̃ κύριε διατήρησον εἰς αἰω̃να ἀμίαντον τόνδε τὸν προσφάτως κεκαθαρισμένον οἰ̃κον

³⁷Ραζις δέ τις τω̃ν ἀπὸ Ιεροσολύμων πρεσβυτέρων ἐμηνύθη τω̨̃ Νικάνορι ἀνὴρ φιλοπολίτης καὶ σφόδρα καλω̃ς ἀκούων καὶ κατὰ τὴν εὔνοιαν πατὴρ τω̃ν Ιουδαίων προσαγορευόμενος

³⁸ἠ̃ν γὰρ ἐν τοι̃ς ἔμπροσθεν χρόνοις τη̃ς ἀμειξίας κρίσιν εἰσενηνεγμένος Ιουδαϊσμου̃ καὶ σω̃μα καὶ ψυχὴν ὑπὲρ του̃ Ιουδαϊσμου̃ παραβεβλημένος μετὰ πάσης ἐκτενίας

³⁹βουλόμενος δὲ Νικάνωρ πρόδηλον ποιη̃σαι ἣν εἰ̃χεν πρὸς τοὺς Ιουδαίους δυσμένειαν ἀπέστειλεν στρατιώτας ὑπὲρ τοὺς πεντακοσίους συλλαβει̃ν αὐτόν

⁴⁰ἔδοξεν γὰρ ἐκει̃νον συλλαβὼν τούτοις ἐνεργάσασθαι συμφοράν

⁴¹τω̃ν δὲ πληθω̃ν μελλόντων τὸν πύργον καταλαβέσθαι καὶ τὴν αὐλαίαν θύραν βιαζομένων καὶ κελευόντων πυ̃ρ προσάγειν καὶ τὰς θύρας ὑφάπτειν περικατάλημπτος γενόμενος ὑπέθηκεν ἑαυτω̨̃ τὸ ξίφος

⁴²εὐγενω̃ς θέλων ἀποθανει̃ν ἤπερ τοι̃ς ἀλιτηρίοις ὑποχείριος γενέσθαι καὶ τη̃ς ἰδίας εὐγενείας ἀναξίως ὑβρισθη̃ναι

⁴³τη̨̃ δὲ πληγη̨̃ μὴ κατευθικτήσας διὰ τὴν του̃ ἀγω̃νος σπουδὴν καὶ τω̃ν ὄχλων ἔσω τω̃ν θυρωμάτων εἰσβαλλόντων ἀναδραμὼν γενναίως ἐπὶ τὸ τει̃χος κατεκρήμνισεν ἑαυτὸν ἀνδρωδω̃ς εἰς τοὺς ὄχλους

⁴⁴τω̃ν δὲ ταχέως ἀναποδισάντων γενομένου διαστήματος ἠ̃λθεν κατὰ μέσον τὸν κενεω̃να

⁴⁵ἔτι δὲ ἔμπνους ὑπάρχων καὶ πεπυρωμένος τοι̃ς θυμοι̃ς ἐξαναστὰς φερομένων κρουνηδὸν τω̃ν αἱμάτων καὶ δυσχερω̃ν τω̃ν τραυμάτων ὄντων δρόμω̨ τοὺς ὄχλους διελθὼν καὶ στὰς ἐπί τινος πέτρας ἀπορρω̃γος

⁴⁶παντελω̃ς ἔξαιμος ἤδη γινόμενος προβαλὼν τὰ ἔντερα καὶ λαβὼν ἑκατέραις ται̃ς χερσὶν ἐνέσεισε τοι̃ς ὄχλοις καὶ ἐπικαλεσάμενος τὸν δεσπόζοντα τη̃ς ζωη̃ς καὶ του̃ πνεύματος ταυ̃τα αὐτω̨̃ πάλιν ἀποδου̃ναι τόνδε τὸν τρόπον μετήλλαξεν

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).