ΜΑΚΚΑΒΑΊΩΝ Α, κεφαλίς 3: Библия онлайн, Greek/Septuagint == БИБЛИЯ-ЦЕНТР

ΜΑΚΚΑΒΑΊΩΝ Α, κεφαλίς 3

¹καὶ ἀνέστη Ιουδας ὁ καλούμενος Μακκαβαι̃ος υἱὸς αὐτου̃ ἀντ' αὐτου̃

²καὶ ἐβοήθουν αὐτω̨̃ πάντες οἱ ἀδελφοὶ αὐτου̃ καὶ πάντες ὅσοι ἐκολλήθησαν τω̨̃ πατρὶ αὐτου̃ καὶ ἐπολέμουν τὸν πόλεμον Ισραηλ μετ' εὐφροσύνης

³καὶ ἐπλάτυνεν δόξαν τω̨̃ λαω̨̃ αὐτου̃ καὶ ἐνεδύσατο θώρακα ὡς γίγας καὶ συνεζώσατο τὰ σκεύη τὰ πολεμικὰ αὐτου̃ καὶ πολέμους συνεστήσατο σκεπάζων παρεμβολὴν ἐν ῥομφαία̨

⁴καὶ ὡμοιώθη λέοντι ἐν τοι̃ς ἔργοις αὐτου̃ καὶ ὡς σκύμνος ἐρευγόμενος εἰς θήραν

⁵καὶ ἐδίωξεν ἀνόμους ἐξερευνω̃ν καὶ τοὺς ταράσσοντας τὸν λαὸν αὐτου̃ ἐφλόγισεν

⁶καὶ συνεστάλησαν ἄνομοι ἀπὸ του̃ φόβου αὐτου̃ καὶ πάντες οἱ ἐργάται τη̃ς ἀνομίας συνεταράχθησαν καὶ εὐοδώθη σωτηρία ἐν χειρὶ αὐτου̃

⁷καὶ ἐπίκρανεν βασιλει̃ς πολλοὺς καὶ εὔφρανεν τὸν Ιακωβ ἐν τοι̃ς ἔργοις αὐτου̃ καὶ ἕως του̃ αἰω̃νος τὸ μνημόσυνον αὐτου̃ εἰς εὐλογίαν

⁸καὶ διη̃λθεν ἐν πόλεσιν Ιουδα καὶ ἐξωλέθρευσεν ἀσεβει̃ς ἐξ αὐτη̃ς καὶ ἀπέστρεψεν ὀργὴν ἀπὸ Ισραηλ

⁹καὶ ὠνομάσθη ἕως ἐσχάτου γη̃ς καὶ συνήγαγεν ἀπολλυμένους

¹⁰καὶ συνήγαγεν 'Απολλώνιος ἔθνη καὶ ἀπὸ Σαμαρείας δύναμιν μεγάλην του̃ πολεμη̃σαι πρὸς τὸν Ισραηλ

¹¹καὶ ἔγνω Ιουδας καὶ ἐξη̃λθεν εἰς συνάντησιν αὐτω̨̃ καὶ ἐπάταξεν αὐτὸν καὶ ἀπέκτεινεν καὶ ἔπεσον τραυματίαι πολλοί καὶ οἱ ἐπίλοιποι ἔφυγον

¹²καὶ ἔλαβον τὰ σκυ̃λα αὐτω̃ν καὶ τὴν μάχαιραν 'Απολλωνίου ἔλαβεν Ιουδας καὶ ἠ̃ν πολεμω̃ν ἐν αὐτη̨̃ πάσας τὰς ἡμέρας

¹³καὶ ἤκουσεν Σήρων ὁ ἄρχων τη̃ς δυνάμεως Συρίας ὅτι ἤθροισεν Ιουδας ἄθροισμα καὶ ἐκκλησίαν πιστω̃ν μετ' αὐτου̃ καὶ ἐκπορευομένων εἰς πόλεμον

¹⁴καὶ εἰ̃πεν ποιήσω ἐμαυτω̨̃ ὄνομα καὶ δοξασθήσομαι ἐν τη̨̃ βασιλεία̨ καὶ πολεμήσω τὸν Ιουδαν καὶ τοὺς σὺν αὐτω̨̃ τοὺς ἐξουδενου̃ντας τὸν λόγον του̃ βασιλέως

¹⁵καὶ προσέθετο καὶ ἀνέβη μετ' αὐτου̃ παρεμβολὴ ἀσεβω̃ν ἰσχυρὰ βοηθη̃σαι αὐτω̨̃ ποιη̃σαι τὴν ἐκδίκησιν ἐν υἱοι̃ς Ισραηλ

¹⁶καὶ ἤγγισεν ἕως ἀναβάσεως Βαιθωρων καὶ ἐξη̃λθεν Ιουδας εἰς συνάντησιν αὐτω̨̃ ὀλιγοστός

¹⁷ὡς δὲ εἰ̃δον τὴν παρεμβολὴν ἐρχομένην εἰς συνάντησιν αὐτω̃ν εἰ̃πον τω̨̃ Ιουδα τί δυνησόμεθα ὀλιγοστοὶ ὄντες πολεμη̃σαι πρὸς πλη̃θος τοσου̃το ἰσχυρόν καὶ ἡμει̃ς ἐκλελύμεθα ἀσιτου̃ντες σήμερον

¹⁸καὶ εἰ̃πεν Ιουδας εὔκοπόν ἐστιν συγκλεισθη̃ναι πολλοὺς ἐν χερσὶν ὀλίγων καὶ οὐκ ἔστιν διαφορὰ ἐναντίον του̃ οὐρανου̃ σώ̨ζειν ἐν πολλοι̃ς ἢ ἐν ὀλίγοις

¹⁹ὅτι οὐκ ἐν πλήθει δυνάμεως νίκη πολέμου ἐστίν ἀλλ' ἐκ του̃ οὐρανου̃ ἡ ἰσχύς

²⁰αὐτοὶ ἔρχονται ἐφ' ἡμα̃ς ἐν πλήθει ὕβρεως καὶ ἀνομίας του̃ ἐξα̃ραι ἡμα̃ς καὶ τὰς γυναι̃κας ἡμω̃ν καὶ τὰ τέκνα ἡμω̃ν του̃ σκυλευ̃σαι ἡμα̃ς

²¹ἡμει̃ς δὲ πολεμου̃μεν περὶ τω̃ν ψυχω̃ν ἡμω̃ν καὶ τω̃ν νομίμων ἡμω̃ν

²²καὶ αὐτὸς συντρίψει αὐτοὺς πρὸ προσώπου ἡμω̃ν ὑμει̃ς δὲ μὴ φοβει̃σθε ἀπ' αὐτω̃ν

²³ὡς δὲ ἐπαύσατο λαλω̃ν ἐνήλατο εἰς αὐτοὺς ἄφνω καὶ συνετρίβη Σήρων καὶ ἡ παρεμβολὴ αὐτου̃ ἐνώπιον αὐτου̃

²⁴καὶ ἐδίωκον αὐτὸν ἐν τη̨̃ καταβάσει Βαιθωρων ἕως του̃ πεδίου καὶ ἔπεσον ἀπ' αὐτω̃ν εἰς ἄνδρας ὀκτακοσίους οἱ δὲ λοιποὶ ἔφυγον εἰς γη̃ν Φυλιστιιμ

²⁵καὶ ἤρξατο ὁ φόβος Ιουδου καὶ τω̃ν ἀδελφω̃ν αὐτου̃ καὶ ἡ πτόη ἐπέπιπτεν ἐπὶ τὰ ἔθνη τὰ κύκλω̨ αὐτω̃ν

²⁶καὶ ἤγγισεν ἕως του̃ βασιλέως τὸ ὄνομα αὐτου̃ καὶ ὑπὲρ τω̃ν παρατάξεων Ιουδου ἐξηγει̃το τὰ ἔθνη

²⁷ὡς δὲ ἤκουσεν ὁ βασιλεὺς 'Αντίοχος τοὺς λόγους τούτους ὠργίσθη θυμω̨̃ καὶ ἀπέστειλεν καὶ συνήγαγεν τὰς δυνάμεις πάσας τη̃ς βασιλείας αὐτου̃ παρεμβολὴν ἰσχυρὰν σφόδρα

²⁸καὶ ἤνοιξεν τὸ γαζοφυλάκιον αὐτου̃ καὶ ἔδωκεν ὀψώνια ται̃ς δυνάμεσιν εἰς ἐνιαυτὸν καὶ ἐνετείλατο αὐτοι̃ς εἰ̃ναι ἑτοίμους εἰς πα̃σαν χρείαν

²⁹καὶ εἰ̃δεν ὅτι ἐξέλιπεν τὸ ἀργύριον ἐκ τω̃ν θησαυρω̃ν καὶ οἱ φόροι τη̃ς χώρας ὀλίγοι χάριν τη̃ς διχοστασίας καὶ πληγη̃ς ἡ̃ς κατεσκεύασεν ἐν τη̨̃ γη̨̃ του̃ ἀ̃ραι τὰ νόμιμα ἃ ἠ̃σαν ἀφ' ἡμερω̃ν τω̃ν πρώτων

³⁰καὶ εὐλαβήθη μὴ οὐκ ἔχη̨ ὡς ἅπαξ καὶ δὶς εἰς τὰς δαπάνας καὶ τὰ δόματα ἃ ἐδίδου ἔμπροσθεν δαψιλη̨̃ χειρὶ καὶ ἐπερίσσευσεν ὑπὲρ τοὺς βασιλει̃ς τοὺς ἔμπροσθεν

³¹καὶ ἠπορει̃το τη̨̃ ψυχη̨̃ αὐτου̃ σφόδρα καὶ ἐβουλεύσατο του̃ πορευθη̃ναι εἰς τὴν Περσίδα καὶ λαβει̃ν τοὺς φόρους τω̃ν χωρω̃ν καὶ συναγαγει̃ν ἀργύριον πολύ

³²καὶ κατέλιπεν Λυσίαν ἄνθρωπον ἔνδοξον καὶ ἀπὸ γένους τη̃ς βασιλείας ἐπὶ τω̃ν πραγμάτων του̃ βασιλέως ἀπὸ του̃ ποταμου̃ Εὐφράτου καὶ ἕως ὁρίων Αἰγύπτου

³³καὶ τρέφειν 'Αντίοχον τὸν υἱὸν αὐτου̃ ἕως του̃ ἐπιστρέψαι αὐτόν

³⁴καὶ παρέδωκεν αὐτω̨̃ τὰς ἡμίσεις τω̃ν δυνάμεων καὶ τοὺς ἐλέφαντας καὶ ἐνετείλατο αὐτω̨̃ περὶ πάντων ὡ̃ν ἠβούλετο καὶ περὶ τω̃ν κατοικούντων τὴν Ιουδαίαν καὶ Ιερουσαλημ

³⁵ἀποστει̃λαι ἐπ' αὐτοὺς δύναμιν του̃ ἐκτρι̃ψαι καὶ ἐξα̃ραι τὴν ἰσχὺν Ισραηλ καὶ τὸ κατάλειμμα Ιερουσαλημ καὶ ἀ̃ραι τὸ μνημόσυνον αὐτω̃ν ἀπὸ του̃ τόπου

³⁶καὶ κατοικίσαι υἱοὺς ἀλλογενει̃ς ἐν πα̃σιν τοι̃ς ὁρίοις αὐτω̃ν καὶ κατακληροδοτη̃σαι τὴν γη̃ν αὐτω̃ν

³⁷καὶ ὁ βασιλεὺς παρέλαβεν τὰς ἡμίσεις τω̃ν δυνάμεων τὰς καταλειφθείσας καὶ ἀπη̃ρεν ἀπὸ 'Αντιοχείας ἀπὸ πόλεως βασιλείας αὐτου̃ ἔτους ἑβδόμου καὶ τεσσαρακοστου̃ καὶ ἑκατοστου̃ καὶ διεπέρασεν τὸν Εὐφράτην ποταμὸν καὶ διεπορεύετο τὰς ἐπάνω χώρας

³⁸καὶ ἐπέλεξεν Λυσίας Πτολεμαι̃ον τὸν Δορυμένους καὶ Νικάνορα καὶ Γοργίαν ἄνδρας δυνατοὺς τω̃ν φίλων του̃ βασιλέως

³⁹καὶ ἀπέστειλεν μετ' αὐτω̃ν τεσσαράκοντα χιλιάδας ἀνδρω̃ν καὶ ἑπτακισχιλίαν ἵππον του̃ ἐλθει̃ν εἰς γη̃ν Ιουδα καὶ καταφθει̃ραι αὐτὴν κατὰ τὸν λόγον του̃ βασιλέως

⁴⁰καὶ ἀπη̃ρεν σὺν πάση̨ τη̨̃ δυνάμει αὐτω̃ν καὶ ἠ̃λθον καὶ παρενέβαλον πλησίον Αμμαους ἐν τη̨̃ γη̨̃ τη̨̃ πεδινη̨̃

⁴¹καὶ ἤκουσαν οἱ ἔμποροι τη̃ς χώρας τὸ ὄνομα αὐτω̃ν καὶ ἔλαβον ἀργύριον καὶ χρυσίον πολὺ σφόδρα καὶ πέδας καὶ ἠ̃λθον εἰς τὴν παρεμβολὴν του̃ λαβει̃ν τοὺς υἱοὺς Ισραηλ εἰς παι̃δας καὶ προσετέθησαν πρὸς αὐτοὺς δύναμις Συρίας καὶ γη̃ς ἀλλοφύλων

⁴²καὶ εἰ̃δεν Ιουδας καὶ οἱ ἀδελφοὶ αὐτου̃ ὅτι ἐπληθύνθη τὰ κακὰ καὶ αἱ δυνάμεις παρεμβάλλουσιν ἐν τοι̃ς ὁρίοις αὐτω̃ν καὶ ἐπέγνωσαν τοὺς λόγους του̃ βασιλέως οὓς ἐνετείλατο ποιη̃σαι τω̨̃ λαω̨̃ εἰς ἀπώλειαν καὶ συντέλειαν

⁴³καὶ εἰ̃παν ἕκαστος πρὸς τὸν πλησίον αὐτου̃ ἀναστήσωμεν τὴν καθαίρεσιν του̃ λαου̃ ἡμω̃ν καὶ πολεμήσωμεν περὶ του̃ λαου̃ ἡμω̃ν καὶ τω̃ν ἁγίων

⁴⁴καὶ ἠθροίσθη ἡ συναγωγὴ του̃ εἰ̃ναι ἑτοίμους εἰς πόλεμον καὶ του̃ προσεύξασθαι καὶ αἰτη̃σαι ἔλεος καὶ οἰκτιρμούς

⁴⁵καὶ Ιερουσαλημ ἠ̃ν ἀοίκητος ὡς ἔρημος οὐκ ἠ̃ν ὁ εἰσπορευόμενος καὶ ἐκπορευόμενος ἐκ τω̃ν γενημάτων αὐτη̃ς καὶ τὸ ἁγίασμα καταπατούμενον καὶ υἱοὶ ἀλλογενω̃ν ἐν τη̨̃ ἄκρα̨ κατάλυμα τοι̃ς ἔθνεσιν καὶ ἐξήρθη τέρψις ἐξ Ιακωβ καὶ ἐξέλιπεν αὐλὸς καὶ κινύρα

⁴⁶καὶ συνήχθησαν καὶ ἤλθοσαν εἰς Μασσηφα κατέναντι Ιερουσαλημ ὅτι τόπος προσευχη̃ς ἠ̃ν ἐν Μασσηφα τὸ πρότερον τω̨̃ Ισραηλ

⁴⁷καὶ ἐνήστευσαν τη̨̃ ἡμέρα̨ ἐκείνη̨ καὶ περιεβάλοντο σάκκους καὶ σποδὸν ἐπὶ τὴν κεφαλὴν αὐτω̃ν καὶ διέρρηξαν τὰ ἱμάτια αὐτω̃ν

⁴⁸καὶ ἐξεπέτασαν τὸ βιβλίον του̃ νόμου περὶ ὡ̃ν ἐξηρεύνων τὰ ἔθνη τὰ ὁμοιώματα τω̃ν εἰδώλων αὐτω̃ν

⁴⁹καὶ ἤνεγκαν τὰ ἱμάτια τη̃ς ἱερωσύνης καὶ τὰ πρωτογενήματα καὶ τὰς δεκάτας καὶ ἤγειραν τοὺς ναζιραίους οἳ ἐπλήρωσαν τὰς ἡμέρας

⁵⁰καὶ ἐβόησαν φωνη̨̃ εἰς τὸν οὐρανὸν λέγοντες τί ποιήσωμεν τούτοις καὶ που̃ αὐτοὺς ἀπαγάγωμεν

⁵¹καὶ τὰ ἅγιά σου καταπεπάτηνται καὶ βεβήλωνται καὶ οἱ ἱερει̃ς σου ἐν πένθει καὶ ταπεινώσει

⁵²καὶ ἰδοὺ τὰ ἔθνη συνη̃κται ἐφ' ἡμα̃ς του̃ ἐξα̃ραι ἡμα̃ς σὺ οἰ̃δας ἃ λογίζονται ἐφ' ἡμα̃ς

⁵³πω̃ς δυνησόμεθα ὑποστη̃ναι κατὰ πρόσωπον αὐτω̃ν ἐὰν μὴ σὺ βοηθήση̨ς ἡμι̃ν

⁵⁴καὶ ἐσάλπισαν ται̃ς σάλπιγξιν καὶ ἐβόησαν φωνη̨̃ μεγάλη̨

⁵⁵καὶ μετὰ του̃το κατέστησεν Ιουδας ἡγουμένους του̃ λαου̃ χιλιάρχους καὶ ἑκατοντάρχους καὶ πεντηκοντάρχους καὶ δεκαδάρχους

⁵⁶καὶ εἰ̃πεν τοι̃ς οἰκοδομου̃σιν οἰκίας καὶ μνηστευομένοις γυναι̃κας καὶ φυτεύουσιν ἀμπελω̃νας καὶ δειλοι̃ς ἀποστρέφειν ἕκαστον εἰς τὸν οἰ̃κον αὐτου̃ κατὰ τὸν νόμον

⁵⁷καὶ ἀπη̃ρεν ἡ παρεμβολή καὶ παρενέβαλον κατὰ νότον Αμμαους

⁵⁸καὶ εἰ̃πεν Ιουδας περιζώσασθε καὶ γίνεσθε εἰς υἱοὺς δυνατοὺς καὶ γίνεσθε ἕτοιμοι εἰς πρωὶ του̃ πολεμη̃σαι ἐν τοι̃ς ἔθνεσιν τούτοις τοι̃ς ἐπισυνηγμένοις ἐφ' ἡμα̃ς ἐξα̃ραι ἡμα̃ς καὶ τὰ ἅγια ἡμω̃ν

⁵⁹ὅτι κρει̃σσον ἡμα̃ς ἀποθανει̃ν ἐν τω̨̃ πολέμω̨ ἢ ἐπιδει̃ν ἐπὶ τὰ κακὰ του̃ ἔθνους ἡμω̃ν καὶ τω̃ν ἁγίων

⁶⁰ὡς δ' ἂν ἠ̨̃ θέλημα ἐν οὐρανω̨̃ οὕτως ποιήσει

Для корректного отображения некириллических текстов желательно установить шрифты Lucida Sans Unicode (для текстов на греческом) и Hirmos (для текстов на церковнославянском). Если Ваш браузер поддерживает технологию CSS3, шрифты будут загружены автоматически.


	Благодаря регистрации Вы можете подписаться на рассылку текстов любого из планов чтения Библии Мы планируем постепенно развивать возможности самостоятельной настройки сайта и другие дополнительные сервисы для зарегистрированных пользователей, так что советуем регистрироваться уже сейчас (разумеется, бесплатно).